BNG Pontecesures

O BNG segue a ser, por ampla diferencia, a forza máis votada en Pontecesures.

2011-06-01T04:38:00.000-07:00

As eleccións municipais do pasado 22 de maio demostraron, unha vez máis, o forte respaldo que o BNG segue a ter por parte do electorado de Pontecesures. Acadando unha aplastante diferencia coa segunda forza á que doblou en número concelleiros.

Facer doble clic encima dos gráficos para velos ampliados:

BOLETÍN DO BNG MAIO 2011

2011-05-12T08:48:00.000-07:00

Luís Álvarez Angueira, candidato á alcaldía de Pontecesures.

"Somos a única forza política que combina estabilidade, experiencia de goberno e un amplo apoio"

Luis, eres con diferencia o concelleiro máis antigo: na oposicón con Piñeiro Ares, alcalde durante dúas lexislaturas e volta á oposición. Logo de todos estes anos traballando na corporación de Pontecesures, como ves o concello?

Pontecesures é un concello pequeno que ten uns recursos limitados, por iso é tan importante xestionalos con intelixencia e eficacia. Nos anos nos que o BNG tivo a alcaldía, fixemos un esforzo por optimizalos e podo asegurar que non é facil. Son moitas as necesidades e con frecuencia hai que facer encaixe de bolillos para non desatender ningunha delas. Sen embargo, e a pesar de que lles deixamos algúns proxectos encima da mesa ao novo goberno, refírome ao centro de día ou ao parque empresarial, non souberon, ou non quixeron desenvolvelos. Neste senso teño que dicir que a situación actual do concello paréceme preocupante, e máis nunha época de crise económica como a que padecemos. Ese tipo de proxectos, de marcado perfil social, creo que son máis importantes para un concello coma o noso.

O BNG é a única forza política que non parece ter problemas internos, que presenta unha candidatura sen descontentos e cohesionada, cal é o segredo?

O segredo é a democracia interna. No BNG non lle impoñemos nada a ninguén. Buscamos o consenso e a unidade. No BNG teñen cabida todas as persoas que saben que Galiza precisa dun compromiso explícito para defender os intereses que temos como país, un compromiso cun claro perfil progresista, que é un elemento de afinidade moi importante. Isto facilita moito as cousas. Aquí ninguén está por intereses persoais senón porque temos claro que, se queremos que Galiza mellore, que Pontecesures mellore, fai falla un compromiso de traballo para defender con claridade os intereses de todos e todas nós.

Cal é a túa valoración da lexislatura que remata agora?

Lamentábel. En primeiro lugar, porque aínda que é perfectamente lexítimo, no BNG pensamos que o acordo a tres bandas que nos expulsou do goberno, non respondía á vontade que con claridade expresaron as veciñas e veciños de Pontecesures. E digo isto, non porque pense que non é lexítimo que varios partidos se alien para gobernar, nós fixémolo así durante oito anos e é perfectamente democrático, senón, porque foi un pacto contra natura, un pacto que non tiña ningún programa de goberno –como si tiñamos nós– foi un pacto estimulado por un único obxectivo: que o BNG non seguise gobernando en Pontecesures, costase o que costase. A partir dese punto, toda a lexislatura é un despropósito: os membros do goberno case non se falan entre eles, comunícanse con notiñas, boicotean iniciativas veciñais con fondos públicos e lanzan unha ofensiva de infundios contra o BNG que sigue respondendo ao obxectivo inicial: destruir ao BNG. Destruir a única forza política que pode gobernar en Pontecesures coa altura que a nosa vila se merece. Poderia resumirse como a lexislatura na que o goberno, a falta dun programa de traballo, adicouse a facerlle oposición á oposición. Lamentábel.

E a nivel xeral, como ves ao noso país cando van alá máis de dous anos cunha nova maioría absoluta do PP na Xunta?

Verás, o diagnóstico que facemos da realidade de Pontecesures, encaixa coma un guante co diagnóstico que se pode facer a nivel xeral. O goberno de Feijoo leva dous anos derrumbando todo o que o goberno anterior construíu. Particularmente o que construíron as consellerías que eran responsabilidade do BNG. En Pontecesures comezaron a lexislatura da mesma maneira: mutilando unha guía turística elaborada durante o noso mandato e tirando á papeleria o proxecto do centro de día ou o do parque empresarial. Nestes dous anos de goberno do PP, na Xunta de Galiza so se poden contabilizar as toneladas de escombro político. Ningún proxecto, unha xestión da crise penosa que está provocando un incremento do paro nunca antes coñecido, unha agresión ao idioma galego sen precedentes que conta co rexeitamento da inmensa maioría da cidadanía galega e, tal e como pasa en Pontecesures, unha persecución da oposición que recorda tempos pasados e ben nefastos.

O actual goberno que preside Maribel Barreiro recibiu importantes recursos económicos do Plan E, na túa opinión, o uso que se lles deu foi o necesario?

Pois basicamente eses recursos que como moi ben dis foron importantes –máis de medio millón de euros– empregáronse en mover pedras dun sitio para outro. Realizouse unha remodelación das beirarrúas e da área na que se atopa o coche de pedra que, na nosa opinión, non eran prioritarias. Se nós estivésemos gobernando e o concello recibise uns aportes económicos tan importantes, pensamos que hai outras necesidades que é máis urxente atender e cun beneficio social moi necesario. Por outra parte eses fondos tiñan como obxectivo fomentar o mantemento do emprego en sectores moi doentes pola crise, sen embargo, non coñecemos un balance do concello a este nivel. Cantos postos de traballo se crearon ou se manteron? Na nosa opinión, este aspecto é tan importante como a obra que se realiza. Por iso calificamos de desgoberno ao equipo da señora Maribel, porque entendemos nós que gobernar é unha actividade que debe ter en conta os intereses de todos e, en situacións tan delicadas coma a actual, moi especialmente os intereses das persoas máis desprotexidas.

E se o BNG estivese gobernando, como empregaría eses recursos?

Ben, como dixen, para o BNG é importante a repercusión social que teñen os investimentos que se realizan. Neste caso, presentamos unha moción para que se empregasen eses fondos para levar adiante o centro de día, para construcción dun comedor escolar e para resolver o problema que teñen os veciños e veciñas de San Xulián para cruzar a N 550 cara a rúa do Pilar, nós propoñíamos a realización dun paso elevado que os arrede do intenso tráfico desta estrada. Como se pode ver, as obras que propuxemos tiñan un interese social evidente e un volume que facilitaría a creación ou o mantemento de máis postos de traballo e durante máis tempo.

Que opinión che merece a polémica que se orixinou coas feiras do automóbil?

É a perla do mandato. O desgoberno empregouse a fondo con recursos públicos para torpedear unha iniciativa dunha asociación cultural que tiña e ten, un claro interese para o conxunto de Pontecesures. O desgoberno da señora Maribel Castro, do señor Rafael Randulfe e do señor Luis Sabariz, inventaron unha feira paralela –patética– negáronse a colaborar coa Asociación Cultural Mirándolle os Dentes e, por increíble que pareza, mesmo aqueles aspectos que o concello ten a obriga de xestionar, mesmo aí tentou boicotear o evento. A feira que organiza Mirándolle os Dentes, alomenos dende o noso punto de vista, debe ser un evento que se desenvolva cunha forte colaboración por parte do concello. Así se fixo mentres o BNG tivo responsabilidades de goberno, e así se fará se voltamos a contar coa confianza maioritaria da cidadanía de Pontecesures. Nós coñecemos o enorme esforzo que as persoas da asociación realizan para levar adiante un envento desta envergadura, por iso non temos dúbidas en que hai que apoialo e dóenos o papel tan triste, que neste tema, xogou o goberno actual.

Pontecesures é un concello pequeno, sen embargo, se os rumores se confirman poderían presentarse ate sete listas electorais, varias delas promovidas por independentes, cal é a túa opinión?

Respecto e preocupación. Respecto porque todas as persoas teñen dereito a expresarse politicamente, a organizarse e a propoñer todas as candidaturas que consideren oportunas, faltaría mais. Preocupación, porque se te fixas, algunhas delas son o resultado do descontento polo importante déficit democrático interno, ou polo reparto do poder e os postos que o dedo de certa dirección provincial lles atribúe a cada un. E se digo preocupación é porque –a vista do que pasou fai catro anos– calquera destas candidaturas pode gobernar Pontecesures. Estaríamos na mesma: equipos de goberno sen máis programa ca o odio que mutuamente se profesan. Así non se pode. Nós confiamos na madurez política dos veciños e veciñas e estamos seguros de que saberán escoller con sentidiño.

Con tantas opcións a hora de votar tamén é previsible que a gobernabilidade sexa complicada, sen non hai maiorías absolutas, ten o BNG preferencias concretas á hora de pactar con outras forzas políticas?

En principio non contemplamos ese escenario. Nós confiamos no traballo desenvolvido nos oito anos durante os que tivemos a responsabilidade da alcadía e no labor realizado nestes últimos dende a oposición. Consideramos que somos a única forza política que combina estabilidade, experiencia de goberno e un amplo apoio electoral. Contamos con gobernar en solitario. Pero, se non se dese esa circunstancia, como xa dixen ao comezo, o BNG é unha forza progresista e polo tanto, buscaremos os apoios e as afinidades entre as forzas progresistas que acaden representación.

Candidatura do BNG en Pontecesures.

Podes avanzarnos as liñas xerais do programa de goberno do BNG?

Neste momento estamos traballando nel, realmente só nos últimos detalles e aínda que non quero adiantar nada para non restarlle interese ao acto no que fagamos a súa presentación, si podo dicir que o noso programa é unha extensión do que foi o noso traballo na alcaldía e na oposición. Consideramos que hai importantes necesidades en materia de infraestrutura no rural ou de saneamento na vila, que este desgoberno non resolveu e que xa non deben esperar máis. Cuestións de orde social que son urxentes, porque non pode ser que os nosos maiores teñan que ir a outros concellos para facer uso dun centro de día, mentres aquí, os terreos que tiñamos preparados para facer o noso, regaláronos para un albergue de peregrinos. Que non é que non faga falta, pero dende logo é bastante máis necesario o centro de día. Por outra parte, o lóxico é que o albergue se realice nunha ubicación máis céntrica, pola comodidade dos peregrinos e tamén para que actúe como un recurso económico para o noso comercio.

É necesario e urxente un centro cultural de usos múltiples e a creación dun plan de dinamización que poña en valor as nosas potencialidades. A protección e defensa do medio ambiente. Pontecesures non ten no seu territorio ningunha industria especialmente contaminante, pero hai algunhas nos concellos veciños que son un aténtico crebacabezas e é necesario abordar esta cuestión con seriedade e responsabilidade. A dinamización da lingua galega, o apoio ao deporte local, o impulso do asociacionismo e un logo etc. que iremos debullando nos próximos días.

E o futuro? como ves toda a problemática da crise?

É o capitalismo máis crú en estado puro. Vai ser duro sair desta situación pero son da opinión de que hai que lanzar unha mensaxe de optimismo e, dende os poderes públicos, realizar políticas que fomenten o emprego e o desenvolvemento económico sobre unha base produtiva e non especulativa, que foi o que nos levou a esta situación e da que son responsables, case en exclusiva, a dereita económica e os gobernos do PP, que durante máis de vinte anos gobernaron a Xunta de Galiza con maioría absoluta. Hai que lanzar unha mensaxe de optimismo e confianza, unha mensaxe verdadeira. Nós, os galegos e as galegas, somos un pobo traballador, afeito a superar grandes dificultades, fartos de andar polo mundo adiante. Só nos falta un goberno noso. Un goberno que estea á altura da nosa valía como pobo. Un goberno que se recoñeza na identidade galega, que aprecie a nosa cultura e o noso idioma. Un goberno que comprenda, valore e defenda os nosos recursos. Dende logo, nós, o BNG de Pontecesures, imos por o noso grao de area para que todo iso sexa posíbel.

BOLETÍN DO BNG DECEMBRO 2010

2011-01-03T04:27:00.000-08:00

O BNG presenta un equipo solvente para gobernar Pontecesures: Ofrece experiencia, honestidade, capacidade de traballo e ilusión.

O BNG ven de presentar o primeiro treito da candidatura coa que vai concorrer o vindeiro mes de maio ás eleccións municipais no concello de Pontecesures. Faino co convencemento de que os veciños e veciñas cren necesario mudar de rumbo e abandonar o desgoberno destes últimos 4 anos, onde Pontecesures vivíu unha evidente parálise institucional.

Para o BNG é necesario e urxente recuperar a senda que o nacionalismo, con Luís Álvarez Angueira á fronte, trazou nos oitos anos nos que estivo á fronte da Alcaldía de Pontecesures, unha senda de dinamismo, prosperidade e calidade de vida, que se veu truncada nas últimas eleccións municipais, cando un pacto, apoiado en tránsfugas, propiciou unha volta atrás a todas as políticas que o BNG estaba a impulsar para dinamizar a vida económica e social do noso Concello.

Á candidatura, encabezada por Luís Álvarez Angueira e conformada por Cecilia Tarela Barreiro, Arturo Ferro González, Margarita Carolina García Castro, Xurxo Gerpe Jamardo e Mª Teresa Tocino Barreiro ten, pois, un aval abondo demostrado de experiencia, honestidade e capacidade de traballo sempre a prol da defensa dos intereses dos nosos veciños e veciñas.

Pero o que é, se cadra, máis importante aínda, ten a ilusión necesaria para, en contacto directo coas mulleres e homes do noso concello, crear e levar a bo porto políticas activas para que Pontecesures salga dunha vez por todas da parálise de catro negros anos de desgoberno, e recobre, con forza, o camiño de prosperidade e de defensa dos intereses veciñais que nunca debeu abandonar. No BNG contamos con vós para facer un concello mellor, máis dinámico e máis participativo.

A rede WIFI municipal: outro engano do goberno local aos veciños e veciñas

A instalación da rede wifi para o acceso a internet de todas as veciñas e veciños do pobo mostra unha vez máis a pouca credibilidade e a incompetencia absoluta do goberno municipal de Pontecesures. A día de hoxe, en que xa está rematada a actuación e xa se repartiron e se están a repartir códigos de acceso entre o vecindario, a conclusión é a seguinte: a rede ten unha potencia ridícula nos poucos lugares nos que se pode acceder a ela, xa que a maioría do pobo está en sombra. Incluso en edificios que teñen algunha das antenas repetidoras do sinal ao seu carón, a recepción é insuficiente ou nula. En definitiva 40.000 € de investimento para absolutamente nada, despois de estar mais de dous anos vendéndolle a moto a todos os veciños e veciñas. So hai que tirar de hemeroteca para, unha vez vistos os resultados, darse conta de que o equipo de goberno pensa que os cesureños e cesureñas somos parvos:

DIARIO DE AROUSA, 09/febreiro/2008: “A Deputación Provincial de Pontevedra concedeu ao Concello de Pontecesures una subvención de 30.000 euros, con cargo ao Plan de Acción Municipal (PAM) de 2008, para a instalación no municipio da rede inalámbrica wifi. O Concello terá que aportar 10.000 euros ao proxecto, o 25% do orzamento total”.

DIARIO DE PONTEVEDRA 14/febreiro/2008: “O presidente da Deputación de Pontevedra, Rafael Louzán, e a alcaldesa de Pontecesures, Maribel Castro, asinaron onte no Pazo Provincial un convenio para levar a cabo o despregue necesario para dotar ao municipio da rede inalámbrica wi-fi, por valor de 40.000 euros. O sistema chegará a todos os núcleos dos seus 6,9 quilómetros cadrados (incluindo Carreiras, Toxa, Infesta, Porto, etcétera) a través de 14 antenas conectadas a un ordenador central situado no consistorio”.

DIARIO DE AROUSA, 15/febreiro/2008: “O sistema dará cobertura ao “99 ou 100%” do termo municipal, segundo confirmou o tenente alcalde Rafael Randulfe. Rafael Randulfe lembrou que a rede wifi foi unha das promesas electorais realizadas polo PP”.

DIARIO DE AROUSA, 30/novembro/2008: ”O prego de condicións incorporará as características técnicas necesarias para a posta en marcha desta instalación. As previsións pasan por colocar un total de catorce antenas en diversos lugares para que a rede WIFI dea cobertura a todo o termo municipal”.

LA VOZ DE GALICIA, 30/novembro/2008: ”Pontecesures terá a súa rede inalámbrica de comunicación antes de que expire 2008”.

DIARIO DE PONTEVEDRA, 01/abril/2009: ”O Goberno local de Pontecesures espera contar no prazo dun mes coa rede wifi”. É dicir a finais de abril de 2009.

DIARIO DE AROUSA, 31/marzo/2010: ”A alcaldesa, Maribel Castro, informou á corporación que a empresa Plexus rematou a instalación das 9 antenas da rede Wifi polo que, en breve, comenzarán a distribuirse os códigos de acceso entre os veciños que o soliciten”. Non eran 14 antenas?.

Antes de marzo de 2010 o señor Randulfe adicábase a facilitar os códigos de acceso para a rede wifi a algúns veciños de forma "clientelar" e con obxectivos electoralistas. Aínda que pouco favor vendeu porque non funcionaban nin os códigos nin a rede.

LA VOZ DE GALICIA, 06/maio/2010: “Maribel Castro lembrou que «o Partido Popular xa tiña no seu programa electoral o obxectivo de dotar de este servizo a todos os veciños do concello. Agora podemos afirmar que o servizo wifi en Pontecesures xa é unha realidade», engadíu.” Por fin sabemos o partido ao que representa esta señora.

DIARIO DE AROUSA, 06/maio/2010: “En principio, apuntou Rafael Randulfe, están cubertas as rúas centrais, as zonas de Porto, San Xulián, Infesta e á Avenida de Pontevedra. Ambos responsables públicos admitiron que posiblemente haberá zonas de sombra: «Descoñecemos polo de agora cales serán as zonas escuras», explica Randulfe, «pero faremos todo o posíbel para que a cobertura chegue a todo o municipio». Zonas escuras e zonas de sombra débeas haber na cabeza destes gobernantes que nostoca sufrir.

Sen comentarios, eles mesmos se definen coas súas afirmacións. De 14 antenas pasamos a 9. De finais de 2008 ou principios de 2009 como prazo de remate pasamos prácticamente a finais de 2010, e todo para nada.

Ante todo isto, preguntada a alcaldesa polo BNG en sesión plenaria do día 27 de setembro de 2010, a resposta do goberno municipal foi que total en breve se instalará en Pontecesures a rede WIMAX rural da Deputación de Pontevedra que terá moita máis potencia. Entón, para que se tiraron 40.000 euros nunha instalación que non funciona e que será substituída en pouco tempo?

A falsa austeridade do goberno municipal

Ao señor Sabariz encheuselle a boca poñéndose como exemplo de transparencia e austeridade, e acusando de despilfarro ao anterior goberno do BNG.

Dende que comezou este mandato sorprendeunos a adquisición dun teléfono móbil para uso exclusivo do tránsfuga Sabariz. Este teléfono xa nos costou a todos os veciñas e veciñas máis de 4000 euros.

Curiosamente, a utilización deste teléfono é maior en horario nocturno (podemos dicir case de madrugada).

Dende o BNG facémoslle as seguintes preguntas:

¿Cómo se atreve a acusar de despilfarro ao anterior alcalde, canto vostede gasta moito máis en teléfono móbil?

¿Con que organismo se xestionan melloras para os veciños e veciñas de Pontecesures ás 12 da noite?

Vostede quere predicar a austeridade e, á hora da verdade, abusa da utilización dun móbil pagado por todos nós. Desde logo todo un exemplo de mala xestión.

O grupo de goberno denuncia o BNG, con cartos de todos os veciños e veciñas

O Grupo municipal do BNG de Pontecesures recibiu a finais de setembro os acordos adoptados pola Xunta de Goberno Local celebrada no mes de xullo. Entre estes acordos destacamos a decisión do equipo de goberno de encargar aos servizos xurídicos do concello a denuncia ao noso grupo para defender a honorabilidade da señora alcaldesa que, ao seu modo de ver, foi menosprezada no Boletín Municipal do BNG do mes de maio no que afirmábamos que a Sra. Maribel Castro, con cartos de todos os veciños e veciñas, estaba a facer unhas obras para resolver os problemas de cimentación da súa vivenda da rúa Ullán.

Non entendemos que si estos acordos da xunta de Goberno Local foron adoptados en xullo non foran notificados ao BNG ate finais de setembro, ocultando esta información durante dous meses ao único partido da oposición e o grupo con máis representación na corporación. O que se pretende con este retraso é dificultar ao máximo o labor de oposición. Volvemos aos tempos do escurantismo político vergoñento.

O BNG ratificase e reafirmase no contido do devandito boletín ata a última coma. E volvemos a manifestar unha vez máis: A señora Alcaldesa arranxou a parede traseira da súa vivenda con cartos públicos, sexan cartos das arcas do Concello, da Xunta ou de calquer organismo público; pero en calquer caso, cartos de tódolos veciños e veciñas. As columnas contrafortes que incluíu esta obra non foron colocadas para soster o regato, senón para soster a súa vivenda –como se pode ver ben na fotografía-.

Non contenta a señora Castro con reforzar a súa vivenda con cartos públicos, agora tamén con cartos de todas as veciñas e veciños pretende demandar ao BNG. Parécenos dunha desfachatez sen límites a utilización dos cartos públicos para beneficio propio que está a facer a alcaldesa co apoio do Sr. Randulfe do PP e coa estimábel axuda do tránsfuga Sabariz que tanto e tanto mira polos intereses do pobo.

Nesta demanda a alcaldesa pide que o BNG rectifique ás súas afirmacións e, ao mesmo tempo, que se lle indemnize economicamente por danos e prexuízos morais. Ante isto plantexámonos dúas cuestións:

¿Acaso esta señora se rexe por algún tipo de valor moral? Á vista das súas actuacións nos últimos tres anos a nós parecenos que non.

Se é o concello o que costea este proceso legal: ¿Quen vai cobrar a indemnización económica por danos morais, no caso de habela?. Está claro que unha institución non vai cobrar por este concepto e que, de ser o caso, cobrará persoalmente a señora alcaldesa. Carto, carto e máis carto, este é o único "valor moral" que coñece a señora Maribel Castro. O importante é encher o peto.

O pasado 15 de novembro celebrouse un acto de conciliación no xulgado de paz de Pontecesures. Neste acto a alcaldesa pretendía que o BNG se botase atrás nas declaracións feitas no boletín do mes de maio de 2010. Cousa que non consigueu xa que seguimos pensando o mesmo que o día que publicamos dito boletín, polo que non houbo acordo no acto de conciliación. Asi que está claro que nos veremos as caras no xulgado. Pero o que teñen que ter claro todos os veciños e veciñas de Pontecesures é que os costes desta demanda van ir a cargo de todos, dado que xa no acto de conciliación utilizou a asesoría xurídica do concello. Asesoría que pagamos todas as veciñas e todos os veciños de Pontecesures.

Denuncia da Alcaldesa ao BNG, tamén cos cartos de todos.

2010-11-02T05:47:00.000-07:00

O Grupo municipal do BNG de Pontecesures ven de recibir nos últimos días os acordos adoptados pola Xunta de Goberno Local celebrada no mes de xullo. Entre outros acordos destacamos a decisión do equipo de goberno de encargar aos servizos xurídicos do concello a denuncia ao noso grupo para defender a honorabilidade da señora Alcaldesa que, ao seu modo de ver, foi menospreciada no Boletín Municipal do BNG do mes de maio no que afirmábamos que a sra. Maribel Castro, con cartos de tódolos veciños, estaba a facer unhas obras para resolver os problemas de cimentación da súa vivenda da rúa Ullán.

Ante isto o BNG quere manifestar:

1º Non entendemos que si estos acordos da Xunta de Goberno Local foron adoptados en xullo non foran notificados ao BNG ata finais de setembro ocultando esta información durante dous meses ao único partido da oposición e o grupo con maís representación na corporación. O que se pretende con este retraso é dificultar ao máximo a labor da oposición, volvemos aos tempos do oscurantismo político vergoñento.

2º O BNG ratificase e reafirmase no contido do devandito boletín ata a última coma. E volvemos a manifestar unha vez máis: A señora Alcaldesa arranxou a parede traseira da súa vivenda con cartos públicos, sexan cartos das arcas do Concello, da Xunta ou de calquer organismo público; pero en calquer caso, cartos de tódolos veciños. As columnas contrafortes que incluíu esta obra non foron colocadas para soster o regato, senón para soster a súa vivenda –como se pode ver ben na foto anexa-.

3º Non contenta a señora Castro con reforzar a súa vivenda con cartos públicos, agora tamén con cartos de tódolos veciños pretende demandar ao BNG. Parécenos dunha desfachatez sen límites a utilización dos cartos públicos para beneficio propio que está a facer a Alcaldesa co apoio do sr. Randulfe do PP e ca estimable axuda do tránsfuga Sabariz que tanto e tanto mira polos intereses do pobo.

RESUMO DO PLENO DO 26 DE XULLO

2010-07-28T02:11:00.000-07:00

No pleno ordinario do luns 26 de xullo entre outros asuntos trataronse:

O estudo da variante o seu paso por Pontecesures. Moción proposta polos concelleiros tránsfugas Sr Sabariz e Diz. Unha moción que non ten outro obxectivo que o protagonismo político destes dous concelleiros. Xa que hai un ano tódolos grupos da corporación acordaron que a alternativa desta variante fose polo mesmo sitio que se plantexa nesta moción, que ven sendo pola parte esquerda da autopista AP-9 o seu paso por esta localidade. Polo tanto e reiterativa e redundante esta proposta. O único obxectivo desta moción é causar unha alarma veciñal innecesaria. Polo tanto non sabemos a caso de que veu esta moción xa que foi acordada no seu momento. Chama a atención que sean os concelleiros non adcriptos os que que presenten esta moción e non sexa do equipo de goberno. O BNG votou a favor da mesma e quixo que fose iniciativa de todos os grupos municipais da corporación como xa quedou ratificado fai un ano na reunión anterior.

Outro dos asuntos a tratar foi a reducción das indennizacións por asistencia a comisión dun 15% ( de 24 a 20 euros) nos parece unha tomadura de pelo. Xa que si estamos en crise queda como unha baixada simbólica e o normal seria eliminar o cobro por asistencia tal como foi proposto polo BNG e foi rechazado polos membros do goberno. O cal demostra que queren quedar ben pero non se implican en nada, non queren que lles toquen o peto.

Outro tema a tratar dentro de rogos e preguntas foi a oposición a auxiliar administrativo que se celebrou fai uns días neste concello. O que se lle criticou ó equipo de goberno foi o imcumplimento da lei que regula que o exame teña que ser presentado en galego e castelán e neste caso só se lle dou a opción de castelán. Demostraron que non tiñan idea deste tema é que tampouco lles preocupara moito.

Por último tamén apuntou o BNG que o concello leva un mes sen arquitecto municipal por causar baixa arquitecta que ata agora estaba neste posto. O que conleva a paralización total de tódalas licenzas que en tempos de verán afecta a moitos veciños xa que é cando se aproveita para facer obras nas casas.

O DESGOBERNO DE PONTECESURES NON SE PREOCUPA POLO MAL ESTADO DO CAMIÑO DE SANTIAGO

2010-07-28T02:06:00.000-07:00

Dende fai uns días ao paso por Pontecesures os peregrinos e visitantes pódense encontrar con distintos lugares do camiño feitos un asco. Nunca mellor dito, pois neste pobo temos distintos puntos que en vez de parecer tramos do camiño parecen verdadeiros vertedoiros. Temos a altura da gardería municipal un sumidoiro roto dende fai días. Ademaís dos malos cheiros que este desprende e un grave problema de salubridade xa que verte augas fecais ao camiño. Os veciños dos arredores xa presentaron unha queixa no concello fai uns días, facendo a alcaldesa caso omiso da súa queixa.

Outro punto co mesmo problema ou aínda peor e o paso por debaixo da N-550 o seu paso por San Xulían .Este paso leva días que esta sempre anegado tendo os peregrinos que pasar entre augas fecais e escrementos. Ademaís este paso tamén e moi utilizado por veciños do pobo e usuarios das fincas colindantes.

Por todo isto dende o BNG de Pontecesures pedimos o goberno municipal que repare estes problemas o antes posible. Xa que temos dous graves problemas de salubridade que co calor deste días agudizanse. E ademáis estamos dando unha mala imaxe de cara os peregrinos e visitantes que neste Xacobeo pasan polo noso pobo.

Tamén lle queremos solicitar que cando un grupo de veciños dea unha queixa na alcaldía se lle atenda. Xa que se supón que a Alcaldía está para iso.

Xa non é o primeiro caso de queixas veciñais que non son atendidas por este grupo de goberno así que fagan o favor de atender os veciños que para iso estan no goberno.

Agradecemento pola labor desenvolvida

2010-05-15T03:02:00.001-07:00

O BNG de Pontecesures informa sobre a renuncia a acta de concelleiro do membro do BNG local Xosé Antonio Baliñas Pazos, que despois de sete anos de traballo na corporación municipal (4 deles con responsabilidades de goberno) e tras unha decisión moi meditada ven de presentar a súa renuncia, por motivos persoais, ao cargo oficial. Seguindo, nembargantes, coas súas responsabilidades dentro da Asamblea Local do BNG.

Dende o noso grupo queremos mostrar o noso máximo respecto a esta decisión persoal.

Tanto o Grupo Municipal do BNG como a Asamblea Local queren agradecerlle a súa adicación durante todo este tempo na súa labor política en primeira liña.

Pontecesures, 14 de maio de 2010

GRUPO MUNICIPAL DO BNG DE PONTECESURES

ASAMBLEA LOCAL DO BNG DE PONTECESURES

A alcaldesa arranxa a súa casa cos cartos de todos os veciños e veciñas

2010-05-07T01:56:00.000-07:00

O goberno municipal de Pontecesures ten a responsabilidade de xestionar os cartos que saen dos petos de todos e cada un de nós, de xestionar o emprego dos recursos públicos nas necesidades dos veciños e veciñas no noso concello.

Como ben se pode comprobar estanse a facer unhas obras no regato da Chancela. E a alcaldesa,que linda co mesmo, está a reforzar o tabique traseiro da súa vivenda. O feito grave está en que as obras se enmascaran nun proxecto municipal denominado “Acondicionamento e rexeneración ambiental do entorno do regato da Chancela” cun custo superior aos 36.000 euros (máis de 6 millóns das antigas pesetas).

Pois ben, de acondicionamento do entorno do regato nada de nada. O máis salientábel desta obra, ademais de ser o que máis diñeiro leva son, tal como indica o proxecto municipal “os 12 contrafortes de pedra para a protección das casas existentes” -casa da alcaldesa-. Porque o resto da actuación foi o “acondicionamento do leito na saída do tramo entubado do regato”, e tivo un gasto irrelevante.

O BNG apoia o acondicionamento do leito do regato, pero non o arranxo da casa da alcaldesa con fondos públicos.

No proxecto pódense distinguir claramente dúas actuacións,que merecen unha valoración distinta: Por unha parte está o acondicionamento do leito na saída do tramo entubado do regato, coa que BNG está dacordo. Consistíu no reforzo da canle do regato con empedrado do mesmo para que a auga non baixe descontrolada, sobre todo no inverno cando hai máis caudal. Esta parte ademáis foi a que supuxo menor custo.

Pola outra, os 12 ontrafortes de pedra para a protección das casas existentes: actuación feita unicamente por e para a sustentación da casa da alcaldesa. E insistimos en que foi a parte máis custosa do Proxecto. Co custo adicional que supuxo esta parte da obra poderíase empedrar a canle do regato até o lavadeiro da Chancela ou mesmo afrontar a rehabilitación do Muíño.

Esta actuación do goberno local e da alcaldesa obrigou ao BNG a presentar no parlamento de Galiza, varias preguntas en relación con este asunto.

A obra está á vista de todo o mundo, e esos 12 contrafortes da casa da alcaldesa son bastante chamativos e difíciles de non ver.

As obras levaas a cabo a Consellería do Medio Rural a petición do Concello e foi denominada: ACONDICIONAMENTO E REXENERACIÓN AMBIENTAL DO ENTORNO DO REGATO DA CHANCELA – 1ª FASE, dando a entender que xa está prevista a realización de máis fases para o acondicionamento do resto do regato (até a Chancela). Claro que non deixa de ser un engano, xa que se un proxecto ten varias fases antes de comezar a primeira débese ter atada e ben atada a execución do resto das fases (medios económicos, cesión dos terreos, permisos das distintas Administracións Públicas, etc.). E, neste caso, non hai nada diso: o goberno municipal non falou cos propietarios dos terreos lindeiros co regato até o lavadeiro da Chancela nen fixo xestión algunha para sanear o regato até ese lugar. O único que lles interesaba era arranxar a casa da alcaldesa.

Hai que recordar que a canle do regato vai polo mesmo lugar que ía antes de se construír a casa da alcaldesa e que hoxe en día para construír ao lado dun regato hai que retirar varios metros. Neste caso non se retirou ningún metro no seu día; é máis, construíuse prácticamente encima do regato con total impunidade.

Os veciños e veciñas de Pontecesures estiman que non deben pagar o arranxo da vivenda da alcaldesa, e censuran que se aproveite do seu cargo para facer a reparación da súa casa con fondos públicos, a pesar dos 2.400 euros mensuais que percibe como salario desde o ano 2007 e que pagamos todos os cesureños e cesureñas.

O tránsfuga Sabariz e Randulfe, o do PP, cómplices desta cacicada

Mención aparte merecen os seus socios de goberno: o tránsfuga Luís Sabariz e Rafael Randulfe do Partido Popular, que, ademais de socios, son consentidores da obra da Chancela, xa que non dubidaron en ningún momento en apoiar no Pleno esta obra.

Por un lado temos as declaracións do tránsfuga Sabariz “Xa expliquei que coa obra do regato da Chancela, que financia Medio Rural coa autorización de Augas de Galiza, trátase de protexer unhas vivendas situadas na rúa Ullán (unha delas da alcaldesa, sí) que pola forza das augas que baixan teñen danos na súa parte traseira. Pero ollo, non se van arranxar as vivendas,vaise protexer o cauce para que non sigan a ter máis deterioro os inmobles”.

Vendo a obra unha vez rematada e observando os muros de contención as palabras sobran. Sabariz aparte de tránsfuga non di a verdade e non dubida en defender as falcatruadas da alcaldesa Maribel Castro.

O concelleiro do PP, Randulfe, que pretende esconderse dicindo que non sabe absolutamente nada do que fai Maribel, tampouco di a verdade, porque é coñecedor da obra e votou a favor da mesma no Pleno Municipal.

Para os veciños e veciñas de calquera concello, a utilización de cartos públicos para resolver os problemas na vivenda dun cargo público, e neste caso da casa da alcaldesa, é censurábel porque pon de manifesto o aproveitarse do cargo para o seu interese propio, e por riba intenta xustificar algo que é indefendíbel.

Preguntámonos se o dia en que algún veciño ou veciña teña danos na súa vivenda por mor dun regato, o seu arranxo vai ser costeado polas arcas municipais igual que fixo a alcaldesa Maribel Castro na súa vivenda.

Vólvense a lucir

2010-03-17T08:07:00.000-07:00

Relegan a festa da lamprea do Ulla a despois da tempada de extración por decisión da empresa de Vigo Eventos del Motor

O BNG de Pontecesures quere manifestar a súa oposición as datas elixidas polo goberno municipal para a celebración da Festa da Lamprea os vindeiros 17 e 18 de abril.

Ao noso entender estas datas son un auténtico despropósito xa que a data tope de captura de lamprea no río Ulla é o 15 de abril. Preguntámonos pois de donde van vir as lampreas e que sentido ten promocionar un producto despois do peche da temporada de pesca do mesmo. Está claro que este desgoberno da Alcaldesa Maribel Castro pretende comprar a lamprea aos mesmos intermediarios de sempre recaendo o beneficio nos seus apoios electorais, perxudicando e non apoiando ao colectivo de valeiros que capturan a lamprea no Ulla.

Por outra banda, a Festa da Lamprea faise coincidir no calendario ca Feira do Automóbil Antigo e de Ocasión; esa feira que inventou o desgoberno municipal para perxudicar á Fegaclassic promovida por xente do pobo. Esto obviamente deixa nun segundo plano a Festa da Lamprea quedando marxinada e supeditada á celebración de outro evento.

O BNG ten coñecemento de que a data elixida foi imposta pola empresa Eventos del Motor (de Vigo) ,que é quen organiza a Feira do Automóbil Antigo e de Ocasión, quedando unha vez máis o desgoberno municipal e a Alcaldesa como auténticos incompetentes que deixan o promoción turística do noso pobo en mans dunha empresa privada que so busca o beneficio propio.

Pontecesures a 17 de marzo de 2010
Grupo Municipal do BNG de Pontecesures

Outra obra que rechazan

2010-01-29T03:24:00.000-08:00

O BNG de Pontecesures presentou una moción para ser debatida no pleno do día 25 de xaneiro na que propoñía que se destinaran os fondos do PEIM (Proxecto Estratéxico de Infraestructuras do Medio Rural) e os do PIR (Plan de Infraestructuras Rurais) e, se fose necesario, con fondos propios do concello para o ancheamento do vial que une os núcleos de poboación de Grobas e A Fenteira.

Despois de que o BNG explicara os motivos polos cales consideramos necesaria esta actuación: transtornos para o transporte escolar, imposibilidade dos vehículos dun certo tamaño para acceder directamente dende Grobas á Fenteira e viceversa o que fai imposible realizar cousas tan básicas como mudanzas, operativos de emerxencias, servizos básicos como a recollida do lixo, etc. (cousas que o resto dos cesureños poden facer con total normalidade); o goberno local liderado pola Alcaldesa NON QUIXO SOMETER A VOTACIÓN ESTA MOCIÓN E DECIDIRON RETIRALA DA ORDE DO DÍA. Nen sequera quixeron debatir sobre este asunto.

Evidentemente o BNG votou en contra da retirada da moción xa que pensamos que esta obra é moi necesaria para o desenvolvemento destas dúas entidades de poboación, pero, polo visto, o goberno local considera aos veciños de Grobas e A Fenteira como cidadáns de segunda.

O equipo de goberno NON QUERE QUE SE ANCHEE ESTE VIAL, mostrando un desprecio absoluto cos veciños destos dous lugares, afirmando textualmente a Alcaldesa que: “esta pista non lle fai falta para nada”.

Dende o BNG imos traballar para que o ancheamento desta pista sexa unha obra prioritaria para o concello e que os veciños de Grobas e A Fenteira non estean continuamente a sufrir as consecuencias deste desgoberno municipal que rechaza todo o que o BNG propón.

Se finalmente non se fai este ancheamento é responsabilidade exclusiva da Alcaldesa, do tránsfuga Sabariz e do señor Randulfe que non queren que esta parte de Pontecesures teña os mesmos servizos que o resto do pobo.

Pontecesures a 27 de xaneiro de 2010
Grupo Municipal do BNG de Pontecesures

Ancheamento da pista Grobas-Fenteira

2010-01-15T02:29:00.000-08:00

Dna. Margarita C. García Castro, Dna. Cecilia Tarela Barreiro, D. Manuel Luís Álvarez Angueira, D. Xosé Antonio Baliñas Pazos e D. Arturo Ferro González; membros da Corporación e pertencentes ó Grupo Municipal do Bloque Nacionalista Galego de Pontecesures,

EXPOÑEN:

Os núcleos de poboación de Grobas e Fenteira están unidos por un vial que os comunica entre sí. No obstante, este vial é de apenas 3.5 metros de ancho e ao longo do mesmo forma importantes estreitamentos contando, ademáis, con tres ou catro curvas moi pechadas na Fenteira. Estas características fan que na actualidade a pista só sexa apta para a circulación e tránsito de automóviles pequenos e tractores, pero non podendo circular por ela camións nin autobuses.

Así os veciños de Grobas e Fenteira se atopan con situacións de deficiencias en servizos básicos que se deben correxir.

O autobús escolar, tras a súa chegada a Grobas non pode continuar ata Fenteira polo estreitamento do vial e ten que dar a volta e retomar a estrada autonómica Pontecesures-Baloira, non podendo pois acceder directamente como sería o lóxico e desexable.

Esta misma circunstancia se da para o acceso de camións, para construccións ou para abastecementos en xeral, servizo de butano, bombeiros, ect, non podendo chegar a Fenteira dende Grobas nin a Grobas dende Fenteira. Tamén xurden dificultades se se quere ofertar debidamente o servizo de recollida do lixo .

Ao noso entender, a mellora deste vial é importante e necesaria para ofertar unha maior calidade de vida e un maior desenvolvemento socioeconómico dos veciños e veciñas destes núcleos de poboación do concello de Pontecesures, polo que o concello debe establecer convenios coa administración autonómica (consellaría do Medio Rural)para que a través do PEIM ( Proxecto Estratéxico de Infraestructuras do Medio Rural) e/ou do PIR (Plan de Infraestructuras Rurais) se acometa o ancheamento desta pista.

Por todo o exposto, solicitamos do Pleno da Corporación o seguinte ACORDO:

Que se destinen os fondos do PEIM 2010 e/ou do PIR 2010, complementandoos, se fose necesario, con fondos propios, para o ancheamento do vial que une Grobas e Fenteira.
Pontecesures a 15 de xaneiro de 2009

Asinado polos integrantes do Grupo Municipal do BNG que encabezan este escrito.

Eu non mandei a este señor vir nadando polo río

2010-01-10T04:27:00.000-08:00

A frase da semana dita por un gobernante do pobo.
Hai nivel, si señor

Desorganización e caos no peirao de Pontecesures.Randulfe descoñece que o centro médico de Cesures pecha polas tardes.

2010-01-09T04:22:00.000-08:00

Remonte a nado do río Ulla polo campeón do mundo David Meca realizando a ruta marítimo-fluvial, ruta Xacobea do mar de Arousa-Ulla.

En primeiro lugar o BNG quere felicitar a David Meca polo gran logro conquerido, reto que logrou superar ao cubrir a nado a ruta marítimo-fluvial dende Vilagarcía ata o peirao de Pontecesures.

Non obstante o anterior, queremos manifestar que nun evento de tal magnitude, onde o nome de Pontecesures apareceu en todos os medios de comunicación (incluso a nivel estatal), a organización por parte do concello fose nefasta, ata tal punto que podemos decir que foi inexistente.

A importancia do evento trouxo a Pontecesures e ao seu peirao a miles de persoas (veciños e foráneos), que querían comprobar como David Meca era capaz de acadar o reto proposto. Dende logo consideramos dende o BNG que tal feito constituíu unha gran oportunidade para que o noso concello quedase “ben visto”, co pabellón ben alto, en fin, estivera á altura que se merece e polo contrario quedou como se fósemos “unha república bananera”.

O BNG culpa directamente destes feitos á ineptitude da alcaldesa Maribel Castro, á prepotencia de Rafael Randulfe (PP) e ao excesivo afán de protagonismo do tránsfuga Sabariz, quen incluso levaba na man un megáfono para darse máis relevancia dada a gran cantidade de público congregado no peirao.

Pontecesures non merece estar gobernado por semellantes personaxes.

Son numerosas as deficiencias observadas que merecen a nosa crítica máis severa, e entre elas destacamos:

1.- Non establecer medidas de seguridade, acordonando a zona do pantalán e rampla, onde estaba prevista a chegada de David Meca. O pantalán foi invadido por moita xente correndo serio risco de afundimento e podendo ter lugar unha desgraza.
2.- O concello non se ocupou de iluminar a zona de chegada o que provocou que o nadador se desorientase non sabendo cal era en concreto o lugar ao que se debía dirixir.

3.- Unha vez chegado o nadador ao pantalán en condicións de cansancio extremo, con hipotermia e desvaecemento, os servizos sanitarios non podían atendelo coa prontitude e nas condicións requeridas, por mor da aglomeración de xente que alí había, debido á flagrante falla de organización.

Colocado o David Meca na camilla, as dificultades para trasladar a este ata a ambulancia foron enormes dentro dun clima de desesperación por parte dos sanitarios e por parte dos pais do nadador alí presentes.

Xa na ambulancia, Sabariz tivo que ser empuxado polo sanitario pois incordiaba co megáfono na man ao exhauto nadador. Vergoñenta actitude dun concelleiro do goberno.
Cando a ambulancia pretende arrancar do peirao atópase de frente coas carrozas da cabalgata de Reis impedindo o paso á mesma e tendo esta que recurrir a itinerarios alternativos para poder saír do pobo. Decir que as carrozas levaban ali detidas máis dunha hora, por orde directa da alcaldesa Maribel Castro, e en contra do parecer do policía local alí presente, pois mentras este pedía que a caravana circulase ao seu destino a alcaldesa contradecía ao garda municipal e ordenaba que permanecese onde estaba.

Esta situación aparte das dificultades que supuxo para a evacuación normal e rápida de David Meca, dende o BNG entendemos que tamén resultou contraproducente en tanto que se tiveron a nenos e participantes na cabalgata detidos tanto tempo e soportando un forte frío, e todo elo co único fin por parte da alcaldesa de saír na foto co ramo de flores.

Moi lamentable e penosa foi a actuación do concelleiro Rafael Randulfe, que envía a ambulancia ao centro médico de Pontecesures, que se atopa sempre pechado polas tardes como todos os veciños do pobo saben, chegando incluso a baixar ao nadador no pechado centro médico e grazas á actuación anónima dalgúns veciños foi enviado ao PAC de Valga.

4.- A desorganización unida á falla de previsión provocou todos estes problemas, agravados tamén pola ausencia de medios humanos. Só se contaba con dous policías locais para miles de persoas. O BNG pregúntase: ¿Por que non estaban os voluntarios de Protección Civil de Pontecesures? ¿Por que non se pedíu a colaboración da Subdelegación do Goberno e a doutras agrupacións de protección civil de concellos limítrofes?

En fin, un auténtico desastre.

5.- Ante as críticas recibidas in situ por parte de veciños ao concelleiro Rafael Randulfe, a súa resposta (que se califica por sí mesma) foi: ”eu non mandei a este señor vir nadando polo río”.

Este mesmo concelleiro, nunha radio local, criticou ao Xacobeo por este evento, decindo que él descoñecía que se iba a celebrar pois se enterou del pola prensa, pero curiosamente todo o goberno local acompañado polo Sr. Tourís estaba alí presente, e ao BNG cónstalle que os organizadores póñense en contacto coa alcaldesa Maribel Castro (que de feito sí estaba alí co ramo de flores), polo que o Sr. Randulfe minte. Do único que se preocupou o goberno municipal foi de comprar un ramo de flores (que nunca poido entregar ao nadador como por outra parte era de esperar)

Sen dúbida o positivo foi o logro acadado polo campeón do mundo David Meca con este reto, que contribuíu a dar a coñecer a toda España a ruta marítimo fluvial de Arousa e Ulla, e tamén a intervención desinteresada do Club Náutico de Pontecesures que acompañou ao nadador dende Catoira coa lancha motorizada e con varios piragüistas ademáis de participar activamente en terra, colaborando, como podían, no traslado da camilla ata a ambulancia. O BNG agradece a súa participación.

2009-12-26T02:32:00.000-08:00

Dende o BNG de Pontecesures para todos os cesureños:

BOAS FESTAS E OS MELLORES DESEXOS PARA O ANO 2010

O BNG de Pontecesures vese na obriga de abandonar o pleno antes de rematar a sesión.

2009-12-23T05:42:00.000-08:00

Valoración do acontecido no pleno extraordinario urxente do pasado 21 de decembro.

O pasado luns 21 de decembro celebrouse un pleno extraordinario e urxente no cal os temas a tratar foron en primeiro lugar unha moción do BNG sobre o Centro de día para maiores nas antigas casas dos Mestres en contra da proposta do goberno municipal de entregarlle esos terreos ao Xacobeo para que fagan alí un albergue para peregrinos. Na orde do día, e a proposta do tripartito, figuraban tamén outros tres puntos que básicamente, pois non eran máis que cuestións procedimentais e burocráticas para, no seu día, acabar facilitándolle os terreos e edificación ao Xacobeo.

Como era de esperar o tripartito votou en contra da moción presentada polo BNG, xa que eles prefiren un albergue antes que unha infraestructura para os servizo dos nosos veciños, postura que o grupo municpal do BNG lamenta pois entendemos que se deben establecer prioridades e primero e antes que nada deben estar servizos para os veciños e logo para os de afora.

O BNG ben facendo ao longo da lexislatura unha oposición constructiva, con críticas ao que entende que está mal feito e con aportacións en positivo como nesta ocasión, proposta coa que se pode estar de acordo ou en desacordo, pero que en ningún caso merece como resposta do goberno municipal a burla, a mofa, a descalificación e o insulto. Actitude rechazable que afecta a todo o equipo aínda que proveñan dunha parte dos seus membros. Esta foi a actitude que mantivo tanto o tránsfuga Sabariz como o portavoz do PP Rafael Randulfe.

O Sr. Randulfe, unha vez máis e xa dentro da súa liña habitual de actuación, voltou a mostrar a falta de respecto polo grupo maioritario da corporación. Asimesmo o tránsfuga Sabariz, visiblemente alterado, aparte da actitude mencionada, verteu acusacións moi graves contra o BNG. Cando se lle pediu que explicara con claridade a quen acusaba das mesmas nos remitiu, inexplicablemente, aos periódicos.

A alcaldesa manifestou levantar o pleno e tamén expulsar a alguén, o que curiosamente non acabou facendo porque tería que expulsar a algún compañeiro do tripartito. A vista da actitude do goberno municipal e de que a propia presidenta non foi quen de reconducir a situación o BNG optou por abandonar o pleno despois de votarse a moción e como protesta polo sucedido esperando que estas actitudes sexan reconsideradas de aquí en diante..

Centro de Día para maiores nas antigas casas do mestres

2009-12-11T12:07:00.000-08:00

Margarita Carolina García Castro, Manuel Luís Álvarez Angueira, Cecilia Tarela Barreiro, Xosé Antonio Baliñas Pazos e Arturo Ferro González, concelleiros do Grupo Municipal do BNG de Pontecesures apresentan a seguinte moción para ser incorporada na orde do día do próximo pleno, xa teña este a condición de ordinario ou de extraordinario.

Exposición de motivos

A poboación galega está inmersa nun continuo proceso de envellecemento onde cada vez o que demos en chamar a 3ª idade está a se constituir nun segmento poboacional máis importante e no que a esperanza de vida está a a ser maior, e Pontecesures non é alleo a este proceso incluso a pesar de contar cunha importante tasa de natalidade.

A lei 13/2008, do 3 de decembro de servizos sociais de Galicia, atribúe aos concellos, en canto administración máis próxima aos cidadáns, e en consonancia coa lexislación aplicable sobre réxime local, competencias sobre a creación, xestión e mantemento tanto de servizos sociais comunitarios básicos como de servizos sociais comunitarios específicos, entre outras. Asimesmo os concellos para a mellor atención das necesidades sociais do seu ámbito territorial poden crear, xestionar e manter servizos sociais especializados en coordinación coa Xunta de Galicia.

Os nosos maiores a as nosas familias necesitan xa, agora, contar coa axuda das administracións a fin de facilitarlles unha maior calidade de vida, e en parte a ilo contribúen sen lugar a dúbida os Centros de Día para maiores, que se definen como centros xerontolóxicos socioterapéuticos e de apoio ás familias, que durante o día prestan atención terapéutica e plural ás persoas maiores con dependencia ou en grave risco de padecela, promovendo a súa autonomía persoal, a actividade relacional e a permanencia no entorno habitual.

Estase a estender, co fin antedito, unha rede de Centros de Día por toda Galicia e Pontecesures non debe quedar atrás e debe contar XA con este servizo, cada día máis imprecindíbel. Na actualidade veciños deste pobo vense na obriga de se desprazar a Centros de Día de concellos limítrofes, aqueles que tiveron a sorte de atopar praza, mentras outros seguen a esperar por unha infraestrutura e por un servizo que este concello non é quen de lle prestar.

O BNG local, durante a súa responsabilidade de goberno, non foi alleo a esta necesidade, procedendo o goberno por él encabezado, primeiro a tramitar a desafectación das antigas casas dos mestres, sitas na rúa Pousa Antelo, a carón da Escola Infantil Municipal. Unha vez acadada esta en novembro de 2006, e vendo como moi idónea esta ubicación, para a construcción dun centro destas características, procedeu a encargar un anteproxecto de Centro de Día para maiores (redactado polo arquitecto D. Carlos Besada Ferreiro) e remitido á Xunta de Galicia en marzo do 2007.

No anteproxecto apresentado, para un centro tipo de 30 prazas, se facía constar que a construcción nesa ubicación se axustaba por completo á legalidade urbanística segundo o PXOM de Pontecesures, extremo que corrobora e ratifica o arquitecto municipal D. Jorge Duarte Vázquez nun informe emitido en agosto de 2007 a instancias do goberno actual.

En novembro de 2007 ten entrada no concello de Pontecesures escrito da Subdirección Xeral de Autorización e Inspección de Centros, da Vicepresidencia da Xunta de Galicia, no que informa FAVORABLEMENTE acerca da viabilidade do Centro de Día para Pontecesures nesta ubicación, coa obriga de correxir algunhas deficiencias de carácter técnico que presentaba o proxecto.

Polo tanto non cabe ningunha dúbida da idoneidade desta ubicación como o corroboran os informes técnicos do arquitecto redactor do anteproxecto, do arquitecto municipal e do informe favorable de viabilidade da propia Xunta de Galicia.

Nos medios de comunicación o actual goberno local comunicou á cidadanía a súa intención de cederlle á Sociedade Anónima de Xestión do Xacobeo as instalación e os terreos (que deben ser destinados ao Centro de Día para maiores), para que esta constrúa alí un albergue de peregrinos.

Os concelleiros asinantes desta moción consideramos que é a obriga dos gobernantes priorizar nas necesidades e, polo tanto, nos investimentos que o pobo necesita, e non opoñéndonos a que Pontecesures poida contar cunha instalación deste tipo, cremos que primeiro e ante todo, está atender á consecución de servizos para os nosos veciños e para as nosas familias. As escasas zonas públicas de equipamentos con que conta o concello deben ser empregadas con racionalidade e sentido común e non con “caprichos”. Asimesmo , e logo do exposto, non consideramos que se sexa un lugar axeitado para un albergue de peregrinos, pois ao estar lonxe do centro do pobo, pouco ou nada contribuiría a un sector económico fundamental para oc noso concello omo é a hostelaría e mailo comercio en xeral.

En consecuencia o grupo municipal do BNG solicita do Pleno da Corporación Municipal a adopción do seguinte acordo.

1º.- Que se manteñan os terreos que ocupan as antigas casas dos mestres para a construcción dun Centro de Día para maiores.

2º. Que se realicen diante das diferentes administracións, de forma urxente, todas cantas xestións sexan necesarias para que o servizo prestado aos maiores e familias deste concello con este centro, sexa unha realidade canto antes, considerándose polo goberno municipal unha prioridade irrenunciabel.

3º Que se busque unha ubicación alternativa para un albergue de peregrinos, máis próxima ao centro do pobo, pois só así sería realmente beneficiosa para a hostelería e comercio en xeral.

Pontecesures a 10 de decembro de 2009

Asinado polos concelleiros do Grupo Municipal do BNG

Menos para emerxencias, para todo

2009-12-04T12:35:00.000-08:00

O BNG quere manifestar o seu malestar e o dos veciños de Pontecesures pola utilización que dende o concello se lle está a dar ao vehículo de emerxencias pick-up, xa que estamos a obsevar nestos días que operarios do Servizo Municipal de Obras do concello o están a usar para baldear camiños municipais. Nos cremos que esta non é a finalidade para a que se concebíu este vehículo.

Dende o noso grupo xa denunciamos publicamente que en 2 incendios que se produciron recentemente no noso pobo non intervira esta pick-up porque non estaba posta a disposición da Agrupación de Voluntarios de Protección Civil, tendo que actuar nestos operativos a motobomba e a pick-up do concello de Padrón.

Temos constancia de que a Agrupación de Protección Civil ten practicamente vetado o uso deste vehículo, o que é inaudito.

O BNG solicita unha vez máis ao concello que esta pick-up sexa cedida en uso aos voluntarios de Protección Civil para que estea dispoñible para emerxencias. Ao mesmo tempo instamos á autoridade da Xunta de Galicia competente nesta materia, que foi a que subvencionou este vehículo, que controle a correcta utilización destes medios.

Pufos e alegres subidas de soldo.

2009-12-03T05:13:00.000-08:00

No pleno ordinario do pasado 30 de novembro os asuntos principais tratados foron por unha banda o expediente de modificación orzamentaria de suplemento e por outra os orzamentos do ano 2009.

1. En relación co expediente de modificación, o BNG votou a favor do mesmo porque entende que as facturas pendentes deben ser aboadas aos proveedores pero entendemos que houbo deixadez por parte deste desgoberno, xa que o peche económico do ano 2007 fíxose en agosto de 2009 incumprindo flagrantemente tódolos prazos establecidos pola lei.

O total do remanente de crédito é de 310.000 €, dos cales 211.814 € corresponden ao peche do ano 2007.

Para o BNG é sorprendente que nun momento de crise para tódalas empresas se tarde nalgúns casos máis de 2 anos en cobrar servizos prestados ao concello; e máis tendo en conta que hai fondos suficientes para ter afrontado moito antes estes pagos, como demostra este expediente de modificación de crédito. Este desgoberno pouco ou nada axuda aos empresarios para sair da crise demorando tanto os pagos.

A todo isto hai que engadirlle que logo de pechar o ano 2007 en agosto de 2009, aínda tardaran ata decembro para facer efectivos estos pagos pendentes. Lamentamos esta xestión nefasta deste equipo de goberno que non ten en conta para nada a situación financieira das empresas.

2. Respecto dos orzamentos do ano 2009 o BNG votou en contra por varios motivos:

En primeiro lugar máis que un orzamento é un peche de contas xa que é inaudito que se leven a pleno a 30 novembro, case que incumprindo os prazos para a súa aprobación e posterior publicación no B.O.P.

Un orzamento de 2.037.000 € no que tan so se adica en inversións reais a ridícula cantidade de 3.100 €. Independentemente das inversións realizadas por outras administracións, este equipo de goberno considera que non hai máis necesidades no pobo.

O orzamento baixa por primeira vez, un 6,3% respecto ao do ano 2008. Ante esta diminución de ingresos tanto a Alcaldesa como o concelleiro liberado, o Sr. Randulfe, lonxe de practicar a austeridade como teñen feito noutros concellos e como se vai a facer na Xunta de Galicia cos salarios dos cargos políticos (que non só se van a conxelar senón que se van a rebaixar nun 3%).estos gobernantes cesureños alleos á crise non só non rebaixan o seu soldo senón que o aumentan un 3%. E dicir que porcentualmente cobrarán arrredor dun 6% máis que outros cargos políticos.

O BNG solicitou que se conxelaran estes dous soldos, pero o goberno desoíu a súa petición.

O BNG entende que este equipo de goberno vai xestionando o concello a golpes sen nengún proxecto ou organización integral do noso pobo, un goberno á deriva. Esta desorganización é consecuencia dun goberno saído das urnas sen un proxecto en común, sen ideas de futuro onde cada un tira para o seu lado; estando tan só aliados para colmar as súas ambicións persoais, económicas e de rencor.

Pontecesures, 2 de decembro de 2009

GRUPO MUNICIPAL DO BNG DE PONTECESURES

A chatarra e mailos cans

2009-12-03T04:34:00.000-08:00

O BNG interesouse no pleno ordinario do luns 30 de novembro, entre outras, pola autorización de utilización de contenedores para chatarra no peirao, sobre que membro do "desgoberno municipal" permitíu que se colocaran estes artefactos, recriminando á alcaldesa que non soubera o que fan os seus socios e pedindo que se adopten as medidas oportunas para correxir esta situación.

Tamén se preguntou sobre o custe da retirada dos cans do propio chatarreiro.

A crónica do diario de Arousa acerca desta cuestión é a seguinte"

Alertan sobre la insalubridad que puede causar la chatarra acumulada en el muelle

m. angueira > pontecesures
La concejala del Bloque Cecilia Tarela preguntó al tripartito en el último Pleno sobre quién autorizó al propietario del contenedor, un chatarrero que hace llamar a su empresa “El mundo submarino”, a colocarlo en esa zona, asegurando que “sabemos de boa tinta que alguén do equipo de goberno lle deu permiso”. La alcaldesa, Maribel Castro, lo negó y certificó que “nadie de la Corporación le dio permiso a ese señor” y explicó que a quien corresponde otorgar o no esa autorización es a Portos de Galicia, organismo titular del terreno. El Concello, de hecho, se puso en contacto con Portos para advertir a sus dirigentes sobre esta situación. “Nosotros le mandamos retirar el contenedor, pero el responsable es Portos y el vigilante pasa todos los días por allí”. La chatrra, de momento, continúa en el muelle y Cecila Tarela preguntaba en el Pleno “¿que van facer? ¿Van esperar a que xurdan problemas como noutros municipios cercanos?”. Valga y Padrón fueron dos de las localidades en las que esta persona instaló su chatarrería con anterioridad. Tanto en uno como en otro generó incidentes y, por ejemplo, en Padrón los materiales que acumulaba provocaron un voraz incendio que a punto estuvo de afectar a varias plantaciones de pimientos. Por ello, el BNG solicita que se adopten medidas para evitar que situaciones similares se repitan en Pontecesures.

En el contenedor causante de esta polémica este chatarrero tiene depositados somiéres de camas, electrodomésticos estropeados, sillas rotas y otros materiales inservibles. Pero hace unos días el hombre también había introducido en este recipiente de basura a varios perros asilvestrados que habían generado temor entre la población puesto incluso llegaron a matar a alguna oveja. “Cans asasinos”, les llamó Cecilia Tarela.

El Concello cesureño, tras informar al Servizo de Protección da Natureza de la Guardia Civil (Seprona), tuvo que hacerse cargo de retirarlos. La edil nacionalista se interesó por los costes que eso supuso. Setecientos euros más IVA fue lo que cobró la empresa Cánidos Val Miñor al Ayuntamiento por hacerse cargo de los canes. El concejal Luis Sabariz apuntó que “vale máis a seguridade dos veciños que andar con titubeos e, se hai que pagar 700 euros está perfectamente xustificado”.

Indignidad democrática

2009-11-30T02:13:00.000-08:00

19/Jun/2007

ENTRE LÍNEAS (Firma: XURXO MELCHOR)

SITUACIONES como las que se han dado en Pontecesures son, por indignas, un atentado contra la democracia y una burla a los ciudadanos. Los cesureños van a tener como alcaldesa a la candidata menos votada. Apenas doscientos sufragios le valdrán para aferrarse al poder. Pero la actitud de Maribel Castro no es indigna. Ella se ha votado a sí misma y ha sido consecuente. Tampoco lo es la del PP, que ha aprovechado una oportunidad para desalojar del poder a su rival político, el BNG. Sí es indigna la actuación de Luis Sabariz. No le llamaré socialista, porque está claro que sólo se travistió con esas siglas para obtener unos votos para poder después traicionar a sus votantes y abochornarnos a todos. Sabariz se ha apuntado a la política del todo vale, hasta pactar con el PP y contra los socios del partido al que representaba. Es una vergüenza que con el dinero de todos haya concejales que, como Sabariz, se dediquen a trasladar al Concello sus infantiles rabietas de patio de colegio. La política es algo mucho más serio. Y no digamos ya la democracia.

La Voz de Galicia

O desgoberno municipal non quere Centro de Día para Pontecesures.

2009-11-29T01:26:00.000-08:00

O pasado 22 de novembro apareceu nos medios unha nota do governo municipal, na cal informa da construcción dun albergue para os peregrinos nas antigas vivendas dos mestres na rúa Pousa Antelo. Ao respecto, o BNG quere manifestar o seguinte:

Os terrenos e edificacións da que estamos a falar, foron cedidos ao concello de Cesures na anterior lexislatura cando governaba o BNG tanto no concello coma na Xunta de Galiza. Tras anos de xestións o anterior governo logrou que a Conselleria de Educación traspasase a titularidade dos mesmos para o concello. A intención do BNG era, e segue sendo, a de construir un Centro de Día para os nosos maiores, idea nal cal coicidíamos todos. A nosa desagradable sorpresa ao enterarnos polos medios que o goberno municipal pretende facer un albergue cedendo os terrenos e edificacións ao Xacobeo.

O BNG considera que este emprazamento, ao carón da escola infantil e do colexio, é idoneo para a consrucción dun Centro de Día e non para un albergue. Para nós un albergue non é prioritario hoxe por hoxe en Pontecesures e con iste investimento poderíase empregar para recuperar o camiño de Santiago en zonas totalmente abandonadas coma Condide, o Couto, Carreiras ou Infesta como xa fixo o anterior governo do BNG no tramo de San Xulián.

Ademais consideramos que levar o albergue lonxe do centro urbán, onde se atopa a maior parte da hostelaría, fará que o mesmo teña unha repercusión case nula na economía local.

Este desgoverno local carece de ideas e proxectos de futuro para o noso pobo, esquecendo totalmente aos nosos maiores que continuarán indo aos centros de día doutros concellos limítrofes. O BNG pídelle á alcaldesa Maribel Castro e aos seus socios (o tránsfuga Sabariz e o concelleiro do PP Rafael Randulfe) que recapaciten a súa decisión e que prioricen os investimentos segundo as necesidades do noso concello, apostando por infraestructuras, primeiro, para disfrute e servizo dos nosos veciños.

Para nós a construcción dun Centro de Día non só beneficiará aos nosos maiores senón que tamén creará, na súa medida, postos de traballo, tan necesarios nestes tempos. O BNG non se opón a construcción dun albergue, pero consideramos que o lugar escollido polo governo municipal non é o axeitado e o investimento no mesmo por parte do Xacobeo (400000 euros) deberíase empregar na súa totalidade na mellora do rural por onde transcurre o camiño Xacobeo Portugués continuando co traballo comenzado en San Xulián.

Grupo Muncipal do BNG de Pontecesures.

Non disporemos do comedor escolar. Nova baixada de pantalóns

2009-11-25T01:00:00.000-08:00

Esfúmase o comedor escolar. Se non se remedia Pontecesures non contará con comedor escolar para o vindeiro curso 2010-2011.

O BNG de Pontecesures constata que nos orzamentos da Xunta de Galicia non hai partida para levar a cabo esta infraestrutura. Non consignarse partida orzamentaria para o ano 2010 significa ademáis que probablemente tampouco contaremos co servizo de comedor escolar para o curso seguinte, o 2011-2012, feito que o BNG quere poñer en coñecemento dos veciños deste pobo.

Ante esta situación, ¿Qué fai o goberno local? Pois simplemente cala a boca e agacha a cabeza. Volve a calar igual que o fixo cando a Xunta do PP tirou abaixo o proxecto de remodelación da zona portuaria cun investimento de preto de catro millóns de euros, proxecto do que eles mesmos votaran a favor en pleno.

O BNG denuncia esta actitude do goberno do concello, covarde e cómplice. Covarde e cómplice porque a sabendas que o goberno da Xunta non consigna absolutamente nada para levar adiante esta infraestrutura tan necesaria e tantas veces demandada, cala a boca a fin de non importunar ao PP importándolle pouco ou nada se o servizo de comedor para os escolares e familias de Pontecesures non se leva a cabo
O tripartito coa alcaldesa á cabeza, é responsable no seu conxunto deste abandono e ven a demostrar que a promesa máis importante, por ser das actuacións máis necesarias, que levou a cabo o delegado da Xunta, o Sr, Cores Tourís durante a súa visita a este concello, caeu en saco roto. Dóuselle a entender á cidadanía de Pontecesures como a petición estrela e resultou ser, por ambos lados, mera e simple propaganda.

O BNG quere destacar tamén a actitude do tránsfuga Sabariz, que coa anterior Xunta de Galicia reivindicaba que se acometeran as actuacións necesarias para contar co servicio e agora, cómplice do PP, agacha a cabeza como o s demáis, non acordándose que él o só el é o culpable de que a anterior administración socialista non realizara a inversión para este fin por traizoar ccoa súa actitude de tránsfuga ao partido socialista, recoñecemento expreso que el mesmo ten feito nalgún consello escolar.

O BNG levou, nou seu día, ante o pleno municipal a inicativa para que se destinaran fondos do plan E para a construcción do comedor escolar, por ser prioritaria esta actuación, inicativa á que o goberno municipal non lle fixo caso, disculpándose con falta de competencia, e investindo os cartos noutras actuacións, que ao noso xuizo non eran tan urxentes.

Ante esta nova” baixada de pantalóns” do tripartito municipal, O BNG de Pontecesures, a través dos seus deputados no Parlamento de Galicia ven de presentar enmendas aos orzamentos para o ano 2010 a fin de que nos investimentos da consellaría de educación se consignen os fondos suficientes para que o comedor escolar sexa por fin una realidade para o vindeiro curso e esperando que o PP reconsidere a súa postura e atenda esta razonable e xusta petición.

Encharcados polo tripartito

2009-11-20T08:08:00.000-08:00

O BNG quere informar á cidadania do sucedido na rotonda da Charca, por mor das últimas choivas destes dias, e das reaccións por parte do goberno municipal de Pontecesures aparecidas nos medios de comunicación.

Cando se empezou a construir a rotonda da Charca na estrada autonómica PO-548 houbo unha xuntanza, in situ, na que estiveron presentes a alcadesa Maribel Castro, o tránsfuga Sabariz o alcalde de Valga Maneiro e técnicos da Direccion Xeral de Infraestructuras. Na mesma xuntanza Maneiro dixo que as augas do regato tiñan que repartirse entre Valga e Cesures, cando todos sabemos que o regato circulou na súa totalidade, e dende sempre, dirección ao regato da Devesa. Esa negativa por parte do Sr. Maneiro a que as augas circulasen por onde sempre o fixeron, co asentimento e complicidade do goberno cesureño, foi o motivo polo cal se colocou un tubo de escasas dimensións (400mm) que non é capaz de recoller a totalidade das augas do regato provocando inundacións.

O BNG denunciou estes feitos no pleno municipal obtendo como resposta a mofa e burlas de membros do governo, afirmando que o BNG “non sabe de que está a falar e está mal informado”. Sen embargo a realidade e o tempo pon a cada quen no seu sitio, e a denuncia realizada no seo día, de que o tubo tiña escasas dimensións, tórnase agora nunha realidade e nos últimos días houbo inundacións na rotonda da Charca nd afectando a fincas e incluso poido chegar ás vivendas de continuar as choivas. Xa nese intre,pois, o BNG alertou sobre a posibilidade destas inundacións instando ao goberno que non se deixaran tomar o pelo nin por Maneiro nin pola Xunta e esixiran que non se cometese esa tropelía con Pontecesures.

Agora, despois da "baixada de pantalóns" por parte da alcaldesa Maribel Castro, o tránsfuga Sabariz e o concelleiro de obras Randulfe, diante do alcalde de Valga, onde estes representantes dos veciños de Pontecesures non defenderon os intereses do noso pobo, aceptando as tesis de Maneiro e dando por boa a colocación diste reducido tubo, mandan un escrito a directora xeral de infraestructuras suplicándolle que tome medidas correctoras para evitar inundacións (máis un intento de lavar a cara que de arranxar o problema)

Parécenos vergoñenta a actitude dos nosos gobernantes municipais xa que nunca foron capaces de defender aos veciños da Charca e agora suplican solucións á Dirección Xeral de Infrestructuras. O BNG esíxelle á alcaldesa Maribel Castro que con toda urxencia se reuna coa directora Xeral de Infraestructuras dona Isabel Vila, para que sexa sustituido inmediatamente este tubo de escasas dimenensións por outro moito mais grande e non volva a repetirse esta lamentable situación.

A pesar da eiva, o BNG co Obradoiro de Emprego

2009-11-06T13:08:00.000-08:00

O BNG parécelle unha gran nova que, por fin, no noso pobo se poida poñer en marcha un novo OBRADOIRO DE EMPREGO, e máis tendo en conta o número de parados que hai en Pontecesures. Nembargantes, lamentamos aínda máis que o goberno local non fixera caso da proposta do BNG na que se pedía que se solicitase un cuarto módulo de carpintería o que daría a oportunidade de contar con 10 ou 15 alumnos máis; proposta que non foi tida en conta e rechazada no pleno polo grupo de goberno.

A pesares de solicitar só 3 módulos: Xardinería, Construcción e Enerxías Renovables de 15 alumnos cada un, a Xunta reducíu aínda máis este Obradoiro concedendo únicamente 33 alumnos no canto dos 45 solicitados. O BNG non comprende esta rebaixa tan significativa no obradoiro por parte do goberno autonómico “amigo” do Sr. Rafael Randulfe, o que ven a demostrar o pouco peso político deste personaxe, tendo en conta tamén que noutros concellos non gobernados polo PP a Xunta concedeu Obradoiros con máis alumnado que o de Pontecesures.

O BNG insta a todos os desempregados de máis de 24 anos de Pontecesures a que acudan antes do día 11 de novembro ás oficinas municipais a anotarse para este Obradoiro de Emprego.

Por outra banda, o BNG esixe do goberno local que a selección tanto dos alumnos como do resto de persoal do Obradoiro se faga de xeito transparente e xusto.
Pontecesures, 6 de novembro de 2009
GRUPO MUNICIPAL DO BNG DE PONTECESURES

O vehículo desaparecido

2009-10-30T00:56:00.000-07:00

O pasado xoves 22 de outubro no incendio da carnicería da rúa San Lois interviron para a súa extinción unha motobomba e unha pick-up de Protección Civil de Padrón así como voluntarios de Protección Civil de Pontecesures.

O BNG pregúntase porque non interveu neste operativo o coche de emerxencias (pick-up) do Concello de Pontecesures do que tanta propaganda fixo o goberno local.

Según a nosa información este vehículo está gardado baixo chave no soto da Casa do Concello non estando a disposición permanente da Agrupación Municipal de Protección Civil. Parécenos lamentable o mal uso que se está a facer deste coche de emerxencias.

Durante o incendio, cando os veciños que presenciaban as labores de extinción interpelaron ao Sr. Alcalde Accidental -alí presente- Rafael Randulfe o porque non se encontraba alí o devandito vehículo, éste, co seu cinismo habitual, respondeu que o vehículo estaba nese momento realizando outras tarefas; cousa que nos consta que é mentira.

Dende o BNG instamos ao goberno municipal a que lle dea operatividade a este vehículo poñendoo a disposición da Agrupación Municipal de Voluntarios de Protección Civil, xa que para este fin foi adquirido.

Asemesmo, insistimos en lamentar unha vez máis que teñan que vir medios doutro concello cando esta pick-up se mercou precisamente para as emerxencias e ata o de agora só se está a utilizar para servizos de limpeza do concello.

Pontecesures, 30 de outubro de 2009
GRUPO MUNICIPAL DO BNG DE PONTECESURES

Xa basta de enganos

2009-10-23T09:26:00.000-07:00

O BNG de Pontecesures ao respecto da instalación da rede wifi municipal quere manifestar o seguinte :

Como supoñíamos e denunciamos en diferentes ocasións (nos plenos e medios de comunicación) a rede wifi aínda non està operativa, a pesares de que o concelleiro do partido popular Rafael Randulfe, (así tamén o fixo o tránsfuga Sabariz), prometeu ata a saciedade que ía estar en funcionamento a finais do ano 2008.

Así nos invadían nos medios de comunicación en febrero de 2008 “ Pontecesures contará con wifi gratuito en todo su territorio. El sistema llegará a todos los núcleos a través de 14 antenas conectadas a un ordenador situado…” En noviembre dese mesmo ano o desgoberno municipal emitía un novo comunicado ao pobo a través da prensa escrita con expresións como: “Pontecesures tendrá su red inalámbrica de comunicación antes de que expire 2008, a pesar de que se ha ido encontrando con diversas dificultades en el proceso de instalación”. Pero de rede wifi nada de nada.

En marzo de 2008 o tránsfuga, a través dos medios afirma que “Pontecesures contará con rede wifi en el plazo de un mes logo de asinar o contrato coa empresa o 25 de marzo” . O mesmo anuncio se fai en agosto e a mesma información se da no pleno de setembro, que en mes, mes e medio, estará a rede operativa en todo o término municipal. Mentira tras mentira como o demostra a realidade.

Unha vez mais Rafael Randulfe engana aos veciños/as de Pontecesures . As súas mentiras e artimañas xa non collen por sorpresa a ninguén . Recordemos que xurou non dar na pasada investidura a alcaldia a Maribel Castro e chegado o día do pleno non tivo escrúpulos en apoiar a Sra Castro colocando de alcaldesa ao candidato menos votado .

A pesares disto o mais grave, como sospeitamos , é que tan só se colocaron tres antenas da citada rede , ubicándose as mesmas nas rúas centrais do noso pobo, esto implica, como denunciamos en moitos plenos, que a rede wifi só abarcará unha mínima parte do municipio quedando moitos veciños sen cobertura.

Este desgoberno segue a menospreciar aos cidadáns de Cesures e clasificaos en dúas categorias: os de primeira e os de segunda. Queremos recordarlle ao goberno municipal que todos os cidadáns pagan impostos por igual e polo tanto teñen os mesmos dereitos . Este trato desigual xa ocurreu cos fondos estatais que foron invertidos por completo nas rúas centrais .

O BNG esíxelle á alcaldesa Maribel Castro que deixe de enganar constantemente ao pobo, que a rede sexa realidade dunha vez por todas (a empresa incumpríu todos os prazos establecidos no contrato que fixo co concello e este mira para outro lado) e sobre todo que o servicio de internet wifi chegue a todos/as veciños/as do noso pobo e que non continue menospreciando a maior parte da poboación recordándolle ademais que é alcaldesa de todos/as por igual.

Grupo Municipal do BNG

Baixada de pantalóns colectiva

2009-10-18T02:16:00.000-07:00

O BNG de Pontecesures quere manifestar, en relación coas declaracións feitas polo presidente de Portos de Galicia a respecto do proxecto de remodelación da zona portuaria que foi aprobada en pleno por toda a corporación municipal, o seguinte:

1.Sorprende que un proxecto de case 4 millóns de euros, que fora solicitado polo anterior goberno municipal encabezado polo BNG, se diga que non satisface aos veciños de Pontecesures. Non entendemos porque, como xa está sendo habitual co PP, todo proxecto elaborado e presentado polo goberno bipartito da Xunta de Galicia é botado abaixo, argumentando neste caso, de forma insultante que se trata dun proxecto malo.

2.Criticar ao goberno municipal actual de Pontecesures que non fagan todas as xestións necesarias para que este proxecto non sexa derrubado, e en cambio se contenten cun lavado de cara que pretende facer Portos de Galicia na zona do peirao de cara ao Xacobeo do próximo ano. Lavado que para nada ten que ver co proxecto inicial, quedando só algunhas actuacións simples que non poñen en valor a recuperación do peirao como zona de lecer.

O goberno municipal, inexplicablemente, encarta as orellas e non esixe que se cumpra o que foi elaborado polo anterior goberno da Xunta e que foi aprobado en pleno por todos os grupos municipais que configuran hoxe a corporación municipal, pleno celebrado en xaneiro de 2008.

Naquel intre dende o tripartito se valorou moi positivamente o anteproxecto presentado por Portos de Galicia, en ningún momento lle pareceu “malo” aprobando así un convenio con Portos de Galicia para a execución e mantemento das obras de remodelación da zona portuaria e solicintado, xunto co BNG, que no proxecto definitivo se incluísen algunhas melloras, de pouco custe económico pero necesarias.

Responsabilizamos directamente á alcaldesa Maribel Castro desta baixada de pantalóns colectiva, non defendendo os intereses dos veciños e nen sequera defender un proxecto aprobado por ela mesma. Ante esto, o BNG pregúntase, ¿para que cobra o salario pagado por todos esta señora?

O BNG esixe que o goberno de Pontecesures loite para que non se lle tome o pelo aos veciños e veciñas do noso pobo, como realmente está a suceder coa perda desta importante inversión de case 4 millóns de euros.

Grupo Municipal BNG Pontecesures

Cecilia Tarela nova responsable local do BNG de Pontecesures

2009-07-15T09:08:00.000-07:00

A Asamblea Local do BNG de Pontecesures reuníuse na tarde do martes 14 de xullo para renovar a directiva do Consello Local.
Por unanimidade de todos os asistentes saíu elexida como nova responsable local, en sustitución de D. Xurxo Gerpe Jamardo, Dª Cecilia Tarela Barreiro.

Máis de tres meses e inda non hai contas da lamprea.Vaia goberno

2009-07-12T02:58:00.000-07:00

O pasado 10 de xuño o BNG solicitou via rexistro no concello a seguinte informacion: contas detalladas da Festa da Lamprea (6 de abril) mais da Feira do automovil 5-6 abril), esta última promovida e organizada dende o concello. A dia de hoxe (10 de xullo)todavia non recibimos contestación algunha, e xa pasaron máis de tres meses dende a sua celebración. ¿Como e posible que aínda non estean feitas? Ou o que é ainda peor, quérenllas ocultar a oposición. Hoxe mesmo foron solicitadas por 2º vez esta semana respondendo a Sr Castro que "xa llas pedira o Sr Rey". Pero seguen de todas as maneiras sen aparecer.

Esto demóstranos a falla de transparencia que ten o desgoberno de Pontecesures, o que algúns empregaron coma bandeira política nas pasadas eleicións municipais agora que están no goberno esquécense de aplicala.

Para nós é inaceptable e antidemocrático este feito, e ven a demostrarnos unha vez maís a madeira da que esta feita a nosa alcaldesa Maribel Castro.

Esperamos dende o BNG que con toda celeridade nós sexan entregada istas contas requeridas, para poder examinalas e valoralas polo miudo e asi poder informar aos veciños de Pontecesures que teñen todo o dereito do mundo a coñecer en que se empregan os seus cartos .

Xa non lle interesa nin o "Centro de día" nin o "Parque Empresarial"

2009-07-05T00:43:00.000-07:00

O pasado dia 27 de xuño , visitou Pontecesures o delegado territorial da Xunta D. Jose Manuel Cores Touris que foi recibido polo goberno municipal. A esa xuntanza non foron invitados os concelleiros do bng, que recordamos representan mais do 40% dos veciños do noso pobo. Isto demostra unha vez mais o talante antidemocrático da alcaldesa Maribel Castro e dos seus apoios, que "esquécense " de avisar ao BNG , tal vez sexa por que nós demostrariamos nesa xuntanza que iste goberno carece de ideas e proxectos de futuro para o noso pobo .

Nesa reunion con Touris o goberno municipal non falou cunha voz única senon que cada membro dodesgoberno pedia o primeiro que lle pasaba pola testa demostrando a incapacidade que teñen istes personaxes para gobernar Pontecesures.

A xuizo do BNG quedaron no tinteiro proxectos tan importantes coma o poligono industrial tan necesario nestes tempos de crise para incentivar o desenvolvemento industrial e o emprego; tampouco se falou do centro de dia quedando os nosos maiores esquecidos.

O BNG querelle recordar a este desgoberno municipal que é, con claridade a primeira forza política no concello de Pontecesures, representando a unha boa parte dos veciños e veciñas e se carecen de ideas e proxectos poden revisar o programa electoral do BNG das pasadas eleccións municipais .
Asamblea Local BNG Pontecesures

O BNG co Obradoiro de Emprego

2009-06-14T02:19:00.000-07:00

O pasado xoves día 11 levouse ao pleno unha moción para a aprobación e solicitude do proxecto de Obradoiro de Emprego para o noso concello.
O Grupo Municipal do BNG, ve deficiencias notorias tanto no proxecto en si, como no propio proceso de solicitude, e así o fixo constar no pleno.
Criticamos a tardanza en presentar este proxecto ao pleno. O derradeiro obradoiro de emprego rematou a súa actividade en decembro de 2007, e dende entonces ata hoxe transcorreron prácticamente dezaoito meses, chegando agora “tarde, mal e arrastro” pois tivo que convocarse un pleno extraordinario coa máxima urxencia, agotando todos os prazos, porque de non ser así o luns remataría o prazo estipulado para presentar a solicitude e se tería perdido todo o ano, tendo que esperar para poder facer a solicitude ata marzo do ano 2010. Dende O BNG criticamos este feito, e máxime cando xa se perdeu a oportunidade de realizar esta solicitude no pasado mes de marzo, perdendo así a primeira convocatoria do ano e non entrando polo tanto a “competir “ con proxectos doutros concellos, tempo perdido que outros nos levan adiantado . Asimesmo o BNG lamenta que non tivera á súa disposición, para a debida consulta e estudio, a totalidade do proxecto como é preceptivo, chegando ao pleno sen coñecer en detalle o mesmo.
En canto ao contido do proxecto, o BNG lamenta que non se conte alomenos cun cuarto módulo (só se solicitan tres), no que ao noso xuízo debería estar incluido un módulo de carpintería, con outros 15 alumnos-traballadores, dado que, en canto a materiais, ao concello non lle sairía moi caro ao contar coa maquinaria adquirida xa para o último obradoiro e que se atopa gardado na nave-almacen do propio obradoiro. Estaríamos dando oportunidade de formación a máis alumnos, diversificando máis a oferta formativa, aínda que a administración recortase algo, como soe facer, o número de alumnos por módulo, pero non vemos lóxico que sexa xa o concello o que demande menos módulos.
A resposta máis inaudita a esta petición do BNG douna sen dúbida a Sra. Alcaldesa, ao decir que xa lles pasara pola cabeza pero que decidiron non incluila porque non sabían que traballos de carpintería se podían poñer no proxecto . Esta resposta non necesita máis comentarios pois da fe, por sí soa, dos xestores que están ao frente do concello. Para porse a rir ou a chorar. Algún outro concelleiro do goberno dixo que agora xa non lle daba tempo, nin deste módulo nin do de Axuda no Fogar, ainda recoñecendo que este resulta máis atractivo que outros para os alumnos e incluso para a Administración autonómica.
Tamém critica este Grupo Municipal a temeridade e o perigo para a viabilidade do proxecto, por parte do concello, por incluir no mesmo unhas obras das que non se ten a seguridade de ter a titularidade delas no momento de, caso de ser aprobado pola administración autonómica, comezar o obradoiro. Estamos a referirnos ao entorno do “Muiño da Chancela”, pois hoxe por hoxe o concello non conta co visto bo de todos os propietarios afectados, nin tan siquera co dos posibles usuarios do propio muiño.
O BNG manifestou no pleno que se dialogue e se busque o acordo cos afectados e non sea a expropiación a ameaza contra deles.
Non obstante e feitas todas as críticas e suxerencias de mellora, o BNG votou afirmativamente, pois estamos a facer, como vimos demostrando ao longo da lexislatura, unha oposición seria e constructiva, antepoñendo os intereses do pobo frente a intereses partidistas, e entendemos que na situación de crise económica actual, cun alto índice de paro no noso concello, é prioritario levar adiante actuacións que axuden a paliar os efectos do paro e a facilitar a aprendizaxe de profesións a fin de que os alumnos-traballadores poidan logo insertarse con maior facilidade no mercado de traballo.

Así foi o pleno de maio

2009-05-31T00:50:00.000-07:00

Valoración do BNG sobre o acontecido no pleno ordinario do luns 25 de maio de 2009.

O BNG de Pontecesures fai as seguintes valoracións:

1ª En relación coas mocións apresentadas polo BNG. sinalar que, unha e outra vez que o BNG apresenta mocións para a súa aprobación , ás cales o equipo de desgoberno ve moi difícil votar en contra, este usa a estratexia de apresentar mocións alternativas ou enmendas á totalidade, como nesta ocasión, variando un pouco as peticións do BNG e só para non dar por boa a inciativa do noso grupo intentado ocultar así a súa falla de inciativa en temas como os tratados.. O BNG lamenta esta actitude pero aínda así e pese a elo, o noso grupo municipal votou afirmativamente aos cambios introducidos, pois o que se pretendía era por un lado a retirada por parte da Igrexa dos símbolos franquistas e relacionados coa guerra civil que figuran na fachada da igrexa parroquial de Pontecesures, e por outro deixar plasmada a actitude de Pontecesures en contra da producción de cultivos tranxénicos.

2ª. En relación coa proposta do tripartito acerca da modificación feita no IBI, o BNG mostrouse a favor de subirlle o IBI á autopista ao tipo máximo que permite a lei, pero manifestou que lle sorprendía o silencio mostrado unha vez máis polo PP do Sr. Randulfe, que intenta pasar desapercibido sobre as cuestións de impostos, cando hai dous anos a súa principal promesa electoral foi a baixada de impostos para os veciños e veciñas, e o único que fixo foi, pola contra crear impostos novos “apretando” máis aos cesureños.

3ª. No apartado de rogos e preguntas, estas xiraron fundamentalmente sobre cinco asuntos, como forn a festa da lamprea, a feira do automóbil,o alumeado público, a tala de árbores do centro do pobo e a organización do entroido, amén de outras preguntas sobre arranxos e propostas de obras.

-Festa da lamprea: O BNG lamenta a actitude deste “desgoberno” en relación coa compra das lampreas e cos “Valeiros” pois encargóulle esta únicamente a dúas persoas sen ofertarlle a posibilidade ao conxunto dos valeiros e máximo cando este ano foi un ano de lampreas..

Os mesmos integrantes do equipo de goberno do PP e Sabariz puxeron en dúbida a procedencia das lampreas desta edición, mentras polo PP se decía que todas as lampreas procedían do Ulla, o tránsfuga afirmaba que él non sabía de onde eran as lampreas. A acaldesa nin sabe nin responde e é de coñecemento de todo o pobo que as lampreas non eran siquera galegas.

Así o tripartito admitíu que non se falou cos valeiros, que tiñan que ser estos os que foran a ofrecerllas si querían, e o que é peor, desprezaron públicamente a este colectivo do noso pobo, sinalando que non lle importaba esta festa, que non colaboraban con ela e que preferían “quedar na cama ese dia”, en palabras do tránsfuga Sabariz. Esta actitude do tripartito contra os valeiros parécenos totalmente inadmisible.

-Feira do automóbil: No pleno quedou constatada a nula implicación do desgoberno municipal coa feira de automóbil Fegaclasic. Non só coas respostas dadas aos concelleiros do BNG no turno de preguntas senón no propio informe que leu a alcaldesa das actuacions desta para coa asociación cultural “Mirándolle os dentes” dende o mes de xaneiro ata a propia feira, informe que no seu conxunto mostra con rotunda claridade a cantidade de obstáculos e trabas burocráticas que se lle impuxeron á organización cultural formada por veciños de Pontecesures. O seu desexo foi claramente que a feira fracasara.

Non contestaron, razoadamente nin cun mínimo de seriedade, porque dende o concello non se fixo aportación económica algunha á feira, só se lles ocorreu dicir que xa puxeron os municipais a traballar esos días e eso custou cartos en horas extraordinarias (como si non tiveran aos municipais a traballar esos días nos actos que celebraron na prazuela o sábado e o domingo con motivo das letras galegas). A alcaldesa minteu ao afirmar que todos os anos se celebraban actos das letras galegas o sábado e mailo domingo, cando é a primeira vez que no domingo se celebra algún acto, curiosamente para ter desculpas para que os organizadores da feira non poideran usar a prazuela. Todo foron obstáculos e trabas boicoteando a feira: baños, cortes de tráfico, etc

A mesma Maribel Castro, nun acto de cinismo e mala educación comeza o seu informe de presidencia felicitando aos grupos que participaron no festival das letras galegas e nin unha soa mención á asociación cultural “Mirándolle os dentes”. Ante a pregunta, de porque non actuou nesta ocasión coa representación institucional que obstenta asistindo a algún dos actos da Feira, é á que foi invitada formalmente, resposta que “non sabía que tiña que facer alí e que tiña cousas máis importantes que facer e que non ten porque dicilas aquí e que xa mandou a un concelleiro que fora por alí”, mostrando deste xeito un aboluto desprezo á asociación, aos veciños que a compoñen, á feira e ao que supón de prestixio para Pontecesures e a todos os veciños en xeral.

O Grupo Municipal do BNG manifestou a vergoña axena que supoñen estas actitudes de todo o equipo (do PP de Randulfe, do tránsfuga e máis da alcaldesa Maribel Castro) para cun evento tan importante para este pobo como xa é Fegaclasic. Tremendamente lamentable antepoñendo intereses propios e ánimos revanchistas co interés de todo o pobo.

Alumeado público.
Voltouse a preguntar polos permisos aos veciños para colocar o alumeado público nas rúas centrais do pobo, contestando o Sr. Randulfe (prácticamente non tiña intervido em todo o pleno e para como o fixo mellor que seguira calado) que si se lle habían pedido permiso aos propietarios de todas as vivendas onde se instalaron as catenarias, citando o grupo municipal do BNG toda unha serie de edifícios onde con total seguridade se colocaron tales sen a mínima consideración de falar cos seus propietarios, deixando ao concelleiro do PP como um “mentireiro” unha vez mais. A xuízo do BNG este tipo de alumeado non é o idóneo para este pobo, non só estéticamente (poden considerarse auténticas “bacenillas colgantes”) que cun pouco de vento non farán outra cousa que meter ruido, senón que mais cableado polas paredes e atravesando a rua de parte a parte amosan unha imaxe do pobo que non nos gusta em absoluto.
Dende o BNG pedimos que se proceda ao soterrado do cableado (telefônica, electricidade, etc) pois é o que se está a facer em todas partes.

Organización do entroido
Despois da deficiente e nefasta organización do entroido neste ano, na que a Sra. Alcaldesa se repartiu os premios para si misma, e de diferentes categorias, o BNG preguntou porque se estaba a “marear” aos pais dunha parella que resultando cun premio no concurso de disfraces, a dia de hoxe ainda non se lle dou este. ¿Como é posible que lle outorguen um premio e logo non se lle entregue porque según o “desgoberno municipal” o premio xa llo deron a outros e agora non saben a quen foi?. A que altura de esperpento chega a actuación da Sra. Alcaldesa e dos seus socios, que fan ir polo concello aos pais dos afectados xa em tres ocasións e inda hoxe non recibiron tal premio, figurando como merecedor del na páxina web ofical do concello de Pontecesures. A resposta, ante a evidencia dos feitos, non foi outra que se intentará facer mellor para a próxima e xá está.

Tala de árbores xunto ao monumento ao Coche de Pedra. O BNG preguntou porque se habían talado as árbores nesa zona, se a política deste desgoberno era talar árbores e sustituir por cemento. Previamente, nos informes de presidencia, por primeira vez, a Sra. alcaldesa delegou este tema no tránsfuga (debe ser que ela non tiña estudiado o asunto) e este leu um amplísimo dossier, que o único interesante que viña a decir era que as árbores estaban em fase de senescencia, é dicir que ian indo para vellas, e que aconsellaban cortalos e comprar outros.

Dende o noso grupo municipal manifestámonos totalmente en contra desta decisión e poñemos en tela de xuízo tal informe, pois quixemos contar coa opinión dunha experta na materia, que se personou no lugar e da análise dos restos, asegurou que estas non tiñan enfermidade algunha e que ao seu xuízo gozaban de perfecta vitalidade, atendendo ao estudo das raíces, resina e outros elementos.

O tránsfuga manifestou que non coñecía nin oira a nadie do pobo, salvo aos “nacionalístas” que estivera disconformes coa tala destas árbores. A resposta do BNG foi: “vostede non oe o que non lle convén”

Apoio aos traballadores de Novo y Sierra

2009-05-29T07:02:00.000-07:00

TRABALLADORES DE NOVO Y SIERRA

O BNG de Pontecesures quere mostrar o seu apoio aos traballadores de Novo y Sierra. Non só na manifestación deste próximo sábado, senón en calquer outro acto ou manifestación que se produza no futuro. Ademaís queremos deixarlle claro aos traballadores que estamos a súa disposición para calquer cousa que precisen e na que nós lle puidesemos axudar.

Nós cremos que como forza política do pobo de Pontecesures, do cal temos moitos traballadores con esta problemática , temos que estar a súa plena disposición.
Sen maís queremos dende o BNG darlle todo o noso ánimo e apoioe e esperando que en esta loita consigan os seus obxectivos.

E pedirlle a todos os veciños de Pontecesures a que acompañen a estes traballadores o sábado na manifestación.Xa que creemos que o que lles pasa hoxe a eles pódelle pasar mañán a calquera.

Consello local do BNG de Pontecesures

Memoria histórica

2009-05-24T02:18:00.000-07:00

Margarita Carolina García Castro,Manuel Luis Alvarez Angueira,Cecilia Tarela Barreiro,Xosé Antonio Baliñas Pazos e Arturo Ferro González,concelleiros do Grupo Municipal do BNG de Pontecesures presentan a seguinte moción para ser tratada na Sesión Plenaria do día 25 de maio do 2009.

LEI DA MEMORIA HISTORICA
Exposición de motivos:

Tendo en conta en que en tódolos concellos de Galiza se esta levando a cabo a desaparición deinsignias sobre a guerra civil española.Nos como grupo do bng de Pontecesures creemos que é necesario que no noso concello tamén se leven a practica este tipo de actuacións.

Polo tanto amparándonos na lei 52/2007 do 26 de decembro coñecida por todos como a lei da memoria historia.Xa que a mesma ten como finalidade recoñecer e ampliar os dereitos e establecer a medidas a favor de quen padeceu persecucións ou violencia durante a guerra civil e os seguintes anos da dictadura.

E tendo en conta que o artigo 15 de dita lei di o seguinte:
Que as administración públicas,no exercicio das súas competencias,tomaran as medidas oportunas para a retirada de escudos,insignias,placas e outros obxectos ou mención conmemorativa de exaltación persoal ou colectiva da sublevación militar da guerra civil e da represión da dictadura.

Manter estes nomes e estas distincións significa exaltar un réxime opresor que se caracterizou por falta de liberdades e que promoveu valores totalmente opostos os valores democráticos,de xustiza e igualdade e de respecto á pluralidade é diferenza.

POR ESTES MOTIVOS PROPOÑEMOS O PLENO DA CORPORACIÓN O SEGUINTE:

1-Que os menbros do goberno que o vexan convinte se poñan en contacto coas autoridades eclesiásticas pertinentes para facer efectiva a retirada deste elementos da fachada da igrexa parroquial de Pontecesures, pois como di o seu nome é parroquial o que é igual a que é de todolos veciños, acatando así a lei da memoria histórica.

Salvaxes

2009-05-24T01:15:00.000-07:00

O BNG de Pontecesures quere manifestar o seu malestar, asi como o de numerosos veciños do pobo, pola tala indiscriminada das árbores do entorno da praza do monumento do Coche de Pedra. Esta praza está a ser remodelada polas obras que está a realizar o concello no centro do pobo cos fondos do Fondo Estatal de Iversión para o Emprego.
Para a nosa sorpresa encontrámonos estos días con que a totalidade das árbores desta praza foron taladas eliminando de forma radical a única zona do centro do pobo donde os veciños podían desfrutar dun espazo verde para o lecer e donde se podía descansar nos seus bancos no verán á sombra destas árbores que polo menos levaban ahí uns 30 ou máis anos.
Para nós este feito é considerado como un atentado ecolóxico contra o entorno do centro do pobo, e máis tendo en conta que cando se presentou o proxecto das obras non se mencionou para nada a tala das árbores.
Pontecesures, 22 de maio de 2009
GRUPO MUNICIPAL DO BNG DE PONTECESURES

O desgoberno cesureño continúa coas súas

2009-05-24T01:12:00.000-07:00

O BNG de Pontecesures quere felicitar á ASOCIACIÓN MIRÁNDOLLE OS DENTES polo éxito da Feira do automóbil FEGACLASIC celebrada os pasados 16 e 17 de maio. Durante estes 2 días foron moitos os visitantes a este evento de distintos lugares de Galicia, así como doutros lugares do estado español no que tiveron a posibilidade de ver de primeira man a amplia exposición de automóbiles antigos de todo tipo que ofrecía a Feira e tamén de mercar recambios para vehículos clásicos que se ofertaban nos stands que se instalaron para a ocasión.

Esta feira supón un antes e un despois no auxe de Pontecesures como referente de feiras destas características, facéndolle recuperar ao noso pobo a condición de pioneiro en feiras do automóbil antigo e, ao mesmo tempo, dándolle proxección a nivel de toda a península ibérica ao Concello de Pontecesures.

O BNG tamén quere calificar de lamentable a ausencia da primeira autoridade do pobo, a señora Alcaldesa, nos actos desta feira nos cales non fixo acto de presencia en nengún dos días. Tamén lamentamos e criticamos que o Concello de Pontecesures non fixera nengún tipo de aportación económica a esta feira e ademáis puxera todo tipo de impedimentos e atrancos para que este evento se desenvolvese con normalidade.

Así, non se cortou o tráfico rodado polo centro do pobo no momento da ofrenda floral no monumento do Coche de Pedra, denegar por parte do concello á organización da feira a utilización dos baños da plaza de abastos aos visitantes da feira, por poñer algúns exemplos.

A Asociación Mirándolle os Dentes tiñan solicitado por escrito tanto o corte de tráfico, que non chegou a producirse; e a utilización dos baños, que lles foi denegada tamén por escrito. Para nós estas actitudes son reprobables e son unha mostra máis do talante antidemocrático do goberno que estamos a padecer en Pontecesures.

O BNG considera que esta feira dalle un lugar privilexiado a Pontecesures no eido da compraventa e exposición de vehículos clásicos e pezas para os mesmos. E nesta ocasión o goberno local de Pontecesures, encabezado pola Sra. Alcaldesa, non estivo á altura á hora de apoiar como corresponde a unha actividade que tanta proxección lle dá ao noso pobo.

Entendemos que o equipo de goberno actuou por revancha ao poñer impedimentos para a celebración da Fegaclasic e que pretenden dividir aos veciños de Pontecesures con estas actitudes pouco democráticas.

Pontecesures, 22 de maio de 2009
GRUPO MUNICIPAL DO BNG DE PONTECESURES

Transxénicos: non, grazas.

2009-05-20T23:55:00.000-07:00

ATT.DA SRA ALCALDESA-PRESIDENTA DO CONCELLO DE PONTECESURES

MOCIÓN DO BLOQUE NACIONALISTA GALEGO DE PONTECESURES.

Margarita Carolina Garcia Castro,Manuel Luis Alvarez Angueira,Cecilia Tarela Barreiro,Xosé Antonio Baliñas Pazos e Arturo Ferro González,concelleiros do Grupo Municipal do BNG de Pontecesures presentan a seguinte moción para ser tratada na Sesión Plenaria do día 25 de maio do 2009.

ORGANISMOS MODIFICADOS XENÉTICAMENTE( OMX)

Exposición de motivos:

Recentemente,varias empresas transnacionais teñen solicitado ensaios con millo transxénico ao Ministerio de Medio Ambiente nos municipios galegos de Arzúa,Chantada,Mesía,Ribeira e Vilalba ao abeiro da normativa existente.

Non existe un coñecemento científico suficiente como para valorar adecuadamente as consecuencias da produció e uso de OXM e os seus derivados.Existen algunas investigacións sobre as marxes de seguranza no tocante á dispersión de xenes nos ecosistemas máis tamén nas probas de dispersión de sementes fora das fincas de cultivo.Son indubidábles as consecuencias negativas que a comercialización de sementes transxénicas teñen para os productores,establecendo relación de dependencia coas multinacionais productoras.Existe coñecemento suficiente sobre problemas de saúde que os productos obtidos de plantas modificadas xenéticamente poden ter nalgunhas persoas.Existe un gran coñecemento da incidencia que o cultivo de plantas transxénicas ten sobre a diminución da biodiversidade.En calquera campo de investigación é necesario repectar o principio de precaución.Isto é particularmente importante nun ámbito o dos OMX cunha relevancia social,sanitaria e ecolóxica tan evidente.

A manipulación xenética está indo da man dunha crecente mercantilización dos recursos xenéticos que pón en perigo a autonomía de decisión sobre os nosos sistemas productivos e a seguranza de alimentar,o oligopolio dos mercados de sementes,agroquímicos e alimentarios,e tomando a nosa alimentación cada vez máis dependente dun feixe de grandes empresas transnaionais.

Por todo isto e porque o BNG é unha formación firmemente comprometida co desenvolvemento sostible do País.

Propoñemos o Pleno da Corporación que aprobé no pleno,o acordó de DECLARAR O MUNICIPIO DE PONTECESURES COMO ZONA LIBRE DE TRANXÉNICOS e se acompañe das seguintes medidas:

1.Facer pública a oposición do noso Concello ao cultivo ,comercialización de todas as prantas modificadas xeneticamente e aos alimentos que con elas se elaboran.
2.Ditar as ordenanzas municipais pertinentes para que declaren actividades insalubres e nocivas non autorizables ,en ninguna parte do municipio.

3.Facilitar información e promover o debate público sobre os efectos que o cultivo e o consumo de transxénicos supón para a saúde.

4.Asumir o compromiso de que nos establecementos dependentes do Concello,non se consuman alimentos que leven este tipo de Organismos modificados xeneticamente.
5.Solicitar ao Consello da Xunta de Galiza que inicie os trámites normativos necesarios para conseguir que Galiza sexa un dos territorios da UE libre de cultivos transxénicos.

O "desgoberno" boicotea a feira do automóbil

2009-05-10T00:38:00.000-07:00

Estánse a levar a cabo no concello de Pontecesures as obras de mellora de beirarrúas no centro do pobo con cargo aos fondos do FEIL (Fondo Estatal de Inversión Local para o emprego). Para sorpresa do noso grupo as obras comezan na intersección das rúas Sagasta, San Lois e Travesía do Muelle, nas inmediacións do monumento ás ferias do automóbil (O Coche de Pedra); consistindo estas no levantamento das beirarrúas incluído o levantamento de toda a plaza do Coche de Pedra e na apertura de zanxas.
Para nós o máis normal e lóxico e que estas obras comezasen dende as rúas Portarraxoi ou Víctor García hacia o centro, non habendo, ao noso entender, nengunha razón técnica que xustifique facelo dende o centro hacia fora.
Nembargantes, vemos que se acerca a feira do automóbil FEGACLASIC organizada pola asociación Mirándolle os Dentes os vindeiros 16 e 17 de maio. Precisamente esta asociación ten previsto a utilización deste espazo aledaño ao Coche de Pedra, entre outros, para a celebración deste evento ca colocación de automóbiles e motos clásicos, tendo constancia o noso grupo de que a asociación ten autorización por escrito do concello para o uso deste espazo.
Evidentemente, dada a magnitude destas obras, non estarán rematadas antes do 16 de maio e a zona estará intransitable e en pésimas condicións para calquer celebración, e aquí é onde vemos o motivo polo que se comezaron neste punto as obras, que non é outro que torpedear dende o goberno municipal a celebración da FEGACLASIC polas desavenencias que algúns membros deste goberno tiveron ca asociación cesureña Mirándolle os Dentes usurpándolle a organización da Feira do Automóbil de Ocasión e encargándolle esta a unha empresa de Vigo por unha descomunal cantidade de euros.
Dende o goberno municipal, despois do estrepitoso fracaso da “súa” feira do automóbil aínda que algúns non o queiran ver, intentan boicotear a FEGACLASIC sexa como sexa e agora ocórreselle iniciar as obras do FEIL coincidindo en datas e lugares con esta feira.
Para o BNG esta extrana coincidencia é fruto dunha actitude revanchista da que responsabilizamos directamente á alcaldesa Maribel Castro e ó concelleiro de obras Rafael Randulfe, e temos que reiterar que as actitudes dos membros do goberno municipal nos seguen a recordar tempos pasados de autoritarismo e caciquismo no noso pobo.
Pontecesures, 8 de maio de 2009
GRUPO MUNICIPAL DO BNG DE PONTECESURES

Máis prepotencia

2009-05-03T01:22:00.000-07:00

Nas derradeiras semanas estase a colocar nas rúas centrais de Pontecesures o novo alumeado público por parte da empresa SETGA, este novo alumeado caracterízase por atravesar a rúa de lado a lado con enganches nas fachadas particulares dos veciños. O responsable de solicitar aos particulares o permiso para enganchar nas súas fachadas foi o tenente de alcalde Rafael Randulfe do partido popular. Para sorpresa do noso grupo este individuo non falou con ninguén, facendo á calada os enganches sen falar cos propietarios, o BNG ten coñecemento incluso de ameazas a propietarios, enganos e outras falcatruadas para realizar os enganches. Tamén nos consta que hai veciños que xa solicitaron que se saquen os enganches e os cables da súa fachada.
Para nós isto é incomprensible xa que houbo tempo de sobra para falar cos propietarios. A prepotencia de Randulfe non estraña a ninguén porque o pobo ben o coñece; isto recordanos a actitudes doutras épocas. Xa no pleno de aprobación da colocación deste novo alumeado o BNG preguntou ao goberno municipal sobre se os particulares deran o seu permiso para os enganches, respondendo Randulfe coa súa prepotencia e arrogancia habitual que todo estaba arranxado cando en realidade non fixera nada de nada.
Tamén nos sorprende a actitude da alcaldesa Maribel Castro que dí non saber do asunto como se fose alcaldesa doutro pobo, teríamos que preguntarnos para que cobra a cantidade de 40.000 Euros ao ano se coma ela mesma dí non se entera de nada.

Pontecesures, 30 de abril de 2009
GRUPO MUNICIPAL DO BNG DE PONTECESURES

Reprobar: non aprobar, dar por malo

2009-03-28T03:30:00.000-07:00

ATT. DA SRA. ALCALDESA-PRESIDENTA DO CONCELLO DE PONTECESURES

MOCIÓN DO BLOQUE NACIONALISTA GALEGO DE PONTECESURES

Margarita Carolina García Castro, Manuel Luís Álvarez Angueira, Cecilia Tarela Barreiro, Xosé Antonio Baliñas Pazos e Arturo Ferro González; concelleiros do Grupo Municipal do BNG de Pontecesures apresenta a seguinte moción para ser tratada na Sesión Plenaria do día 30 de marzo de 2009.

Exposición de motivos:
O domingo 1 de marzo na mesa electoral B, no colexio de Pontecesures, o representante do PP e ao mesmo tempo 1º Teniente Alcalde do concello de Pontecesures, Rafael Randulfe, foi sorprendido introducindo unha papeleta do PP nun sobre que lle deu a un veciño para que votase. Este feito foi visto polos interventores de todos os partidos así como por os membros da mesa electoral.

Tanto os interventores do PSOE como do BNG aprensentaron denuncia ante a Xunta Electoral Provincial a fin de que se tomen as medidas oportunas.

Este feito, moi grave, constitúe un atentado á democracia, un desprezo aos membros da Mesa e ao interventores. Pero non só este feito é o único atropello á democracia e ás normas que rixen os proceso electoral, senón que o propio sábado, na xornada de reflexión, o Sr. Randulfe foi visto repartindo votos polas vivendas, cando esta práctica está claramente prohibida.

O BNG considera que o comportamento do Sr. Randulfe non debe quedar impune e por iso acudimos á Xunta Electoral para que prácticas como esta se erradiquen para sempre no noso pobo.

O talante antidemocrático deste tenente alcalde constitúe unha mostra de prepotencia e de non respecto da lei electoral, e consideramos que esta actitude, por saúde democrática, debe ter as súas consecuencias, tanto as que deba tomar pola sua parte a Xunta Electoral, como de caracter político, e polo tanto dende o Grupo Municipal do BNG solicitamos ao Pleno da Corporación a reprobación ao Sr.

Randulfe como Tenente Alcalde e como concelleiro, pois se mofa das leis e do respecto democrático. Nós preguntámonos, se é capaz de facer isto diante dos membros dunha mesa electoral e dos interventores, que fará no concello?

En consecuencia, o grupo municipal do BNG solicita do Pleno da Corporación Municipal a adopción do seguinte:
ACORDO

1.Reprobación por parte do Pleno da Corporación do Concello de Pontecesures ao 1º Tenente de Alcalde D. Rafael Randulfe Vieites polos feitos sinalados na exposición de motivos, levados a cabo nos dias 28 de febreiro e 1 de marzo.

Pontecesures, 27 de marzo de 2009

Marcianos

2009-03-14T07:29:00.000-07:00

Yo creo que los arousanos no somos terráqueos. Somos marcianos. En serio. Raros, raros. Unos militantes del PSOE, algunos muy conocidos y mega locuaces, firman un manifiesto por la renovación de su partido y en contra de la imposición lingüistica (do dicen así textualmente) del gallego. El documento es público y es noticia. Pues en Arousa, algunos de los que firmaron el manifiesto, aunque lo hicieron poniendo sus nombres y apellidos, parece que ahora se avergüenzan de que se sepa y van de guais en los foros de Internet haciéndose los interesantes. “He salido en la prensa y no sé por qué”, dice una. Pues porque has firmado, chica. De marcianos. Pero el colmo de lo extraterreste ocurre en Pontecesures. Ese concello cuya alcaldesa logro un concejal solo en las elecciones pero se hizo con el bastón de mando gracias a que Sabariz pasó del PSOE, lista que encabezaba, y pactó con el PP un gobierno de mogollón. Ahora también en Cesures, como la asociación organizadora de la feria del automóvil se lleva mal con el Ayuntamiento, uno y otro han decidido hacer dos ferias diferentes. Una en abril y otra en mayo. De chiste. Lo que aquí hace falta es una feria del platillo volante.
Artículo “Entre Líneas”. Xurxo Melchor. LA VOZ DE GALICIA, 14/03/08

Voltamos a prácticas desterradas

2009-03-05T10:54:00.000-08:00

O BNG de Pontecesures quere comunicar á cidadanía uns feitos que considera graves e lamentabeis.

O domingo 1 de marzo na mesa electoral B, no colexio de Pontecesures, o representante do PP e ao mesmo tempo 1º Teniente Alcalde do concello de Pontecesures, Rafael Randulfe, foi sorprendido introducindo unha papeleta do PP nun sobre que lle deu a un veciño para que votase. Este feito foi visto polos interventores de todos os partidos así como por os membros da mesa electoral.

Tanto os interventores do PSOE como do BNG apresentaron denuncia ante a Xunta Electoral Provincial a fin de que se tomen as medidas oportunas.

Este feito, moi grave, constitúe un atentado á democracia, un desprezo aos membros da Mesa e ao interventores. Pero non só este feito é o único atropello á democracia e ás normas que rixen os proceso electoral, senón que o propio sábado, na xornada de reflexión, o Sr. Randulfe foi visto repartindo votos polas vivendas, cando esta práctica está claramente prohibida.

O BNG considera que o comportamento do Sr. Randulfe non debe quedar impune e por iso acudimos á Xunta Electoral para que prácticas como esta se erradiquen para sempre no noso pobo.

O talante antidemocrático deste teniente alcalde constitúe unha mostra de prepotencia e de non respecto da lei electoral, e consideramos que esta actitude, por saúde democrática, debe ter as súas consecuencias, tanto as que deba tomar pola sua parte a Xunta Electoral, como de caracter político, e polo tanto dende o BNG esiximos que o Sr. Randulfe presente a súa dimisión como Teniente Alcalde e como concelleiro, pois se mofa das leis e do respecto democrático. Nós preguntámonos, se é capaxz de facer isto diante dos membros dunha mesa electoral e dos interventores, que fará no concello?

Asamblea local BNG de Pontecesures

2009-02-18T06:08:00.000-08:00

Eu tamén son Anxo Quintana

2009-02-18T06:04:00.001-08:00

Apareceu o que faltaba

2009-02-13T10:58:00.000-08:00

Eu son Anxo Quintana

2009-02-13T07:35:00.000-08:00

Con valentía, sen ataduras

2009-02-13T07:33:00.000-08:00

Reggaeton Quintana

2009-02-13T06:49:00.000-08:00

Arranca a campaña das autonómicas

2009-02-13T06:18:00.000-08:00

Esta noite deu comezo a campaña electoral para as eleccións autonómicas e concelleiros, afiliados e simpatizantes do BNG de Pontecesures participaron na xa tradicional pegada de carteis con Álvarez Angueira ao frente.

O desgoberno municipal torpedea a III Feira do Automóbil

2009-02-11T07:29:00.000-08:00

O BNG de Pontecesures, a raíz da controversia xurdida respecto á III Feira do Automóbil, quere manifestar o seguinte:
É bochornoso que o Concello de Pontecesures pretenda usurpar a organización deste evento á asociación “Mirándolle os dentes”, sendo esta a que leva dende a 1ª edición desta feira, no ano 2007, levándoa a cabo cun éxito de afluencia de xente e organizativo moi importante que superou con creces calquer expectativa prevista tanto no ano 2007 como no pasado 2008. Os membros desta asociación traballaron de forma incansable para que esta feira resultara o máis lucida posible xestionando con outras asociacións a súa presenza en Pontecesures, encargándose eles mesmos de traer os seus vehículos, organizando nas dúas edicións o mercado de compraventa de pezas de recambio para vehículos clásicos, buscando apoios económicos en difetentes organismos da administración, aportando incluso cartos propios e, en definitiva, facendo todo tipo de traballo organizativo para que a Feira do Automóbil recuperara o esplendor que tivo no pasado nas distintas edicións dende 1925 ata hoxe; tratando de facer desta feira patrimonio dos veciños de Pontecesures.
Da primeira edición, no ano 2007 e gobernando o BNG en Pontecesures, podemos dar fe da implicación desta asociación na feira, pola contra este novo goberno está a actuar sempre ca premisa de dividir aos veciños –ou estas conmigo ou contra min-, e asi quere poñer a Feira do Automóbil coincidente ca Festa da Lamprea (nos cremos que é para tapar carencias na organización da Lamprea) en contra do criterio dos verdadeiros impulsores da feira que plantexan como datas os días 16 e 17 de maio, en datas distintas ás da Festa da Lamprea.
É lamentable que o Equipo de Goberno, sendo coñecedor da proposta de datas da Asociación Mirándolle os dentes, xa que estos presentaron a súa proposta por escrito no concello fai xa máis de 15 días solicitando a colaboración do concello, ningunee a esta asociación propoñendo agora outras datas para a feira, e todo isto por revancha contra os membros da asociación.
O BNG sempre foi partidario de facer a Feira do Automóbil en datas distintas ás da Festa da Lamprea xa que a F. do automóbil é un evento que se sustenta por sí mesmo sen necesitar adósalo a outras celebracións e así quedou demostrado na edición do ano 2008 na que o éxito de afluencia veu dado máis pola Feira do Automóbil que pola Festa da Lamprea. Por outra banda, consideramos o beneficio que suporía para o pobo en xeral e para a hostelaría en particular ter 2 fins de semana con celebracións e non 1 como pretende o goberno municipal.
Dende o BNG queremos manifestar o noso compromiso coa asociación Mirándolle os dentes para traballar e buscar recursos económicos para que a 3ª edición da Feira do Automóbil Antigo de Pontecesures, nos días 16 e 17 de maio sexa un éxito e un referente na historia do noso concello.
Os actuais gobernantes de Pontecesures pretenden, unha vez máis, tapar, dividir e ningunear a aqueles que teñan iniciativas para o beneficio do pobo.
Pontecesures, 6 de febreiro de 2009
Asdo.- GRUPO MUNICIPAL DO BNG DE PONTECESURES.

Ola de roubos no noso pobo e o desgoberno municipal non fai nada

2009-01-24T02:34:00.000-08:00

Non queren nin comedor escolar nin Centro de día

2008-12-27T00:53:00.000-08:00

O BNG de Pontecesures lamenta a insensibilidade mostrada polo "equipo de desgoberno" de Pontecesures cos maiores e cativos ao rechazar no pleno celebrado o luns día 22 as propostas apresentadas polo Grupo Municipal do BNG.

O Grupo Municpal apresentou tres posibles infraestructuras para seren financiadas con cargo ao Fondo Estatal de Inversión Local, que ten previsto dotar ao noso concello con 555.000 € e que consisten na construción dun comedor escolar dentro do recinto escolar do CPI Pontecesures, na construcción dun centro de día e na construcción dun paso elevado peonil sobre a N-550 que comunique o camiño de San Xulián coa rúa do Pilar.

No pleno cadanseu grupo politico esgrimíu diferentes argumentos para votar en contra das propostas feitas polo BNG, desde a incompetencia do concello para acometer as obras con cargo a este fondo, pasando porque a premura das mesmas era incompatibel coa solicitude de permisos a outras administracións, porque as obras propostas as poden facer outras administracións, ou, simplemente, como rematou asegurando Sr. Randulfe porque "nós temos pensado outras e son estas a que se van facer e punto".

O BNG maniféstase contrario a que a Consellaría de Educación coloque no recinto escolar un comedor prefabricado, argumentado falla de orzamento para un comedor de características similares ás que contan a gran maioría dos comedores escolares de Galiza e non comprende como desde o actual desgoberno municipal se acepta un comedor deste tipo para o que ainda propón poñer fondos propios. A comunidade educativa de Pontecesures, sobre todo os pais e nais representados pola ANPA tamén manifestaron ao concello e ao delegado provincial a súa oposición a este tipo de instalación. Así pois dende O BNG propoñemos que con cargo a estes fondos se acometa a construcción un comedor escolar de calidade, que en calquera caso será con fondos públicos estatais e non con fondos propios do concello.

Ao negarse a que esta obra se inclúa no plan non só se está a votar en contra do BNG local senón que se está a dar nas narices dos pais e nais, presentes e futuros, que verán como nun futuro próximo non contarán cun servizo educativo complementario da calidade que merecen.

No caso do Centro de Día lamentamos o desinterese que amosou e amosa o tripartito por esta infraestrutura, ao noso xuízo, necesaria e cada vez máis demandada polos nosos veciños, que xa na actualidade teñen que usar o servizo que ofrece o centro do concello de Valga (nestes momentos acolle xa a catro usuarios de Pontecesures e non acceden máis porque xa está completo). O BNG puxo de manifesto na sesión plenaria que chegando case á metade da lexislatura o goberno municipal non tivera realizado ningunha xestión diante do Consorcio para que o Centro de Día fose unha realidade canto antes, feito que recoñeceu o tripartito poñendo peros a esta infraestrutura polo seu custo de construcción e incluso do posterior mantemento.

O perigo que supón o paso diario de peóns entre o centro do pobo e San Xulián eliminarase totalmente coa instalación dun paso elevado a xuízo do BNG, e así tamén foi recoñocido polo tránsfuga Sabariz. A administración de carreteras non acomete esta infraestructura porque o Sr. Sabariz non a quere, porque di que lle molesta preto da súa vivenda. Resulta bochornoso, coa cómplicidade dos seus socios de desgoberno, que se antepoñan os intereses particulares do Sr. Sabariz á seguranza dunha gran parte de veciños que teñen que facer diariamente este camiño.

Ao xuízo do BNG calquera destas obras pode ser incluida no Fondo Estatal de Inversión Local se o tripartito mostrase interese por elo, pero teñen demostrado que non lle interesan e non queren levar a cabo infraestructuras que propoña o BNG por moi necearias que estas sexan.

Adiante coas obras

2008-12-20T01:58:00.000-08:00

O Grupo Municipal do BNG de Pontecesures felicítase porque a Xunta de Galiza, a través da Consellaría de Medio Rural e incluido no plan denominado Proxecto Estratéxico de Infraestruturas no Medio Rural (PEIM Rural)) contempla para o bienio 2009-2010 un investimento de 120.990 € para realizar actuacións en convenio de colaboración co concello de Pontecesures. Non obstante esta cantidade constitúe unha previsión orzamentaria que pode ser incrementada ou diminuida nos respectivos exercicios.

O obxectivo principal do PEIM Rural 2009-2010 é a dinamización da base produtiva do medio rural dignificando e mellorando a calidade de vida da poboación que reside nestas zonas e contribuíndo a fixar poboación.

Pódense incluir dentro deste Programa obras de infraestruturas de servizos básicos elementais, como abastecemento de auga domiciliaria, saneamentos, camiños agrícolas e pistas rurais, así como aqueles proxectos singulares que entren dedntro da competencia de Medio Rural.

A consellaría de Medio Rural tenta primar precisamente o medio rural con especial incidencia nas zonas máis deprimidas tendo en consideración o carácter agrícola, gandeiro ou forestal dos distintos concellos, e aplicando baremos como o grao de despoboamente e envellecemento, a poboación rural, a dispersión dos núcleos e entidades de poboación xunto coa extensión territorial. Tendo en conta as caracteríticas do noso concello, o grupo municipal do BNG está satisfeito coa cantidade que lle pode corresponder a Pontecesures.

No pleno ordinario de novembro o Grupo Municipal de BNG propuxo unha serie de obras moi necesarias e moi demandadas polo vecindario para que se acometeran con cargo aos fondos do PEIM, que en síntese trátase do saneamento dende o cruce da pista de Carreiras coa do Couto ata a intersección coa rúa do Ensanche, do pavimentado e ampliación da pista de Carreiras a Condide pasando polo Couto, da pavimentación e ampliación da pista que comunica os núcleos rurais de Grobas e Fenteira, do ancheamento e nova pavimentación da rúa do Coengo en San Xulián e no acondicionamento da zona da rúa do Caldeirón de Arriba, en Porto. Lamentamos a actidude do tripartito no devandito pleno ao "botarr abaixo" estas obras cando todas elas teñen perfecta cabida no PEIM Rural 2009-2010 e se pode contar cos case 121.000 € que a Xunta de Galiza ten previsto investir en Pontecesures

O BNG de Pontecesures espera que o equipo de goberno recapacite e reconsidere a proposta de obras, en todo ou en parte, feita polo BNG a incluir neste PEIM 2009-2010 dado que se pode contar cunha importante cantidade para estes fins.Os veciños están a demandar estas actuacións e sería lamentable que por ser o BNG quen as propoña o equipo de goberno mire para outro lado e non AS acometa.

Obras moi necesarias

2008-12-11T11:48:00.000-08:00

Dna. Margarita C. García Castro, Dna. Cecilia Tarela Barreiro, D. Manuel Luís Álvarez Angueira, D. Xosé Antonio Baliñas Pazos e D. Arturo Ferro González; membros da Corporación e pertencentes ó Grupo Municipal do Bloque Nacionalista Galego de Pontecesures,

EXPOÑEN:

Por mor da crise, o goberno do Estado ven de aprobar un fondo adscrito ao Ministerio de Administracións Públicas (MAP) de 8.000 millóns de euros, que se van repartir proporcionalmente entre todos os concellos do Estado en función da poboación, correspondéndolle ao concello de Pontecesures polos seus 3.139 habitantes, ata un máximo de 555.566 euros.

Segundo o Real Decreto-Ley 8/2008, de 28 de noviembre, as obras financiabeis van desde a adecuación, rehabilitación ou mellora de espazos públicos urbanos, á promoción industrial, equipamentos e infraestruturas de servizos básicos nas redes viarias, de saneamento; a construcción, adecuación, rehabilitación ou mellora de edificios, equipamentos sociais, culturais e deportivos, até a construción, adecuación, rehabilitación ou mellora da rede de abastecemento de auga potabel e tratamento de augas residuais. Serán en todo caso, obras que non estivesen xa incluidas no orzamento municipal de 2009 (orzamento que a día de hoxe non existe) e de execución inmediata.

O BNG considera que debe ser o pleno da Corporación quen formule esa proposta de obras e que se debe aproveitar o financiamento derivado deste plan para poñer en marcha actuacións que permitan asentar e mellorar os servizos públicos estendendo e ampliando a rede de servizos sociais, educativos e de seguranza vial, como una boa arma para cubrir as necesidades dos que máis o necesitan en épocas de crise como a que vivimos.

Por este motivo,

SOLICITAN:
A celebración dunha sesión extraordinaria do Pleno, ao abeiro do art. 46 .2 a) da Lei de Bases de Rexime Local, para a aprobación do seguinte
ACORDO
Incluir dentro da proposta para o denominado Fondo Estatal de Investimento Local as seguintes obras.
1. Construción dun comedor escolar dentro do recinto escolar.
2. Construción dun Centro de Día para os nosos maiores no terreno das antigas casas de Mestres.
3. Construción dun paso peonil elevado que una o camiño de San Xulián coa rúa do Pilar.
Pontecesures, 11 de decembro de 2008

Ampliación de retranqueo e muro

2008-11-18T02:01:00.000-08:00

ATT. DA SRA. ALCALDESA-PRESIDENTA DO CONCELLO DE PONTECESURES

Margarita Carolina García Castro, Manuel Luís Álvarez Angueira, Cecilia Tarela Barreiro, Xosé Antonio Baliñas Pazos e Arturo Ferro González; concelleiros do Grupo Municipal do BNG de Pontecesures,
EXPOÑEN:
Que se están a levar a cabo as obras de ampliación e retranqueo de muro na pista que une os lugares da Toxa e Carreiras cun custo de 23.635,70 € e que esta ampliación e retranqueo non vai a afectar á totalidade do vial, xa que a actuación comtemplada non chega ata a intersección que leva ao Cruceiro de Carreiras quedando uns 40 metros sen ampliar.
O BNG considera que é necesario, unha vez que se acometen estas obras no lugar, ampliar esta pista na súa totalidade, xa que senón o único que se orixinaría sería un embudo para a circulación de vehículos.
Polo exposto,
SOLICITAN:
Que o tramo aproximado de 40 metros de ampliación que non está contemplado nesta obra sexa icluído na relación de obras a solicitar á Consellería de Medio Rural sinaladas na moción apresentada polo noso Grupo Municipal o pasado 8 de novembro, para tratar na sesión plenaria do 24 de novembro.

Pontecesures, 15 de novembro de 2008

Despilfarro

2008-11-16T02:49:00.000-08:00

O BNG quer manifestar acerca do pleno extraordinario celebrado no día de onte o seguinte:
1.- Non entendemos a convocatoria extraordinaria deste pleno xa que o vindeiro 24 ( en menos de dez días) celébrase o pleno ordinario bimensual, polo que aforrábase o custe diste pleno extraordinario, tanto no que respecta ao procedemento administrativo correspondente como ao custe económico das asistencias ao mesmo.
Só se pode explicar pola desidia deste desgoberno municipal que continuamente está a deixar os asuntos de importancia para o último momento e logo se ven abocados por problemas de prazos a convocar plenos extraordinarios sen importarlle para nada o seu custe.
2.- No 3º punto do pleno debateuse o convenio para mellora do alumeado público na rúa central do pobo cun custe de preto dos 240.000 €. O BNG alégrase de que por fin, e logo de moitas denuncias públicas, se arranxen os problemas de alumeado nesa zona que están a ser continuos. Sen embargo, nós , decatámonos que dentro deste investimento inclúese tamén sustituir o alumeado da zona central (rúa San Lois-A Prazuela), o que nos parece un auténtico despilfarro, xa que este alumeado é novo, apenas 6 anos, cunhas farolas ao noso xuízo moi axeitadas ao entorno histórico no que se atopan.
Cos cartos que se aforrarían deixando estas farolas como actualmente están, poderíase mellorar o alumeado público no medio rural xa que este atópase nun total estado de abandono, privando aos veciños de zonas como Carreiras, Porto, San Xulíán, Grovas, etc, dun servizo municipal básico.
Lamentamos que este desgoberno da Sra. Castro do do Sr. Randulfe, non atendera a nosa petición feita no pleno de onte xa que suporía un importante aforro, nestes momentos de crise económica xeralizada.
Consello Local BNG

Que risa, que mentireiro

2008-11-09T02:42:00.000-08:00

Contra a violencia de xénero

2008-11-08T03:01:00.000-08:00

GRUPO MUNICIPAL DE PONTECESURES

25 DE NOVEMBRO, DÍA INTERNACIONAL CONTRA A VIOLENCIA DE XÉNERO

EXPOSICIÓN DE MOTIVOS
O 25 de novembro, Día Internacional Contra a Violencia de Xénero, ten que ser unha data de compromiso dos gobernos co conxunto de organizacións sociais e da cidadanía en xeral para a sensibilización e a actuación respecto do grave problema que constitúe a violencia machista.
É, pois, unha data para a denuncia activa de toda a sociedade en contra da violencia que se exerce contra as mulleres en razón do seu xénero.
Todas, todos, podemos facer algo contra a violencia machista
Os cambios e avances no tratamento legal da violencia de xénero, os recursos creados para atender as mulleres en situación de violencia de xénero, as campañas de sensibilización e os pasos que se deron para avanzar na consolidación dos dereitos das mulleres son necesarios para loitar contra este fenómeno, mais é necesario optimizar o seu uso e achegalos con maior eficacia ás mulleres.
Por outro lado, a prioridade das accións políticas que se dirixen á atención das mulleres que padecen a violencia machista é tal que non deben verse influídas por conxunturas económicas, antes ben, poñen en evidencia a necesidade de atender con maior eficacia á hora de prestar os recursos, aínda en momentos de crise.
O papel que teñen os Concellos é fundamental, pois desde eles pódese garantir a atención, o acceso aos recursos e a prevención directamente. Así poden constituírse en modelo para todas as veciñas e veciños na actuación eficaz e posta en marcha de políticas de intervención reais e que sexan eficaces á hora de mentalizar na prevención da violencia e actuar coordenada e axilmente ante situacións deste tipo.
Este compromiso é fundamental á vista das cifras de denuncias realizadas e cifras de casos concretos de violencia que en moitas ocasións acaban coa vida das mulleres a mans das súas parellas ou ex-parellas.
É necesario implicar o conxunto da cidadanía, trasladarlle a información actualizada, e corresponsabilizar os axentes sociais para que poidan intervir directamente sobre os casos que se puiderem dar, porque tratándose dun problema de carácter social, imbricado nos valores sociais existentes e cun carácter estrutural, que ten as orixes nas relacións de poder historicamente desiguais entre homes e mulleres, precisa de medidas artelladas desde a propia sociedade.
Temos que construír unha sociedade onde o centro sexan as persoas, sen distinción de sexo, e igualitaria.
É por isto polo que cómpre a implicación de todas as administracións, tamén das municipais, no desenvolvemento de actuacións encamiñadas a previr e paliar esta situación. E son tamén os Concellos quen poden artellar mecanismos de responsabilización e implicación de toda a cidadanía para acabar coa violencia machista.
En consecuencia o grupo municipal do BNG solicita do Pleno da Corporación Municipal a adopción do seguinte
ACORDO
Mellorar a efectividade das accións contra a violencia de xénero a través da creación de protocolos locais e/ou comarcais que incorporen os recursos sanitarios, sociais, educativos e de seguridade, e que teñan como finalidade axilizar o acceso á atención e aos recursos para as mulleres que padecen a violencia machista.

Pontecesures, 8 de novembro de 2008

Obras urxentes reclamadas polo vecindario

2008-11-08T02:57:00.000-08:00

ATT. DA SRA. ALCALDESA-PRESIDENTA DO CONCELLO DE PONTECESURES

MOCIÓN DO BLOQUE NACIONALISTA GALEGO DE PONTECESURES

Margarita Carolina García Castro, Manuel Luís Álvarez Angueira, Cecilia Tarela Barreiro, Xosé Antonio Baliñas Pazos e Arturo Ferro González; concelleiros do Grupo Municipal do BNG de Pontecesures apresenta a seguinte moción para ser tratada na Sesión Plenaria do día 24 de novembro de 2008.

Exposición de motivos:

O BNG considera que é necesario acometer unha serie de obras moi reclamadas polos veciños:

• Saneamento dende o cruce da pista de Carreiras coa do Couto ata a intersección coa Rua do Ensanche. Debido á escasa sección e atranco do tubo existente (que encauza o regato de Carreiras) os desbordamentos en épocas de choivas son moi numerosos, afectando a moitos veciños provocando danos materiais en varias vivendas. Cremos que é necesario sustituir todo este traxecto con tubería de maior sección, ademáis colocar tubería para recollida de augas fecais.

• Pavimentado e ampliación da pista de Carreiras a Condide pasando polo Couto. Esta pista atópase en moi mal estado con pavimento irregular que pode provocar algún que outro accidente. Tamén considerase darlle máis anchura na parte de Condide.

• Pavimentación e ampliación da pista que comunica os núcleos rurais de Grobas e A Fenteira. O abandono destes lugares é manifestó polo que consideramos que é necesaria una actuación ínmediata para anchear a pista e quitarlle as curvas que actualmente ten.

• Ancheamento e novo pavimentado da Rúa do Coengo (San Xulián). Esta rúa actualmente é moi estreita e ten una curva moi cerrada polo que se fai necesario un retranqueo para eliminar a curva e anchear o vial.

• Acondicionamento da zona da rua do Caldeirón de Arriba: Separativos de pluviais e fecais, retranqueo e acondicionamento de muros existentes e acondicionamento integral da plazoleta. Consideramos que esta zona de Porto atópase tamén nun estado de abandono por iso é necesaria tamén una actuación urxente.
En consecuencia, o grupo municipal do BNG solicita do Pleno da Corporación Municipal a adopción do seguinte:

ACORDO

1. Solicitar á Consellería de Medio Rural a execución destas obras tan demandadas polos veciños de Pontecesures.

Pontecesures, 8 de novembro de 2008

Enganador

2008-10-29T04:26:00.000-07:00

Na noite do mércores anterior á investidura de alcalde, o Sr. Sabariz saíu en Tele Salnés dicindo que inda non tiña decidido o cambio de alcalde por alcaldesa. Mentireiro total porque a decisión estaba totalmente tomada.

2008-10-11T05:59:00.000-07:00

O BNG de Pontecesures quer manifestar acerca das noticias aparecidas nos medios de comunicación no tema da investigación sobre o suposto consumo irregular de gasóleo na lexislatura anterior o que a continuación segue.
A sentenza da Audiencia Provincial o que fai é únicamente ordearlle á xuiza de primeira instancia do xulgado de Caldas a iniciar as investigación oportunas para esclarecer se houbo ou non irregularidades no consumo do gasóleo. Non hai ninguén procesado e moito menos culpable, por eso indígnannos os comentarios vertidos nos medios polo Sr. Sabariz, nos cales xa condena ao ex alcalde Angueira e ao encargado municipal Xurxo Gerpe.
Extráñanos a publicidade feita por Sabariz desta petición da Audiencia Provincial e que non a fixera en cambio dos autos xudiciais anteriores os cales archivaban e exculpaban totalmente tanto a Angueira como a Xurxo Gerpe. Ante estos autos, tanto Rafael Randulfe (PP) como Sabariz estiveron caladiños e procuraron que os veciños de Pontecesures non estiveran informados deste asunto.
É moi doado facer demagoxia con estes temas e informar intencionadamente á cidadanía no momento que pensamos que nos é favorable. O BNG recorda que o proceso de investigación segue o seu curso e cando este remate será o momento de facer as valoracións oportunas. Deixemos que a xustiza faga o seu traballo e esperemos que este proceso remate o antes posible.
Está claro que o Sr. Sabariz segue obsesionado con Angueira, e o que pretende facer con todo isto é intentar xustificar o que fixo o día do pleno de investidura no cal traicionou a todo un pobo. Para nos en política non todo vale aínda que algún utilizan os medios máis rastreros para conseguir o seu fin. Aplican a máxima do “todo vale”.
Consello Local BNG Pontecesures

Preguntas e rogos pleno de Setembro 2008.

2008-10-02T11:34:00.000-07:00

A continuación facemos unha valoración do pleno ordinario de Setembro 2008, incluindo as preguntas e rogos do BNG e unha valoración das respostas.

Que noticias teñen sobre o mantemento do Centro Médico de Pontecesures e do CPI de Infesta a cargo da administración autonómica. ¿Vai a facerse cargo deste mantemento a Xunta de Galicia e cando?

Resposta o Sr Sabariz que non sabe nada novo más que o coñecido por todos do convenio da Xunta de Galicia coa FEGAMP, no que acordaran empezar polos concellos máis pequenos, pero dende a sinatura do convenio non tiveron novas sobre o tema.

O Sr. Randulfe informa que él si ten noticias, que ten dende hai uns día un escrito da Xunta de Galicia para asinar un posible convenio entre as dúas administracións (Xunta e concello) pero inda non o estudiou como é debido.

É evidente a falla de comunicación entre os membros do goberno, alomenos nestes asuntos, cando un afirma que non sabe nada e o outro afirma que teñen escrito no concello dende hai uns días. Dan a entender que se ocultan información e por eso o Sr. Sabariz se pasa no concello ata altas horas da noite (buscando a información que os seus compañeiros de desgoberno non lle facilitan).

¿Cando van a convocar a praza de auxiliar adminsitrativo e de que tipo vai ser esta convocatoria?

O Sr. Randulfe que non entende a que nos referimos. Se lle aclara se pretenden convocala como funcionario de carreira ou como persoal interino.

O Sr. Randulfe apenas sabe que contestar, máis que tiveron que esperar a aprobar os orzamentos, e intervén o Sr. Sabariz afirmando que probablemente convoquen incialmente como interino e logo como definitiva porque lle urxe moito unha persoa, xa que están desbordados de traballo e o procedemento administrataivo é moito máis curto, máis áxil e máis simple.

Dende o BNG manifestamos estar en contra desta decisión porque dende o mes de abril que foi publicado no BOP a oferta desta praza, tiveron tempo máis que suficiente para iniciar os trámites administrativos e convocar a praza de forma definitiva e con todas as garantías. Asimesmo o Sr. Randulfe vinculaba esta decisión a ter aprobados os orzamentos de 2008 cando na realidade non teñen nada que ver neste tema, dado que a praza foi consignada nos orzamento de 2007, polo que a xuizo do BNG o único que mostra esta actitude é desidia por parte do desgoberno tripartito.

Dende O BNG rógase que os semáforos permanezan acendidos con luz ámbar durante unhas horas axeitadas e non o que está a pasar agora que ás 8 da mañán e ás 9 da tarde-noite se pasan do funcionamento normal a luz ámbar, e a esas horas hai un tráfico considerable e causa problemas na circulación no cruce de A Estrada.

O Sr. Randulfe, que preside a corporación, non opina sobre este asunto e intervén o Sr. Sabariz recoñecendo o exposto polo BNG e desmarcándose dos seus socios do goberno porque el manifesta que prefire que seguiran a funcionar como o estaban facendo antes, dun xeito normal as 24 horas. Non obstante recoñece, o que verdadeiramente nos sorprende, que un mecanismo para regular automáticamente o cambio de funcionamento habitual a ámbar custa moi pouco. E nos sorprende, como sendo así esto non se teña solucionado antes cando dende o BNG xa se tiña feito público o malestar dos veciños polo anomal funcionamento da regulación semafórica.

Dende o BNG agardamos que esta situación se corrixa inmediatamente

O alumeado público sigue fallando e esta situación xa foi posta en coñecemento polo BNG en varias ocasións, tanto nos medios como no pleno, e a situación sigue exactamente igual. ¿Cando pensan solucionar as deficiencias de xeito definitivo?

Contesta o Sr. Randulfe que o problema é que o alumeado é da época de Piñeiro Ares e que polo tanto está obsoleto (vennos a dicir que non é problema del), pero que non obstante está a facer xestións coa Deputación de Pontevedra para renovar toda a instalación dende a Praza de Pontevedra ata o final da rúa Victor García.

Dende o BNG vemos ben que se xestione esa inversión da Deputación e se renove o alumeado na calle principal do pobo, pero entendemos que esto non é de hoxe senón que se leva denunciando dende hai tempo e que non fan absolutamente nada, os veciños están a protestar continuamente e con razón e ademáis estas carencias do alumeado non son únicamente as das rúas centrais do pobo senón que tamén se están a producir noutros moitos lugares do pobo.

Intervén o Sr. Sabariz explicando que é verdade o que denuncia o BNG pero botándolle a culpa á empresa encargada do mantemento das instalacións eléctricas para o concello. Que eles están cansos de comunicarlle todas estas avarías, pero que recoñece que a empresa non pode máis, que fai o que pode, que si é unha empresa de Pontecesures con poucos traballadores, que si non dispón dos medios suficientes, que si traballaba xa no goberno anterior, e en fin que toca aguantar co que hai.

Dende logo as explicacións dadas por Sabariz parecen inauditas, evadindo as súas responabilidades e culpando á empresa Doselco.

Tamén foi denunciado xa en varias ocasións o estado da rede da pista de tenis do peirao e sigue a estar nunha condicións moi perigosas para quenes usan esas instalacións. ¿E que non pensan facer nada e só esperan a actuación na zona de Portos de Galicia?

O Sr. Randulfe dicindo únicamente que Portos de Galicia ten pensado colocar na zona en cuestión unha especie de almacéns e que polo tanto non se vai gastar diñeiro nunha rede nova par que logo veña Portos e a inutilice, afirmando que antes de rematar o ano xa actuará Portos na zona.

Inmediatamente o Sr. Sabariz admite que o problema existe e que realmente hai perigo para os usuarios, que xa se reparou en varias ocasións pero que non están dispostos afrontar un gasto nunha rede nova cano vai intervir Portos na zona. Sabariz contradice o dito polo Sr. Randulfe de que portos vai por uns almacéns nese punto eliminando asi as actuais instalacións deportivas, afirmando que él cree que Portos vai acceder a manter e mellorar as instalacións tal como se lle pedíu polo Pleno cando se analizou o anteproxecto presentado por Portos (a iniciativa do BNG), e que haberá que analizar e discutir polo pleno o proxecto cando o presenten.

Polo BNG se expón que se pensa que esta actuación de Portos vai ir moito máis alá deste ano e que polo tanto subsanen agora as deficiencias da pista para non por en perigo aos usuarios da mesma.

Gustaríanos saber que xestións teñen feito diante doutras administracións para dotar a Pontecesures dun Centro Sociocultural.

Resposta o Sr. Randulfe que ningunha, que como non saben donde poñelo que inda non fixeron ningún tipo de xestións.

Sabariz cala nesta ocasión.

O BNG lamenta que unha infraestructura tan necesaria para o pobo, que todas as formacións políticas que se apresentaron as eleccións locais levaban no seu programa electoral caia en saco roto e non sexa de interés para o desgoberno de Pontecesures.

Pregúntase ao Alcalde-Presidente que ten que dicir no referente ao caso de Dna.. Isaura Jamardo, que na xornada electoral das elección xerais sufríu unha caída nas instalacións do colexio público de Infesta, presentou informe médico o 10 de maio e non lle dan razón ningunha no concello e só a están mareando pasandolle a pelota uns aos outros.

O Sr. Randulfe non contesta e sí o fai o Sr. Sabariz facendo unha exposición dos feitos e divagando sobre a responsabilidade do concello, do seguro e botándolle a culpa de estar o asunto sen solucionar á interesada porque di que non fixa a cantidade económica a demandar.

Dende o BNG pídese que se lle solucione o problema á veciña e deixen de mareala.

Cando o concello vai respostar aos comercios sobre a aplicación da Lei de horarios pois no mes de xullo lles pediron as licenzas e dende entonces non teñen ningunha comunicación do concello.

O Sr. Randulfe tampouco contesta e sí o fai o Sr. Sabariz dicindo que él contesta a todo, que non ten ningún problema. Non sabe nada de si se lle contestou, si non, qué é o que hai que contestarlle, que non é cousa deles que é de Industria, ect, ect. Finalmente quedan en contestarlles.. .

A xente está demandando discos da zona azul. Cando van a vir.Como é que o Sr. Sabariz leva os discos para a casa e logo os reparte polo pobo entre os veciños. Sábese que o Sr. Sabariz levou feixes de discos e os reparteu persoalmente nun supermercado.

Sabariz di que é falso, que él solo ten un disco, e que eso nunca o fixo, que sí os repartiu no concello pero que nunca os levou para a casa, que para a casa leva papeles do concello pero non discos.

Dende o BNG non creemos ó Sr. Sabariz pois xa quedou demostrado cando levou do concello o selo para os velatorios ou documentos do concellos para os bares,.

Arremete nos medios contra un membro do BNG por facer a súa labor de oposición acusandoo de intervir pouco nos plenos, e non ten vergoña cando o seu socio tránsfuga en 15 meses de lexislatura pouco apareceu polos plenos e ata agora non intervíu nunca. Non ten dito nin pío.

Ao BNG parecéunos un pleno que calificamos de pintoresco, sen contido, por non ter non tiña nin os informes de presidencia e no que o Presidente quedou totalmente anulado polo Sr. Sabariz.

Orzamentos 2008

2008-09-25T10:26:00.000-07:00

Queren afundir o Club Náutico

2008-09-21T23:23:00.000-07:00

O BNG de Pontecesures quer manifestar e comunicar á cidadanía, sobre os orzamentos municipais do ano 2008 o seguinte:

1º. Tardanza. A pesares de comunicar, este desgoberno. ao pleno e ao pobo a través dos medios de comunicación que os orzamentos se levarían a pleno a finais de 2007 ou como moito tardar a principios de 2008, nos atopamos que se apresentan prácticamente no derradeiro trimestre do ano resultando máis que uns orzamentos anuais, prácticamente un mero peche de contas.

2º. O BNG non os considera realistas, pois hai gastos correntes que non aparecen reflexados no documento, como é o caso do custe do mantemento da depuradora para o que non se asigna nin un só euro. A partida na que iría incluido este gasto é exactamente a mesma que a do ano anterior e incluso 5000 € menor que nos orzamentos de 2005 momentos no que a depuradora estaba parada. Curiosamente, a depuradora que foi entregada pola empresa que a puxo en marcha no pasado mes de xullo, segundo o desgoberno municipal non supón ningún gasto o resto do ano, o cal resulta ilóxico e irreal. Este é un caso claro de que este orzamento non se axusta á realidade e da a entender que só buscaron cadrar a partida de ingresos coa de gastos, sen importarlle se un servicio como este quedaba dotado como é obrigado.

3º. O BNG maniféstase rotundamente en contra asimesmo, da desproporcionada subida da partida de festas, pois esta pasou no 2005 (e prorrogadas no 2006) do entorno dos 60.000 € ós 70.000 € do ano 2007 (xa co actual desgoberno), e agora neste orzamento de 2008 consignan un total de 112.000 €, prácticamente un 60 % máis, o que intentan xustificar coas aportacións e donativos dos veciños e empresas, (os cales tamén había en exercicios anteriores), pero aínda con todo resulta un incremento moi esaxerado, sobre todo cando este leva consigo a reducción doutras partidas.

4º. Destacar que nun momento de crise económica xeneralizada, na que o PP, entre outros, estálle a pedir aos seus alcaldes e concelleiros liberados que conxelen as súas retribucións, tanto a alcaldesa Maribel Castro como o concelleiro do PP Rafael Randulfe fan oidos sordos a estas recomendacións e súbense o seu soldo un 3%.

5º Este aumento en festas e soldos da Sra.Alcaldesa e do Sr. Randulfe, non obstante vai en detrimento doutras partidas, ao xuizo do BNG moi importantes, como é a dedicada a atención social que sufre unha caída, no seu conxunto dun 14 %.

6º. O BNG quer resaltar tamén a afrenta que desde o actual tripartito se lle está a facer ao Club Náutico de Pontecesures. A estratexia deste desgoberno é facer o máximo dano posibel a Luis Alvarez Angueira, e para iso se castiga ao Club Náutico, sen importarlle o dano que se lle fai ao club, aos deportistas é ás súas familias.

Nos orzamentos do ano 2007 se lle rebaixou a subvención por parte do concello en 1.000 € con respecto ao que viñan recibindo en exercicios anteriores, e neste ano 2008, ainda cun compromiso de resarcirlle o decremento do anterior ano, o que fai o tripartito e castigalos aínda máis.

Se lle asignan 6.500 € como subvención total na que está incluido o gasto dun monitor deportivo, cando só un monitor deportivo ronda os 12.000 € anuais, incumprindo así o compromiso que a Alcaldesa chegara coa dirección do club náutico dunhas cantidades suficientes que axudaran ao mantemento desta actividade deportiva.

Sorprendentemente para o BNG, a alcaldesa, ante un pleno abarrotado de deportistas pertencentes ao club náutico acompañados por moitos pais destes,(que para nada foron convocados nin arengados polo BNG), manifesta que foi certo que chegou a ese compromiso pero que os "seus socios foron quenes non quixeron cumprir co acordado" nun intento de "lavar a cara" ante o numeroso público presente.

Este castigo que se lle fai ao Club Náutico, lamentablemente levará ao peche do mesmo a final de ano segundo manifestou a dirección do Club e así recoñeceu a propia alcaldesa que este extremo fora posto no seu coñecemento polo Presidente do Club.

Desde o BNG se propuxo que os orzamentos quedaran sobre a mesa e se pospuxeran ata o o luns 29 de setembro (se se retrasaron 9 meses pouco importa uns días máis) a fin de que se corrixira a aportación en forma de subvención ao Club Náutico, proposta que lamentablemente, foi rechazada. polo actual desgoberno municipal, feito que o BNG lamenta.

Resposta ao tránsfuga Sabariz

2008-09-10T11:55:00.000-07:00

Así estaba en maio e así sigue hoxe

En relación coas manifestacións vertidas nos medios de comunicación polo tránsfuga político Luis Sabariz, concelleiro do actual desgoberno municipal en relación cas deficiencias do CPI de Infesta, o BNG quere decir:
Parécenos dun cinismo desmesurado as declaracións de Sabariz, xa que son coñecidas por todos as promesas electorais feitas por este durante a campaña e precampaña das eleccións muncipais, nas cales prometía a bombo e platillo e dado como feito a construcción dun comedor escolar, facéndose acompañar polo Sr. Delegado Provincial de Educación, nese intre compañeiro do seu partido político. Pero o día da investidura, onde enganou a todo un pobo tamén enganou , entre outros, aos que o viñeron arroupar con promesas de investimentos para Pontecesures, entre elas a do comedor escolar.
Nós cremos, igual que todo o pobo de Pontecesures, que o único responsabel de que a día de hoxe Pontecesures non conte cun comedor escolar é o tránsfuga Sabariz e parécenos incribel que este señor responsabilice a outros da súa culpa.
Mal vai este desgoberno municipal cando o concelleiro de Relacións Institucionais é Sabariz, que ten todas as portas pechadas das institucións, precisamente polo seu carácter, actitude e cinismo políticos.
Doutra banda o BNG xa denunciou nos medios no pasado mes de maio as deficiencias graves que sufría o CPI de Infesta, deficiencias incluso perigosas (cun custo de reparación baixo), e a día de hoxe inda non se corrixiron, continúan tal cual, como así recoñece Sabariz en nota de prensa. Nós cremos que o úncio culpable de que isto non se arranxara é o desgoberno encabezado por Maribel Castro. O concello conta cunha partida económica, recibida da Xunta de Galicia cada ano, para mantemento do centro educativo, no que sen dúbida entran estos arranxos, por eso non entendemos como no comezo do curso escolar este problema estea sen resolver, e o único que se lle ocorre agora é responsabilizar a outros da súa desidia e abandono.
Este desgoberno prioriza o gasto en festas diante da educación dos nosos cativos.
Consello Local do BNG Pontecesures

A seguridade vial nun segundo plano

2008-09-05T02:27:00.000-07:00

O BNG de Pontecesures quere manifestar o seu malestar polo que, ao noso entender,está a ser unHa pésima utilización dos semáforos do “cruce da Estrada” por parte do desgoberno municipal.
Durante o goberno do Bloque Nacionalista Galego en Pontecesures adoptouse unHa importante decisión como foi a de regular o tráfico mediante semáforos no cruce da Estrada para evitar a perigosidade crecente de dito cruce, perigosidade que diminuiu de forma considerabel con tal medida.
Observamos e recibimos numerosas protestas de veciños polo mal uso que se lle está a dar actualmente a esta regulación semafórica, esta depende directamente do concello de Pontecesures. Os semafóros atópanse frecuentemente apagados durante días completos sobre todo en fins de semana, descoñecendo as causas, pero ademáis tomouse a decisión por parte do desgoberno municipal de apagalos totalmente a partires das 21.30 ata ás 08.00 horas.
Esta decisión conleva a un aumento considerabel do risco tanto para vehículos como para pións, xa que nin siquera deixan encendidas as luces intermitentes de sinalización de circular con precaución.
O BNG responsabiliza directamente á alcaldesa Maribel Castro da decisión que pretende favorecer a algún apoio electoral seu, primando unha vez máis, no desgoberno, os favores individuais ca o interés xeral e máxime cando se esta a tratar da seguridade vial nun cruce tan perigoso.
Nós esiximos á Sra. Castro que corrixa este despropósito de xeito inmediato, que canto menos se deixen as luces intermitentes de sinalización de cruce perigoso e a unhas horas de cambio más axeitadas.

Consello Local do BNG Pontecesures

Desgoberno de poucas luces

2008-09-01T13:59:00.000-07:00

As constantes queixas feitas polo veciños diante do BNG polo deficiente funcionamento do alumeado público lévanos una vez máis a facer unha denuncia pública perante os medios de comunicación. Esta lexislatura estase a caracterizar, sobre todo por un abandono total das infraestructuras municipais, neste caso estamos a falar do alumeado municipal con constantes apagados de rúas enteiras, como é o caso da rúa Ullán, avda de Vigo, etc. Estes apagados duran semanas enteiras sen recibir, por parte do desgoberno, explicación algunha.
O BNG interesouse en plenos pola situación caótica do alumeado público recibindo como resposta a mofa e a calada. Nós non entendemos como un servizo municipal tan importante se atope neste estado lamentable de abandono.
Esiximos a Maribel Castro e ao seus socios a posta en funcionamento inmediato do alumeado público nas rúas que levan tempo sen o servizo, que lle adiquen tempo e medios a este asunto e deixen de lado as súas liortas internas, que son moi coñecidas en todo o pobo. Mal se pode gobernar nesta situación.
Consello Local BNG Pontecesures

2008-08-03T01:50:00.000-07:00

O BNG quere manifestar acerca da ausencia dos seus concelleiros ao último pleno ordinario do día 28 de xullo o seguinte:

1. O día 24 de xullo o BNG apresentou por escrito unha solicitude para que o pleno se aprazase debido a que a maior parte do seu grupo non podía asistir por motivos persoais (e algún por motivos laborais). Ademáis concelleiros do BNG falaron persoalmente ca Alcaldesa deste asunto ao que ela respostou que de ningunha maneira e que os seus socios de goberno no lle ían permitir este troco.

2. En resposta ao manifestado polo tránsfuga Sabariz, o BNG pregúntase: ¿por qué non asiste aos plenos o outro tránsfuga Alfonso Diz? Acaso sinte vergoña despois do que fixo o día da investidura ou é que non ten valor a presentar a súa demisión. Para nós Sabariz está a facer o papel de bufón de corte, xa que é o que máis fala e o que debería estar máis calado por razón obvias.

3. Ao noso entender a actitude neste asunto da Alcaldesa Maribel Castro é antidemocrática que pretende non ter oposición que lle faga preguntas comprometidas as cales non ten resposta xa que descoñece o que fan os seus compañeiros de goberno. ¿Qué se pode agardar dunha persoa tan ambiciosa que colleu a Alcaldía con só 200 votos, tragando con todas as contrapartidas que lle impuxeron os seus socios de goberno?

4. Dende o BNG agardamos que estas situacións non se volvan a repetir e impere a cordura neste desgoberno e que non priven a máis do 40 % do electorado de estar representado nos plenos.

Pontecesures, 2 de agosto de 2008

CONSELLO LOCAL DO BNG DE PONTECESURES

A trapallada da selección do persoal

2008-07-17T13:42:00.000-07:00

O BNG quere manifestar con respecto á recente contratación de 9 operarios por parte do Concello de Pontecesures dentro do programa de cooperación coa Xunta de Galicia para o fomento do emprego, e despois de visto o expediente de selección dos aspirantes o que a continuación segue:

1. Nas contratacións feitas dende o ano 2007 nas administracións públicas a lei esixe a creación dun tribunal de selección no que non participen políticos, neste caso observamos que os membros do tribunal foron designados de maneira que fosen aqueles traballadores máis afíns ao poder político; por exemplo neste tribunal non figura ningún dos representantes sindicais dos traballadores, por algo será. Este tribunal máis que seleccionar adicouse a “cadrar baremos e puntuacións” para cumprir coas preferencias do goberno local. Que non pretendan verdernos transparencia e obxectividade, pois non enganan a ninguén en Pontecesures.

2. Despois de examinados os expedientes de selección de todos e cada un dos aspirantes apreciamos unha cantidade apreciable de irregularidades, destacando:

1º. Que en ningún dos casos se esixíu documentación que acreditase a situación laboral ou persoal das candidatos que ían contratar. Dándose nalgún dos expedientes que os aspirantes manifestaban situacións e circunstancias que non se asemellaban en ningún caso coa realidade laboral ou persoal.

2º. Nalgúns dos expedientes atopáronse rectificacións feitas a lapis variando deste xeito as puntuacións ou nota . Rectificacións feitas por algún membro do tribunal, entendese que esto foi feito así para redondear puntuacións que aos membros do gobernos lles interesase que fosen mais altas; ou máis baixas, segundo os casos,.Dende logo non ten outra explicación.

3º. En certos casos do proceso de selección non se realizou entrevista. Se coñece que non conviña facela. E demostra outra vez mais a pouca vergoña que houbo, por parte do governo neste proceso.

3. Non é intención do BNG desacreditar aos membros do tribunal de selección xa que ao noso entender son só marionetas cuios fíos moven os membros do governo local. Tampouco o BNG pretende desmerecer aos traballadores seleccionados que para nós son tan bos coma calquera outro. Nembargantes o BNG cree que estas contratacións, carecen de obxectividade e transparencia, aspectos fundamentais dos que fachendean Maribel Castro e compañía, e veñen a corroborar as sospeitas manifestadas por moitos dos aspirantes na sellección feita.

Pontecesures, 19 de xullo de 2008
CONSELLO LOCAL DO BNG DE PONTECESURES

ALEGACIÓNS DO BNG AO IMPOSTO DE PLUSVALÍAS

2008-07-09T11:15:00.000-07:00

Presentado no rexistro do concello o 09/07/2008

Sra. ALCALDESA DA CORPORACIÓN MUNICIPAL DE PONTECESURES

D. José Antonio Baliñas Pazos, con D.I. 35.442.755 P, con domicilio na rúa Infesta, num. 6, no concello de Pontecesures, como concelleiro do grupo municipal do BNG e no seu nome

EXPÓN

PRIMEIRO: Que mediante anuncio publicado no Boletín Oficial da Provincia de Pontevedra, nº 114 de data 13 de xuño de 2008, sométese a información pública o “acordo de imposición e ordenación da Ordenanza Fiscal reguladora do Imposto sobre incremento do Valor dos Terreos de Natureza Urbana”.

SEGUNDO: Que facendo uso dos seus dereitos e no relativo á información pública da “Ordenanza Fiscal reguladora do Imposto sobre incremento do Valor dos Terreos de Natureza Urbana”, formulo as seguintes

ALEGACIÓNS
En relación co acordo adoptado polo goberno local para estabelecer o imposto de plusvalías, para gravar as operacións que realicen os veciños e veciñas de Pontecesures no momento da venda ou transmisión das súas propiedades, o BNG tense manifestado, no Pleno onde se acordou o estabelecemento, contrario a aplicar este imposto neste momento, no que as economías familiares empezan a notar a crise importante que se aveciña. Non é o mellor momento para aplicar este imposto.

Ademais, a proposta do goberno municipal aprobada polo Pleno estabelece a aplicación de porcentaxes sobre o valor do terreo de naturez urbana, que tamén efecta ás vivendas, para determinar logo o importe sobre o que hai que aplicar o imposto, e que, xa neste caso, se aproximan aos máximos estipulados pola lei. Así:

Tempo Porcentaxe acordado Porcentaxe máximo
polo goberno local que permite a lei
Entre 1 e 5 anos 3,5% 3,7%
Até 10 anos 3% 3,5%
Até 15 anos 2,7% 3,2%
Até 20 anos 2,4% 3%

Ou sexa, cando se pode estabelecer unha porcentaxe simbólica do 0,1% ao 1%, por exemplo, o goberno local estabelece case o máximo permitido pola lei.

Ademais, se até agora estivemos a falar da cantidade que vai servir de base para aplicarlle o imposto, que como vemos xa vai ser alta grazas ao porcentaxe aprobado polo goberno local; agora falaremos do propio imposto. O imposto aprobado e que debe pagar, teoricamente, quen transmita a propiedade do terreo, porque sabemos que moitas veces son os que compran os que acaban pagando esta plusvalía, esta vai ser o 25% do resultado de aplicar a porcentaxe expresada no cadro de arriba sobre o valor do terreo, cando a lei estabelece que este gravame non pode exceder do 30%..

Por todo elo,
SOLICITO

 Que tendo presentado este escrito, sexa admitido a trámite, e que se teña en conta para anular a aplicación do imposto..

Pontecesures, a 8 de xullo de 2008
José Antonio Baliñas Pazos

Alegacións ao imposto de plusvalías

2008-07-09T11:09:00.001-07:00

O BNG ven de presentar no día de onte escrito dirixido á alcaldesa no que presenta alegacións á creación e imposición do imposto sobre incremento do Valor dos Terreos de Natureza Urbana, comúnmente coñecido como imposto de plusvalías, que grava tanto aos terreos de natureza urbana como aos inmobles que se asentan sobre esos terreos.
No pleno onde se acordou polo equipo de goberno (Maribel Castro, PP e os tránsfugas Sabariz e Diz) o BNG opúxose a creación deste novo imposto, que endexamais se aplicou en Pontecesures, considerando que este é totalmente innecesario, e sobre todo aplicandoo nun momento tan delicado nas economías familiares, pois o que pretende o goberno municipal e cadrar o gran despilfarro económico, que están xenerando, coa aplicación deste imposto.

Esperemos que o goberno municpal recapacite, pois ainda está a tempo, e retire de inmediato este novo imposto.

TRANS - APARIENCIA

2008-07-06T23:45:00.000-07:00

Ante o malestar que existe entre moitos dos veciños de Pontecesures, e con máis razón entre os que foron preseleccionados a través do INEM para os contratos temporais dos programas de Cooperación da Xunta de Galiza (Consellería de Traballo), o BNG ven de solicitar no Concello o expediente donde reflexe os criterios de selección, baremación e preguntas feitas aos aspirantes. Hai que lembrar que foron convocadas 69 persoas para 9 postos ( xardinería, peóns, limpeza etc...).

Consideramos que os criterios de igualdade, meríto e capacidade deixaron moito que desexar nesta selección, pois moitos dos aspirantes mostraron a súa indignación ante os criterios e entrevistas que lles fixeron.

O BNG ten coñecemento de que houbo promesas de traballo por parte de Rafael Randulfe, da alcadesa Maribel Castro e do tránsfuga Luis Sabariz.

Por estes motivos queremos esclarecer estes feitos que, de resultar así, ao noso entender son lamentables

Tremenda cara dura e falta de vergoña

2008-07-06T23:43:00.000-07:00

O BNG quere manifestar con respecto a inauguración das novas instalacións do Clube Náutico de Pontecesures no día de onte 4 de xullo o seguinte:

1. O noso grupo felicitase de que despois dos anos de bandazos que levou esta obra por fin está rematada mellorando notablemente as instalacións náuticas, aumentando a capacidade e rehabilitando íntegramente o antigo hangar. Por fin os deportistas disporán dunhas instalacións á altura dos logros conqueridos nos derradeiros anos. O BNG quere agradecer á Consellería de Cultura e Deporte o seu apoio a este proxecto, asi como tamén ao ex-alcalde Luís Álvarez Angueira que sin o seu empeño xamais veríamos feita esta obra.

2. Sorprendenos a desfachatez e a cara dura dos concelleiros do PP, encabezados por Rafael Randulfe, pois sistemáticamente o seu partido votou, ata en cinco ocasións, en contra deste proxecto negándolle aos deportistas a posibilidade de desfrutar destas instalacións. E chegando incluso onte a traer un representante da Deputación de Pontevedra que non puxo un só euro de investimento nesta nova infraestructura, xa que foi financiada íntegramente pola Xunta de Galicia e o concello de Pontecesures. Esta actitude demostra que para algúns todo vale con tal de saír na foto e botarse flores dunha obra que nunca apoiaron e nunca quixeron facer, pero que non esquezan que a xente de Pontecesures ten boa memoria e acórdanse do que fixeron no pasado.

3. Os ediles do BNG estiveron presentes na inauguración destas novas instalacións e a sorpresa desagradable que levaron foi cando se descubríu unha placa na que aparecía como valedora desta obra a actual alcaldesa Maribel Castro, sabendo todos os veciños as veces que esta señora votou en contra do proxecto do Náutico ata que o BNG tivo que negociar a súa entrada no anterior governo municipal para que este personaxe apoiara deste xeito a obra; e no último orzamento municipal rebaixou á metade a subvención anual ao Clube Náutico. Outra que quere sumar puntos a costa dunha obra que nunca apoiou, o mesmo que o PP.

Pontecesures, 5 de xullo de 2008
CONSELLO LOCAL DO BNG DE PONTECESURES

Fartos de estar a escuras

2008-06-21T00:29:00.000-07:00

Dende o BNG queremos manifestar o malestar de moitos veciños que viven entre o paso nivel e o edificio da Casa Castaño (rúas San Lois, Sagasta e Victor García).É moi penoso que leven meses sufrindo cortes de luz no alumeado público sin que este “desgoberno” lle poña solucións.

Esta problemática veciñal xa se levou como pregunta de pleno fai uns meses prometendo a alcaldesa, daquela, o arranxo inmediato deste alumeado. Pasan os meses e os veciños seguen con este problema sin que o concello llo resolva. Non se pode nin andar de noite polas beirarrúas xa que non se ve por onde se anda. Os comerciantes están preocupados pois teñen medo a que aproveitando esta situación os “amigos do alleo” lle entren nos seus negocios. Ademáis nestas rúas “durmen” moitos vehículos dos veciños os cales tamen temen a que lles dean un golpe ou llos rouben.

O BNG quere manifestar o seu malestar porque despois de levalo a pleno e de que unha das concelleiras, que ademáis vive nesta zona, coma voz de moitos veciños, puxese en coñecemento da alcaldesa esta situación, a Sra. Castro fixese caso omiso e seguimos igual.

Polo cal solicitamos que sin máis esperas se arranxe este problema no alumeado dunha vez por todas. Para o BNG a situación co alumeado que sufren estas rúas pódese extender a todo o concello xa que é coñecido por todos os veciños os enormes retrasos que hai á hora de arranxar unha luminaria. Os veciños de Pontecesures non teñen porque padecer esta desidia do actual goberno municipal xa que teñen dereito a un alumeado público en perfectas condicións.

Desfachatez

2008-06-14T11:42:00.001-07:00

O Grupo Municipal do BNG quere felicitarse pola entrega por parte da Dirección Xeral para o Deporte das instalacións náuticas ao concello de Pontecesures. Esta obra de mellora do náutico cun orzamento inicial que supera con creces os 300.000 euros, supón a finalización dunha aspiración por parte do BNG cando estaba a gobernar. As xestións feitas na anterior lexislatura polo goberno do BNG fixeron posibel que hoxe en día os rapaces e rapazas de Pontecesures poidan practicar piragüismo nunhas condicións óptimas, unha vella aspiración que, sin embargo, non estivo exenta de dificultades.

Esta obra foi contemplada dentro do convenio marco Xunta-Deputación, onde unha vez acordadas as obras a realizar, cada institución emcárgase dunhas determinadas, xunto coa aportación do concello. Neste caso do club náutico a administración executora da obra foi a Xunta de Galicia (Direccion Xeral para o Deporte) e unha aportación municipal de 28.000 €. A Deputación de Pontevedra non aportou ningún euro a esta obra tal como quere facer ver o PP de Pontecesures, e mais se por eles fora non teríamos hoxe o club nautico mellorado.

Hai que recordar aos veciños que para que esta obra fose hoxe unha realidade, tivo que pasar por varias sesións plenarias para sumarse ao convenio. Tanto o PSOE, PP e a independiente Maribel Castro (hoxe alcaldesa) votaron en contra de que se ampliase e reformase o club náutico, e non só o fixeron unha vez, senón todas e cada unha da veces que foi levado a pleno. O BNG era consciente da mellora que supoñía esta obra e de ahí a insistencia do alcalde (Angueira) de levalo a pleno as veces que fixera falta para non perder esta oportunidade. Só Maribel Castro votou a favor cando se lle asignou unha exclusiva de 1.200 euros (ata ese momento dixo sempre que non).

Resulta decepcionante e patético ver a este desgoberno (descordinados entre si) que intenten “vender motos” dunha obra na que eles votaron en contra repetidamente. A pesar desta carencia de ética e de escrúpulos do goberno municipal, o importante é que os piragüístas poden feneficiarse dunhas instalacións que antes non tiñan gracias as xestións feitas no goberno anterior do BNG.

Mantemento pavillón polideportivo.Hai que "ir de campo"

2008-06-12T13:27:00.000-07:00

Despois de levar meses escoitando, por parte de usuarios habituais do pavillón polideportivo que está sucio e abandonado, nestes últimos quince dias xa se chegou ao ridículo máis absoluto con esta instalación.

En primeiro lugar celébrase unha final de baloncesto, a xuízo do BNG moi importante para o noso equipo, cando o recinto non está en estado de celebrar nada nel. Para este acontecemento ata houbo que alugar un marcador xa que nin eso funciona en Pontecesures. Os baños, sencillamente, dan asco. Non teñen nin auga e calquer persoa ten necesidade de ir a eles. En fin, unha vergoña.

Esta fin de semana houbo un campionato de dardos moi iinteresante para a nosa comarca. Competición que durou toda a fin de semana e con grande afluencia de público e os baños seguian sen funcionar.Esto conleva que houbo xente que despois de estar competindo once horas necesitan facer uso dos aseos como é lóxico e comprensibel. O sábado de madrugada non se podía entrar nos baños xa que o cheiro era nauseabundo.

Con todo esto o BNG quere manisfestar que non está en contra de que se organicen este tipo de eventos neste concello, todo o contrario, mais, antes faise necesario e obrigatorio acondicionar co más imprescindibel o pavillón e mentras non estea en condicións non se invite a ninguen a él, pois a imaxe que proxectou este concello nestas dúas ocasións cara o exterior foi moi penosa.

O BNG esixe, pois, que se arranxe de inmediato para poder seguir celebrando actos nel e poder practicar deporte da mellor maneira posible, e ademais que os que nos veñan a visitar leven mellor recordo do noso pobo e non o dun pavillón ruinoso.

As porterías de Randulfe

2008-06-12T12:40:00.000-07:00

No último pleno celebrado o dia 26 de maio á pregunta formulada polo BNG sobre as porterías do campo de fútbol, propiedade do Concello de Pontecesures, e que se atopan nunha finca privada próxima a Plazuela, a Sra.Alcaldesa respondeu que ela non sabía nada do que lle estaban preguntando, que non sabía nada dese asunto e de igual xeito o seu socio tránsfuga do PSOE. Para sorpresa do BNG o Sr. Randulfe, concelleiro do PP, di que él sí sabe por qué están ali,”pedironmo os nenos,para xogar o fútbol” responde e os donos da finca parecelles ben, continúa.

Para o BNG este feito ven a corroborar unha vez máis, a descoordinación existente na actual equipa de goberno, na que o PP “actúa por libre” tomando decisións que non só non consensúa cos seus socios senón que nin siquera llas comunica á alcaldesa a posteriori.

O BNG entende que non se pode dispor alegremente dos bens públicos como se fosen dun e “regalalos” a un particular instalándoos nunha finca privada sen, alomenos, seguir os trámites pertinentes e tomando unha decisión deste tipo, que en calquera caso debe ser motivada e adoptada polo órgano que corresponda.

En calquera caso, e ainda presumindo que esta é unha decisión temporal, o BNG insiste, pois xa o fixo no pleno, que esas porterías non contan coas medidas de seguranza axeitadas, non están debidamente fixadas e a finca na que se atopan está chea de maleza.

O BNG quere denunciar públicamente este feito e insta ao Concello a que tome medidas o respeto e se responsabilice, esixindo ao propietario que, alomenos, acondicione a zona, e adoptando, asimesmo todas as medidas necesarias de seguranza e protección para os nenos, xa que as porterías constitúen un ben de uso público.

No caso de non ser asi, o BNG estima que as porterias deben ser retiradas inmediatamente, xa que supoñen un risco para os cativos dado que a finca atópase permanentemente aberta.

Máis impostos

2008-06-01T00:48:00.000-07:00

O BNG quere informar á cidadanía de Pontecesures acerca do contido do pleno ordinario do pasado luns 26 de maio, no cal foi aprobado por parte do goberno municipal, cos votos en contra do BNG, a posta en marcha dun novo imposto ata agora nunca aplicado en Pontecesures: o imposto da PLUSVALÍA. Este imposto grava o aumento de valor nas transmisións de propiedades e inmobles (ventas, donacións e herencias).

Non entendemos como nos tempos actuais de crise económica nos que incluso moitos concellos están rebaixando impostos, ao goberno local non se lle ocurre outra cousa que activar esta carga impositiva aos veciños. Para nós esto implica sangrar, aos veciños do pobo para asi poder compensar o despilfarro económico que están a practicar gastando cantidades astronómicas en festas asi como compensar o gasto de dúas dedicacións exclusivas que lle supoñen ao concello 80.000 € ao ano.

O BNG está totalmente en contra desta iniciativa do Sr. Sabariz, e así o manifestou co seu voto contrario no pleno, que foi apoiada co beneplácito da Alcaldesa e, sorprendentemente, polo Sr. Randulfe que prometeu a bombo e platillo unha baixada de impostos na campaña das pasadas eleccións municipais.

Por outra banda, en resposta ás declaracións feitas por Sabariz (tránsfuga político do partido socialista) en referencia á "desorganización política" do BNG, expoñer que, para nós, confunde desorganización con democracia interna cousa que él non é capaz de comprender xa que non a aplicou nas organizacións ás que pertenceu, nas que impuxo sempre o seu criterio personalista e egocentrico. De tódolos xeitos Sabariz pretende con estos comentarios crear unha cortina de fume para ocultar o verdadeiramente importante que é a aplicación deste novo imposto.

Esta maneira de facer política é maís propia dos pallasos de circo que dun concelleiro do goberno, aínda que en Pontecesures tódolos veciños coñecen a Sabariz e saben que non ten escrúpulos á hora de insultar e desacreditar aos seus rivales políticos. Sabariz aplica a máxima de todo vale.

Preguntas e rogos pleno de maio 2008

2008-05-30T02:12:00.000-07:00

¿Qué fan a porterías do campo de fútbol nunha finca privada?

¿Porqué regalan bens públicos, como o son as porterías, a particulares?

A canto ascende o orzamento da festa da lamprea? ¿Cantos tickets se venderon?

¿Cando pensan repoñer o firme na rúa Carlos Maside e zona do Telleiro, pois non é de recibo que leve tantos meses como está, ocasionando molestias a veciños e comerciantes, incluso con caídas dalgúns viandantes?

No entorno da igrexa crearon un caos circulatorio e de aparcamento, onde antes non o había e se circulaba con relativa normalidade.
Por un lado as persoas que non contan con disco horario acuden a aparcar nesa zona.
Por outro prohibiron estacionar, como se fixo sempre, no lateral da igrexa.
O resultado é un caos circulatorio e de estacionamentos nesa zona é o que se lle ocorre e eliminar unha dirección de entrada ao pobo.

¿Cantos veciños de Infesta protestaron porque non estaban conformes co sentido de circulación como estivo ata agora?

¿Acaso hai protestas ou queixas de peregrinos ou do Xacobeo?

Vostede mesma estivo de acordo cando se estableceu ese sentido da circulación e agora cambia de opinión sen constar problemas.
Pensamos que é un erro e só se queren buscar problemas onde agora non os hai. Agora sí que están a protestar os veciños. Dende o BNG non estamos de acordo co cambio.

¿Cantas actas de presunta infracción se teñen levantado por incumprimento das normas destacionamento na zona azul?

¿A canto ascende a recaudación por este motivo ata o de agora?

Nos meses de novembro e decembro anunciouse por parte do Sr. Randulfe, tanto aos medios de comunicación como a este Pleno, que os orzamentos estarían para presentar a pleno nese mesmo ano.
Como nos os tiveron, dixo que para principios de ano.
Estamos no mes de xuño, prácticamente e seguimos na mesma. ¿Cando se van a presentar os orzamentos?

As normas, para os outros

2008-05-24T22:51:00.000-07:00

O BNG quer denunciar públicamente a realización dunha obra, ao noso entender ilegal, levada a cabo por un familiar directo da Alcaldesa Maribel Castro. Dita obra consiste nun movemento de terras con posterior recheo, no camiño da Toxa á altura do canal do regadío, zona coñecida como “A Cruxa” e afectando ao propio canal de regadío.
Dita obra de recheo (terra e pedras) debe contar coa licenza municipal oportuna e o permiso de Augas de Galicia, dado que a súa proximidade ao canal pode provocar a caída de pedras e terra no interior deste, imposibilitando o uso do mesmo.
Para o BNG esta obra carece dos permisos pertinentes, demostrando unha vez máis a política clientelista en temas urbanísticos, beneficiando sempre aos seus apoios políticos e familiares. Nós non entendemos como os seus socios de goberno (Partido Popular e Sabariz) poden facer a vista gorda ante tales prácticas.
Estas actuacións irregulares son inconcebibles nestes tempos que corren. A xestión do urbanismo e obras non pode ser utilizada de maneira partidista beneficiando aos seus e prexudicando aos demáis veciños do pobo.

Agora o colexio pouco importa

2008-05-19T08:05:00.000-07:00

O BNG informa acerca do mal estado no cal se atopa o CPI de Infesta e o seu recinto escolar. Obsérvase un total abandono destas instalacións que se aprecia a simple vista. Destacamos:
1.- O patio escolar, zona de lecer e esparcemento para os alumnos, atópase con abundante maleza, de máis dun metro de altura e lixo abundante. Nas actuais condicións difícilmente os rapaces poden aproveitar convintemente as instalacións educativas.
2.- Os canalóns do edificio da ESO atópanse totalmente atorados discurrindo a auga da choiva pola parede do edificio, incluso pódese observar baixantes totalmente corroídas polo óxido que, aparte de ofrecer un lamentable aspecto, supón un risco evidente para os alumnos.
Para o BNG o único responsabel do estado de abandono das instalacións educativas é a actual equipa de goberno que ten a responsabilidade e obriga de manter en perfecto estado ditas instalacións, para o cal dispoñen de fondos específicos da administración autonómica.
Ao parecer este goberno prioriza outro tipo de actuacións (actos lúdico-festivos, relixiosos, etc) e deixa de man cousas , ao noso parecer, moito máis importantes como son manter en bo estado as instalacións municipais, en concreto as do CPI de Pontecesures.
18 de maio de 2008
Consello Local do BNG

Mellor gastar en festas

2008-05-10T12:25:00.000-07:00

O BNG quere informar á cidadanía do actual estado de abandono no que se atopa o noso pobo. Entre outras, destacamos:
1.- A apertura da zanxa feita na rúa Carlos Maside-Telleiro, obra realizada fai xa máis de dous meses, da cal ainda non se repuxo o firme da calzada. Este importante acceso á praza dos Valeiros (Porto) atópase na actualidade en estado lamentable con importantes socavóns que poñen en risco aos viandantes, sen contar cos trastornos que ocasionan aos veciños da zona, comercio e automóbiles que por alí transitan.
Ao noso entender dita obra, xa rematada, quedando pendente a reposición do firme tanto tempo, pon de manifesto. a desorganización e inoperancia na xestión de infraestructuras levada a cabo pola actual equipa de goberno. O BNG espera que, logo desta denuncia pública, o goberno municipal actúe con axilidade sobre esta obra a fin de evitar males maiores.
2.- Por outro lado sorpréndenos o estado no cal se atopan os parques infantís de Porto, Condide, Carreiras, rúa Carlés e monte de Porto. Os davanditos parques teñen abundante maleza e lixo, ata o extremo de non poder ser utilizados polos nenos do noso pobo. O estado de abandono destes parques é importante, culpando o BNG desta desatrosa xestión ao actual goberno o cal adica moitos máis recursos ás festas que a manter en bo estado os parques herdados da anterior lexislatura.
Pontecesures a 10 de maio de 2008

Consello Local do BNG

Festa da lamprea

2008-04-12T04:18:00.000-07:00

O BNG quer manifestar acerca da XIII Festa da lamprea e da II Feira do automóvil de ocasión o seguinte.

1º. As nosas felicitacións aos organizadores da II feira do automóvil de ocasión (Asociación “Mirándolle o Dentes”) polo traballo ben realizado e polo gran éxito conquerido, promocionando o nome de Pontecesures por toda Galiza e o estado español. Éxito que levou a unha grande asistencia de visitantes ao noso pobo.

2º Ao parecer do BNG a festa da lamprea convertíuse na cuchipanda do Partido Popular (pagada por todos os veciños) encabezado pola alcaldesa Maribel Castro e o concelleiro liberado Rafael Randulfe. Dase a circuntancia que dous da equipa de governo ( concelleiros non adscritos Sabariz e Alfonso Diz) non asisten a este importante evento, ni aos actos protocolarios nin á propia degustación. As súas razón terán.

Os feitos son os seguintes:

-multitude de invitacións (máis que nunca). A alcadesa, a maiores do seu marido, “levou” a xenros, fillos, irmáns, cuñados a comer gratis á carpa xunto coas autoridades invitadas. Non se quedou atrás o Sr . Randulfe, pois levou a ex-ediles do Partido Popular, a menbros da súa lista electoral e a simpatizantes do seu partido, incluso se deu a paradoxa de que un membro da súa lista estaba a vender tickets da lamprea, cando esa persona non é traballadora do concello.

-desconsideración grave cos invitados e autoridades que non eran da súa “cor política” tratándoos como relleno, e limitándose tanto Maribel Castro como Rafael Randulfe a “ir detrás” do Presidente da Deputación.

O BNG estos feitos tíldaos de lamentabeis, recordándolle que máis que a festa da lamprea parecía a romería do Monte do Faro. Nas 8 edicións precedentes isto xamáis ocurreu.

Ao noso entender esta festa debería ser a festa de todos os veciños, sen cor político, promocionando un producto tan típico na nosa bisbarra como a lamprea.

Pontecesures, 12 de abril de 2008

Preguntas e rogos pleno de marzo de 2008

2008-04-06T20:24:00.000-07:00

Na obra acometida por Medio Rural na pista que une a Toxa con Carreiras, apenas se ganaron 50 cm. de ancheamento, obra na que, por certo, se invistíu unha cantidade moi importante de euros.

¿Porqué non xestionaron unha ampliación maior para, alomenos, permitir un cruce de 2 vehículos simultáneamente?

As obras do camino de San Xulián, ¿qué pasa con elas? Está a sufrir múltiples e constantes modificacións e non se da rematado.

¿Hai algún veciño que puxo problemas sobre a obra? Senón foi así ¿porqué tantas modificación e retraso?

Que volta a suceder co alumeado público da rúa Estación, da rúa Sagasta, da Rosalía de Castro, etc, pois teñen numerosas avarías que ou non queren ou non son capaces de resolver. Os veciños afectados non teñen culpa da súa inoperancia.

Na Avenida de Arousa, un veciño, concretamente o Sr. Quintá, colocou un tubo de escasas dimensións no regato, e en época de chuvias provoca a anegación da estrada e das casas próximas ¿qué medidas pensa tomar o concello para que esto non ocurra?

Hai socavóns importantes na zona do peirao á altura da piscina. Pídese que comuniquen a Portos, xa, estas deficiencias para que sexan subsanadas o antes posible.

O BNG se felicita porque despois da denuncia feita nos medios, polo lamentable e perigoso estado no que se atopaba o valado perimetral da pista deportiva da Calera, actuaran vostedes ao día seguinte.

Pero, ¿van a seguir actuando no futuro da mesma maneira, só a remolque das queixas que presenta o BNG?

Non obstante, a pesares de que levantaron o valado, segue estando perigoso, ¿a que esperan para substituir definitivamente este valado? ¿É que pretenden agardar 2 anos, ou máis, a que actúe na zona Portos de Galicia?

Despois da implantación da zona azul, co reparto de 2000 discos, reparto que sin duda foi un auténtico desastre (1º se anunciou que os discos se repartían en Caixanova e mais no concello, logo llos retiran a Caixanova para o concello, procedendo a un reparto de tal xeito que parecía que ao veciño do pobo se lle estaba a facer un “favor”, tal é así que se daban hasta no despacho da alcaldía. Houbo casi unha disputa por haber quen daba os discos. Nos chegaron queixas de persoas que pasaron polo concello a solicitar un disco e a resposta que tiveron foi que non llo podían dar porque os tiña o concelleiro Sr. Rey e que voltara por alí noutro momento. Polo que parece, outro levou feixes de discos para a súa casa para así ir “vendendo” a título persoal o favor.

Pregúntase ¿os novos discos vanse repartir do mesmo xeito? ¿Únicamente no concello?

Parece ser que pretenden repartir só 1 por casa. En moitas casas hai máis dun coche, que os empregan conductores diferentes, polo xeral. ¿Pretenden que mentras un coche veña a comprar e estacione na zona azul o outro ou os outros teñan que quedar na casa á espera do regreso do disco para poder estacionar no centro do pobo? É un sinsentido

¿É certo que alguna empresa comprou discos pola súa conta?
¿A quen llos comprou?

Despois do desastre de reparto que supuxo a primeira remesa de discos, o BNG propón que esta segunda remesa se reparta do mesmo xeito que se fai en todos os sitios. Que os discos se distribúan polos establecementos do pobo e sexan éstos quen os repartan entre os seus clientes.

A depuradora de augas residuais segue en proba, Sra. alcaldesa, vostede dixo na televisión que o problema é que lle faltaban unhas pezas, ¿Cándo vai a funcionar definitivamente?. É lamentable que diga diante do pobo e de toda a comarca que o da depuradora non é cousa súa, que é problema da empresa.

¿Cal é o motivo porque a gasolinera Campsa (a de San Xulián) se nega a subministrarlle combustible ao Concello?

Sra. Alcaldesa, ¿Cántos museos, ao seu xuízo, hai en Pontecesures? Non contará como tales os que hai en Padrón, porque se dedicou na entrevista de TeleSalnés a promocionar Padrón e a Pascua.

Fan falta cartos e a alguén hai que sacarllos

2008-04-01T02:06:00.000-07:00

O actual equipo de goberno levou a Pleno a suscrición dun convenio co ORAL denominado “convenio de colaboración en materia de financiamento da asistencia técnica para a inspección do imposto de construccións, instalacións e obras entre o Organismo autónomo de xestión de Recursos Locais da Deputación de Pontevedra e o Concello de Pontecesures” co fin de incrementar os recursos locais, de xeito que a base impoñible deste imposto sexa o custo real das obras suxeitas á licenza.

Así, nas cláusulas do convenio reza:

1ª.- O obxecto do convenio é o financiamento dos traballos necesarios para a inspección e posterior liquidación do Imposto sobre Construcións, Instalacións e Obras no Concello de Pontecesures.

2ª.- Serán de conta do Concello de Pontecesures os gastos que xeren a asistencia técnica contratada, consistentes no 19 % dos ingresos efectivamente recadados.

3ª.- A tramitación administrativa de todo o procedemento de actualización, recadación e liquidación se levará a cabo polo persoal propio do Servizo de Inspección Tributaria do ORAL.

4ª.- O Concello só asumirá, en todo caso, o custo técnico daqueles expedientes que resulten efectivamente recadados segundo a porcentaxe indicada que lle será descontado nas liquidacións que se practiquen.

O BNG está en contra da aplicación desta medida, pois supón, na práctica, o pago do imposto dúas veces, unha primeira vez igual que ata o de agora, cando se lle outorgue a licenza municipal, consistente no 2,4 % do orzamento das obras a realizar, e unha segunda vez logo de realizada a inspección por parte da empresa contratada polo ORAL, sobre o 2,4 % da cantidade que tal empresa estime.

Isto, claramente, non é máis que unha forma encuberta de subir os impostos, ainda que o ICIO se manteña no mesmo 2,4 % ( e recordemos que o PP decía na campaña electoral que si gobernaba ía a baixar os impostos)

O sistema actual é suficiente para que o custe real e efectivo das obras sexa a base impoñible do imposto. Para isto conta o concello cun técnico na materia, de tal modo que cando comproba o orzamento da obra a realizar e este é claramente menor que o real, se supedita o outorgamento da licenza a que se corrixa o orzamento, e asunto solucionado.

A empresa encargada da asistencia técnica, vai a traballar a “destajo”, se vai a levar o 19% do que recaude, do que lle “quite” a maiores a quen realizou a construcción, instalación ou obra. Non vai traballar sen obter beneficios, polo que de seguro, a obra á que se dirixa lle vai volver a facer pagar, e canto máis mellor pois máis suporá ese 19 %. Isto vai levar a un aumento da burocracia para o administrado, pois se non está de acordo coa valoración económica das obras que lle vai a facer a empresa, non lle quedará outra que meterse en recursos e pleitos, con todo o que iso conleva.

Ademáis, nas cláusulas do convenio non establece a qué tipo de obras afecta, nin de quen parte a iniciativa de realizar a posterior inspección. Enténdese que ao non establecer nada ao respecto quere dicir que afecta a todas as licenzas que se outorguen, sexan estas a obras maiores ou menores.

O equipo de goberno manifestou no Pleno que só se aplicará ás obras que lle interesen, co que se vai a producir unha discrecionalidade, a uns si e a outros non, e isto non se pode consentir.

Poñamos un exemplo. Alguén pide permiso para facer un muro e presenta un orzamento de 3000 €. Cando se lle conceda a licenza o veciño terá que pagar o 2,4 % desta cantidade, é dicir, 72 €. Paga esta cantidade, fai a obra, en nun determinado momento, ben cando estea realizando esta ou posteriormente, aparecerá alguén dunha empresa a inspeccionar a dita obra a fin de realizar unha valoración. No seu momento recibirá unha carta do ORAL comunicándolle que ten pagar outros 72 € (ou máis) dado que a obra se valorou en 6.000 €, advertindo que se non se está conforme ten un prazo para recurrir, etc, etc. Desa cantidade ao concello danlle 58,2 € e o resto se queda o ORAL con eles como custe do traballo feito.

Cando ao administrado que lle cobren dúas veces e se achegue ao concello a pedir explicacións, a resposta que dará o actual equipo de goberno está clara: “Non é cousa nosa, iso faino o ORAL” “Por nós, xa viches que se che deu a licenza sen ningún problema”, ou outras similares.
Fannos falta cartos e alguén temos que sacarllos.

Preguntas e rogos pleno de xaneiro de 2008

2008-03-29T05:20:00.000-07:00

Hai uns días se recibiron nos domicilios notas asinadas pola alcaldía, con recomendacións en materia de lixo, práctica que nos parece ben, pero non figuran referencias de ningún tipo á recollida de aceite doméstico, ¿é que non se pensa continuar e potenciar este servizo de recollida de aceite doméstico usado?

Este concelleiro que lle fala solicitou verbalmente a finais de decembro do ano pasado información sobre os gastos e ingresos da gardería dos anos 2006 e 2007. Se me dixo por parte do persoal encargado do asunto que voltase a collelos ao día seguinte. Así o fago e se me di que, por instruccións da Sra. Alcaldesa se quero eses datos os pida por escrito. Así o fago mediante escrito entregado con data 29 de decembro de 2007.
Hoxe é o 28 de xaneiro de 2008 e non se me deron esos datos a pesares de vir polo concello alomenos nun par de ocasións a preguntar por eles.
¿Cree vostede que esa é una forma correcta de actuar pola súa parte, cando en menos de 5 minutos se poden ofrecer os mesmos?
Despois das críticas recibidas ata agora polo Sr.Sabariz sobre a tardanza do anterior goberno en deixarlle consultar os expedientes, actúan agora vostedes así.
¿Vanse finalmente a aportar os datos requeridos?

¿Porqué non se fixo a campaña de potenciación da lingua galega no Nadal do 2007 como se viña facendo nos anos anteriores?

Na zona do peirao, xunto ao parque infantil que está ao lado do Club Náutico, hai persoas que teñen cans e. ao defecar, quedan os excrementos esparcidos polo chan. Prégase que se extreme a vixilancia para solucionar este problema de saúde.

¿Onde se van ubicar as dúas áreas recreativas que concede a Deputación? ¿Cal é a achega municipal para estes investimentos?

No último temporal parece que caeu unha árbore no lugar de Fenteira que impedía o paso dos vehículos, ¿actuou o concello na retirada ou ben se lle dixo á Comunidade de Montes que o tiñan que retirar eles?

¿Ten pensado o concello contratar a unha persoa como educadora familiar, tendo en conta que a actual traballadora social desenvolvía antes ese posto e agora ninguén se ocupa desas funcións?

Pídese que sexan retiradas unhas persianas que están depositadas a carón dos contenedores de lixo da rúa Sagasta e xa levan alí algún tempo dando unha imaxe mala para o pobo.

¿Hai alguna orde dictada á Policía Local para avisar aos propietarios de vehículos estacionados pola noite nas rúas? Isto ten que ser así pois a algún veciño lle deron unha chamada de atención porque o seu coche “durme” na rúa

Antes do Nadal enviaronse cartas aos empresarios solicitando donativos para as actividades organizadas en ditas datas. ¿Cánto se recaudou e canto se gastou? ¿Tivo que poñer o concello alguna achega?

O sábado 19 de xaneiro, subindo pola pista de Condide, circulaba un tractor, con escombros, enseres e lixo, conducido por un veciño para depositalos na pista da Barosa, o que nos parece mal, pero o máis grave e que lle axudaba a depositar alí o material un empregado municipal.
¿Tiña vostede coñecemento destes feitos?
Móstranse ao pleno fotografías do vertedoiro ilegal e solicítase que se extreme a vixilancia para evitar máis acumulación de lixo e escombro na zona.

Abandono pista polideportiva da Calera

2008-03-15T05:07:00.000-07:00

15/03/08
CONSELLO LOCAL BNG PONTECESURES
O gobernó municipal encabezado pola alcaldesa Maribel Castro non ten ningunha preocupación polo deporte, recortando subvencións aos clubes deportivos (como así pasou nos orzamentos do ano 2007), nin pola infraestructuras deportivas municipais. O BNG xa preguntou en varios plenos polo deficiente mantemento da pista polideportiva da Calera.

Antes de “arrebatar” a alcaldía ao BNG esta pista quedou en perfecto estado para o seu uso polos rapaces de Pontecesures. Neste oito meses de lexislatura abandoouse totalmente esta instalación atopándose dende hai uns meses nun estado ruinoso e moi perigoso co valado perimetral tirado a ras do chan e cun evidente perigo manifesto para calquera usuario.

O único que se lle ocorre á alcaldesa Maribel Castro, máis preocupada en vender favores aos seus apoios electorais, é colocar un cartel que advirte aos usuarios que esta instalación está fora de uso. Este cartel leva colocado a friolera de catro meses, pero non se impide físcamente o acceso á pista polideportiva.

Para o BNG a práctica deportiva xenera hábitos de vida saudabeis, e Pontecesures non está sobrada de instalación deportivas, polo que non entendemos o abandono que está a sufrir esta pista por parte do actual “desgoberno”

16 DE XUÑO: ENGANO A TODO UN POBO

2008-03-13T10:07:00.000-07:00

Fagamos un pouco de historia: Cos resultados das eleccións municipais o pobo falou claro quen debía gobernar este concello. O BNG con 838 votos foi a forza máis votada con ampla diferenza respecto ás outras formacións políticas que se presentaron (PP: 616, PSOE: 365 e IP: 205).
A pesar desta diferenza, o BNG non puido acadar a Alcaldía. Os 5 concelleiros do BNG, frente aos 3 do PP, 2 do PSOE e 1 de IP; non foron suficientes para obter a maioría que permitise manter un goberno progresista en Pontecesures.
Compre lembrar aos veciños que o PSOE e o BNG tiñan asinado un acordo a nivel galego que permitira a gobernabilidade da forza máis votada das dúas, neste caso correspondería ao BNG, pero os intereses particulares e revanchistas dos señores Sabariz e Diz e os seus pesaron máis á hora da elección do novo goberno, dándolle á Alcaldía á lista menos votada (IP con tan só 1 concelleira) e facendo equipo co PP. Esta decisión dos socialistas supúxolles a expulsión do partido aos dous concelleiros non podendo dende aquela utilizar as siglas do PSOE por ser uns tránsfugas que non acataron a decisión dos órganos do seu partido.
De todos os xeitos, os concelleiros eleitos do PSOE eran conscientes do que ían facer: por unha banda desprazaron aos “historicos” do PSOE do Sr. Gerpe, sabendo que eles baixo as siglas socialistas ían a conquerir máis votos que presentándose como independentes.
Tamén é certo que o PP con 3 concelleiros e sendo a segunda forza máis votada non tivo escrúpulos a hora de votar para a nova alcaldesa de IP, en troques de propoñer como alcalde ao seu candidato que foi o que elixiran os seus votantes. Houbo, polo tanto, un vil engano por parte destes dous partidos: o PP enganou ao seu electorado ao votar como Alcaldesa a Maribel Castro; e o PSOE enganou non só ao seu electorado, tradicionalmente de esquerdas, senón que tamén enganou aos Conselleiros socialistas que arrouparon a súa candidatura na campaña electoral.
Qué dicir de Maribel Castro? Poucas palabras. Non ten inconvinte en ir co demo se este a pon de Alcaldesa. Estivo case dous anos formando goberno co BNG e cos demáis apenas se falaba, agora colleu a Alcaldía nunhas condicións de debilidade só polo protagonismo de ser Alcaldesa e tamén por 2.400 € mensuais.
Que os veciños valoren e reflexionen sobre o roubo que se fixo co seu voto.
Despois de pasados os primeiros meses do novo goberno municipal só nos queda valoralos como de INEPTOS á hora de gobernar.
Este goberno é un desgoberno que logo dos primeiros meses de goberno tan só se dedicaron a intimidar aos traballadores municipais e a xestionar do pior xeito posíbel os proxectos e obras que o BNG comezou no mandato anterior. Tampouco son quen de acadar importantes colaboracións das diferentes administracións públicas nas que a día de hoxe parece que teñen as portas pechadas.
O programa cultural levado a cabo no verán xa fora contratado polo goberno do BNG (o novo goberno recortouno), todos os traballadores que se contrataron recentemente xa foran solicitados polo goberno do BNG e estaban concedidos, todas as obras que se están levando a cabo son proxectos iniciados polo goberno do BNG, etc. Non fixeron polo tanto nada novo que nós non tiveramos xestionado. O goberno municipal caeu en mans dunha banda de ineptos que non é capaz de darlle saída aos problemas do pobo nen de buscar recursos para mellorar a calidade de vida dos veciños e veciñas de Pontecesures.
A estes persoaxes do actual goberno so os uneu un interés común: desaloxar ao BNG do poder por envexas e revanchismo, sen preocuparlle en absoluto o interese xeral do pobo.
Iso si, teñen dúas flamantes dedicacións exclusivas a Sra. Castro: 2.400 Euros e o Sr. Randulfe: 1.700 (ambos os dous con 14 pagas anuais).
O BNG é consciente de que queda unha etapa de incertidume, pero imos traballar para que concelleiros desta calaña non poñan en vergoña o nome de Pontecesures e aos seus veciños como xa o teñen feito.

XA COMEZAN AS REVANCHAS

2008-03-13T09:58:00.001-07:00

En canto á xestión do persoal municipal que está a levar a cabo este novo goberno, o BNG está a observar certos comportamentos, por parte da Alcaldesa –xa que é ela a que se encarga persoalmente deste departamento–, que nos parecen propios doutras épocas vividas no noso pobo caracterizadas polo autoritarismo absoluto. Así, son constantes as ameazas veladas aos traballadores, advertencias sobre a continuidade no seu posto de traballo, citas no despacho da Alcaldesa nas que o saúdo inicial por parte desta en troques de ola é: “si no estas contento tienes las puertas abiertas” ou “ te voy a dar una oportunidad”. Entendemos que baixo esta presión é difícil que os traballadores desempeñen o seu posto de traballo con normalidade.
No pouco que vai de mandato xa se realizou un despido improcedente, tal e como o admitíu o propio goberno, que ten que indemnizar ao traballador que foi despedido sen motivo algún, a non ser que non era da corda da Alcaldesa. Dende o BNG preguntámonos se este non será o primeiro dunha serie de despidos que o único que persiguen é facer unha criba no persoal municipal daqueles traballadores que non son do agrado da Alcaldesa e os seus socios de goberno, ou ben se a Sra. Alcaldesa non terá unha foto da “manifestación da Plazuela” e irá marcando con cruces as caras dos que vai “quitando do medio”.
No tocante á contratación de novo persoal intachable, impecable, transparente,... como así fachendea o novo goberno; temos que dicir que nada máis lonxe da realidade. Se a última etapa do anterior mandato se caracterizou polas constantes e feroces críticas ao goberno nacionalista pola contratación de persoal, protagonizadas por Sabaríz, agora vemos como se están a contratar familiares dos que gobernan, membros das listas electorais dos grupos do goberno e xente afín ao tripartito. Dende o BNG queremos manifestar o noso máximo respecto e consideración polos traballadores que se están a contratar, pero tamén por aqueles que quedan fóra, xa non só no proceso de selección, senón aqueles aos que o INEM nen sequera os cita para o proceso selectivo porque a designación do posto, para así anotarse na oficina de emprego, só a coñecen con anterioridade 4 privilexiados.
Iso si, hai que recoñecerlle unha virtude a este novo goberno: a de enchufar aos seus achegados en traballos no Concello co visto e prace dun tribunal de selección nomeado a dedo pola Alcaldesa, que non foi elixido polos traballadores nen escollido pola Corporación do Pleno por poñer algúns exemplos.

DISPÁRASE O GASTO MUNICIPAL

2008-03-13T09:53:00.000-07:00

FESTAS DO CARME 2007: 38.000 Euros de orzamento
DISPÁRASE O GASTO MUNICIPAL PARA OFRECER A MESMA CALIDADE

As Festas do Carme 2007 tiveron os orzamentos máis elevados que se recordan. O total de gastos supera os 37.000 €, dos cales 12.000 E foron recaudados na conta corrente de donativos e o resto, 26.000 E, sairon das arcas do concello; é dicir do peto de todos nós.
Aínda que aseguran que as festas foron boísimas imos a intentar desglosalas un pouquiño:
• As primeiras queixas do novo goberno viñan dadas por coller as festas tarde e que por iso o custo era moito máis alto, pois ben xa se levan collendo tarde nos derradeiros anos e iso non influe no prezo nen na calidade.
• Dos anos anteriores a este a diferenza de custo é duns 20.000 € (18.000 € en total no 2006 / 38.000 € no 2007).
• Cando a actual Alcaldesa formaba parte do goberno anterior para que o Concello puxese 5.000 ou 6.000 € (12.000 € de donativos e 6.000 € do Concello no 2006 que suman 18.000 €) poñía o grito no ceo, parecíalle un derroche. Agora non lle importa que o Concello aporte 26.000 €.
• O programa de festas deste ano é un calco exacto de anos anteriores por moito que se empeñen en dicir que foron moito mellores. E senón que expliquen as diferenzas:
• As orquestras eran da categoría de anos pasados, é máis, algunha xa estivera en festas anteriores.
• O alumeado igual ca outros anos podendo ser, en todo caso, que aumentase un par de arcos; pero sen grandes diferenzas.
• Os fogos igual que todos os anos, a traca para a procesión e algún foguete que outro no resto do día.
• A festa infantil, un calco da festa do 2006, festa da escuma, hinchabeis e pouco máis.
• Unha banda de música para o domingo e unha charanga para o luns, actuación da Barcarola os dous días, o viño das autoridades e os pinchos dos rapaces da procesión, etc.

Despois desta breve, pero precisa, exposición do que foron as Festas do Carme 2007, cal é a diferenza cas de anos anteriores para que aos veciños deste pobo nos supoña un gasto extra de 26.000 €. Despois de darlle moitas voltas, sí encontramos algo distinto: este ano para recordarnos tempos pasados saíron as mantillas á rúa, pero queremos supoñer que iso non é o motivo dos 20.000 € de diferenza de custo dun ano a outro.

Preguntas e rogos pleno de novembro 2007

2008-03-10T11:30:00.000-07:00

1) Si se escusou a un concelleiro non adscrito por non asistir á visita á Finsa por motivos de traballo, debería constar tamén nos medios de comunicación a non asitencia de concelleiros do BNG porque tamén excusaron a súa falta e non figurar únicamente como que non asistiron.

2) Que continúa certo malestar pola ausencia de taxistas na parada e que si non vai a ser utilizada que se limite máis a zona de reserva.

3) Se lle roga que os escritos que vaian dirixidos á alcaldía e sexan de particulares non saian nos medios de comunicación, pois iso molesta aos veciños que presentan os escritos.

4) ¿Algunha entrega de alimentos foron levados aos domicilios en vehículos municipais?. Parece ser que sí polo que se roga que se se leva a algún se leve tamén aos demáis.

5) Cando teñen pensado apresentar o proxecto de orzamentos de 2007, pois no último pleno o Sr. Randulfe manifestou que os orzamentos do 2007 se presentarían en outubro e antes de rematar o ano presentaríanse os de 2008, pero xa estamos prácticamente en decembro e nin un ni o outro?

6) ¿Quen ostenta as competencais sobre tráfico?

7) ¿Ten coñecemento a Sra. Alcaldesa de carreiras clandestinas que din se producen no pobo e quen intervén?

8) A alcaldesa dí que sí, que as hai, e Sabariz di que non, haber se se poñen de acordo, pois non se pode acudir lixeiramente ao medios de comunicación co obxectivo de acadar protagonismo sen pensar no daño que se lle pode facer ao pobo, e ao noso entender se lle fixo.
A noticia de que en Pontecesures existen carreiras clandestinas enviaronas vostedes á prensa: Titular da Voz de Galicia do 5 de novembro “Pontecesures volvió a vivir una noche de carreras clandestinas en el casco urbano”
Titular do 12 de novembro: “Cesures, supuesta capital arousana de las carreras de madrugada”
Esta noticia trascendeu a nivel comarcal e nacional tendo alcance a toda Galicia e a Garda Civil comprobou que de carreiras clandestinas nada de nada que o únco que había eran dous ou tres rapaces que se adicaban a facer derrapes ou aceleróns, como en calquera outro sitio, non deixando de ser “carallladas” de chavales.
É certo que deben tratar de frenarse para que non vaian a máis e que está ben que interveña a Garda Civil para esto.
Rogase que no futuro, neste asunto e noutros parecidos, a acaldesa acuda á Garda Civil ou ao Subdelegado do Goberno presentando denuncia dos feitos e pedindo a intervencón da mesma, sin crear titulares de prensa nin xenerar alarma social innecesaria e non facendo o que fixo concelleiro non adscito (nin de tráfico) que o único que quere e saír nos periódicos.
Este concelleiro xa antes das eleccións sacou una nota de prensa dicindo pouco máis ou menos que Pontecesures era un pobo cun alto índice de delincuencia e agora fai que se trate e se fale de Pontecesures nada menos que como a capital arousana das carreiras clandestinas, danando dunha forma importante a imaxe do pobo e poñendo en perigo negocios como os da hostalería.

9) Pídese que os bandos non se coloquen nas farolas nin nas árbores pois non se considera normal dado que hai outros sitios millores.

10) ¿Porqué non se retira un vehículo que está abandonado na rúa Estación dende hai bastante tempo?

11) ¿Cando se van dar a contas definitivas das festas do Carme?

12) ¿De quen foi a idea de mutilar uunha guía turística do concello arrancando dúas páxinas, concretamente as páxinas nas que aparece o saúdo do Sr. Alcalde? ¿Quen mutilou a guía “colgada” na páxina web oficial do concello?

Preguntas e rogos pleno setembro 2007

2008-03-10T11:24:00.000-07:00

1) Que se aumentou a zona na parada de taxis a fin de que tiveran praza todos os taxistas (hai 5 ou máis licenzas) e entón deberían estar estacionados alí os taxistas, pero como moito só hai un, e en moitas ocasións ningún, e que se se publicitan os números de teléfono móvil do taxistas por todo o pobo o que se consegue e que xa non estean na parada, acadando o contrario do inicialmente pretendido. ¿Qué se pensa facer ao respecto?

2) En qué situación está a ampliación de muros na obra do Xacobeo en San Xulián, pois este asunto está tardando moito en resolverse?

3) Creemos que se despidíu a una traballadora da limpeza por motivos políticos . Se non foi así, ¿cal foi o motivo dese despedimento?

4) Parece ser que hai máis persoal ameazado de despedimento. ¿E iso así?

5) ¿O despedimento acordouse por unanimidade ou de quen parteu a proposta de despedimento da traballadora?

6) ¿Por qué non hai ningún delegado sindical nas mesas de contratación de persoal?

7) Despois do tempo transcorrido desde que se celebraron as festas do Carme, solicítase una copia detallada das contas da devandita festa.

8) Pídese que se arranxen os numerosos puntos de luz que hai polo pobo que non alumean desde mediados do verán así como outros que fallan.

9) Qué tipo de tubo se empregou e por qué se cambiou a canle no regato da rúa Rosalía de Castro pois os veciños da zona están preocupados e teñen medo que cando veñan as choivas se lle inunden os garaxes.

10) ¿Cando teñen pensado presentar o proxecto de orzamentos de 2007, dado que agora o equipo de goberno ten maioría?

Mal funcionamento tesourería

2008-03-08T03:43:00.000-08:00

8 de marzo de 2008
Numerosos usuarios da gardería municipal achéganse ao BNG para dar as queixas no tocante a acumulación de recibos. Estanse a pasar nestes días recibos atrasados de más de 5 meses para o seu pago. Para o BNG esto é inaudito danando gravemente a imaxe da escola infantil municipal e ao memso tempo causando un importante prexuízo económico aos usuarios.
O BNG non entende como é posible que tendo o concello un concelleiro liberado (que ocupa o líder do Partido Popular Rafael Randulfe) e que se adica á tesourería pasen estas cousas. Parécenos moi grave e irresponsbel que o goberno municipal teña a tesourería neste estado de abandono, preocupándose máis polas facturas da lexislatura anterior.
Asamblea Local do BNG

Pintadas no pobo

2008-03-08T03:41:00.000-08:00

8 de marzo de 2008
O BNG de Pontecesures quere condenar enérxicamente a aparición das pintadas no concello nos últimos días, en en especial as pintadas no patrimonio do concello. Estas pintadas están a danar edificios tan históricos como a biblioteca pública Vicente Moure. É lamentabel que haxa xente no noso pobo que non se decate do dano que está a acometer no patrimonio de todos os veciños.
Por outra banda o BNG estima que as declaración nos medios vertidas pola alcaldesa Maribel Castro, nas cales di que “me alegro de las pintadas porque así me conocen más los vecinos”, non axudan nada a resolver o problema senón todo o contrario.
O BNG cree que estas declaración demostran una vez máis a prepotencia e grave irresponsabilidade da primeira edil.
Asamblea local

Photoshop para el niño y la niña

2008-03-07T03:30:00.000-08:00

28 de noviembre de 2007

Photoshop para el niño y la niña. Por Serxio González. La Voz de Galicia

Querido alcalde munícipe amigo, se acabaron sus preocupaciones. Todo el mundo tiene un pasado, no digamos un Concello entero. Y es duro comprobar que la gente todavía recuerda a los ingratos personajes que ocuparon el cargo en períodos pretéritos, calentando el sillón de forma molesta y, por qué no decirlo, completamente inadecuada, ineficaz y aburrida. Usted que acaba de subirse a la parra, es distinto. Dinámico, interesante, lleno de iniciativas y buenas intenciones que distribuir generosamente entre sus convecinos. Pero, claro, ahí continúa esa sombra nefanda, alargada como un día sin pan. ¿Quiere solventar tan inquietante inconveniente de una vez por todas? ¿está dispuesto a emprender una nueva era, abandonando los caducos símbolos de un pasado aciago? No problem. Siéntese frente al ordenador, o mejor, haga que se siente uno de sus subordinados. Que encienda el Photoshop y comience a eliminar de todo cuanto papel oficial caiga en sus manos la efigie del incómodo predecesor o predecesora. A Rivera Mallo le tocó caerse de la foto en un capítulo todavía no aclarado. A Angueira le acaba de suceder lo propio. Sin desmayo. Es la guerra.

Contra a agrupación das secretarías dos xulgados de paz de Valga e Pontecesures

2008-03-06T00:55:00.000-08:00

Margarita Carolina García Castro, voceira do Grupo Municipal do BNG de Pontecesures apresenta a seguinte moción para ser tratada na Sesión Plenaria do día 26 de novembro de 2007.
Antecedentes
Sendo coñecedor este grupo municipal da intención da Consellería de Presidencia, Administración Públicas e Xustiza de agrupar as secretarías dos xulgados de paz dos concellos de menos de 7.000 habitantes, e que desta agrupación resultaría un xulgado único para Pontecesures e Valga, ten que manifestar o seguinte:
Considerando que Pontecesures ten a densidade, con moito, máis alta da comarca, e una situación xeográficamente estratéxica, en canto a comunicacións e servizos debe dispor dun xulgado de paz propio (como ata o de agora)
A posibilidade de que o xulgado de paz se desprace a Valga non só perxudicaría aos cidadáns cesureños senón tamén aos de Valga, aos que, en moitos casos, lles suporía un desprazamento maior debido á dispersión xeográfica do concello veciño.
A gran cantidade de servizos do sector terciario que se ubican no casco urbán do noso pobo, fai máis convinte que o xulgado de paz quede en Pontecesures, podendo, deste xeito, os veciños solventar varias xestións nunha mesma mañán.
Actualmente a carga de traballo do xulgado de paz de Pontecesures ten un volumen tal, que xustifica con creces a súa permanencia, ou en todo caso que se centralice o xulgado de paz único en Pontecesures.
O argumento do número de habitantes da Consellería parécenos pouco realista, xa que hai que analizar outros aspectos como os descritos anteriormente: densidade de poboación, dispersión xeográfica, comunicación e servizos..etc.
Polo exposto, o Grupo Municipal do BNG, solicita do Pleno da Corporación Municipal a adopción do seguinte
ACORDO
1. Solicitar da Consellería de Presidencia, Administracións Públicas e Xustiza a continuidade da Secretaría do xulgado de Paz en Pontecesures.

2. Asemesmo, solicitar unha entrevista co Conselleiro de Presidencia, Administracións Públicas e Xustiza para tratar este asunto, na que estean representados membros de todos os partidos políticos de Pontecesures (BNG, PP, IP e PSOE)

3. Remitir certificación do presente acordó á mesma Consellería.

Pontecesures a 27 de outubro de 2007

Subvención ao Club Náutico

2008-03-04T05:36:00.000-08:00

O BNG de Pontecesures lamenta que nos orzamentos municipais de 2007 se lle retire parte dunha subvención que viña percibindo o Club Náutico en orzamentos de anos anteriores.

Se lle retiran 1500 € a esta entidade deportiva, con respecto a anos anteriores, cando é de todos coñecido que as actividades levadas a cabo por esta entidade supoñen uns gastos adicionais que non soportan outras (compra e reparación de embarcacións, chalecos, palas,etc)

Para o BNG se trata, non dunha equiparación con outros clubes deportivos do pobo, senón dun “castigo” a esta entidade. Somos partidarios que non se reduzan as subvencións que se viñan dando, e en calquera caso que se lle incremente ás outras entidades deportivas se o que se pretende é un reparto “equitativo”.

Escoria Política

2008-03-04T05:12:00.000-08:00

17/Jun/2007
Escoria política
Artigo de opinióm de Serxio González na Voz de Galicia

SI SABARIZ, Randulfe y Castro, los tres mosqueteros de Pontecesures, hubiesen negociado un acuerdo y llegado con él a la sesión de investidura, el número uno del PSOE tendría un problema con el partido que le vino a llamar a casa, pero absoluta legitimidad para articular una alternativa al BNG de Angueira. Lo que hizo ayer, sin embargo, convierte su acción política en pura y simple escoria. En Cesures funciona un ego desmedido, el de la nueva alcaldesa, que no tiene empacho en aferrar el bastón de mando pese a los magros 205 votos que cosechó en las urnas. Funciona también un PP irresponsable, consagrado a desplazar al Bloque a cualquier precio. A ellos, no obstante, nada los ataba más allá de su propia conciencia. Lo de Sabariz es de otro mundo. Pudo salir honradamente del paso votándose a sí mismo o absteniéndose, pero prefirió arrastrar al pozo negro su credibilidad y comprometer la de las siglas que lo cobijaron temerariamente. No hay aquí proyectos, sólo ambición, rencor y obsesiones patológicas. Bonitas herramientas de gobierno, compañeiros.

Sabariz xa enchufou no concello á súa cuñada

2008-03-01T03:36:00.000-08:00

A Asamblea Local do BNG de Pontecesures denuncia a hipocresía do goberno tripartito en relación ás últimas contratacións de persoal no concello.

Vemos claramente as prebendas do pacto de goberno do 16 de xuño, por unha banda o salario que se autoatribuiron a alcaldesa e o responsable do PP e faltaba a contrapartida ao Sr. Sabariz e así na contratación do 27 de setembro de 2007 dun/dunha conserxe se contrata a unha familiar directa do mesmo ( a súa cuñada), quen nin siquera vive en Pontecesures.

O BNG pregúntase ¿acaso non hai xente neste pobo tan preparada e máis necesitada para este posto, que temos que ir a buscar ao veciño concello de Padrón á cuñada deste señor?

Nos sorprende que despois da oposición enfermiza do Sr. Sabariz no derradeiro ano e medio con respecto, sobre todo, ás contratacións, teña a caradura e desfachatez de “enchufar” á súa cuñada.

Durante os oito anos de mandato do BNG, cantos familiares directos de concelleiros do BNG entraron a traballar no concello? A resposta é CERO. Si entrou, sen embargo, esta mesma cuñada de Sabariz.

Dedúcese pois que Sabariz utiliza aos seus socios de goberno para colocar aos seus familiares e se amparam en tribunais de selección para xustificarse e falar de transparencia.

Agora SI que neste concello existe o nepotismo, e o clientelismo

Consello Local do BNG de Pontecesures

Eliminación da tarifa nocturna

2008-03-01T03:31:00.000-08:00

Dende o nao 1983 estabeleceuse, no Estado Español, a denominada Tarifa Eléctrica 2.0N (coñecida como Tarifa Nocturna). Esta tarifa baséase na filosofía de primar o consumo nas horas nocturnas, onde a potencia consumida no conxunto do sistema eléctrico é menor.
Esta tarifa ten un desconto do 55% nas horas nocturnas e un recargo do 3% nas horas centrais do día, e favorece o consumo de determinados electrodomésticos, como son acumuladores, lavadoras, lavalouzas, quentadores de auga, etc, que se poden usar de noite.
A tarifa nocturna busca un consumo enerxético máis responsabel e solidario, e obrigou a instalación nos fogares de determinados equipamentos, cun elevado custe de investimento, como foron os acumuladores eléctricos.
O termo de potencia contratada, que é un concepto fixo, na factura eléctrica, estímase en 5,3 Kw de media para os clientes desta tarifa.
Actualmente no Estado hai, aproximadamente, 1 millón de clientes desta tarifa, no caso de Galiza, debido á súa climatoloxía que obriga ao uso dun sistema de calefacción eficiente, temos uns 160.000 usuarios, é dicir, o 16% do conxunto do Estado.
A tarifa nocturna mantívose sen modificacións dende o ano 1983 até o ano 2006, no que xa non permitíu novas altas baixo esta tarifa, máis o cambio fundamental está en que “Os consumidores e consumidoras acollidos a esta tarifa nocturna, deberán comunicar á empresa distribuidora, antes do 1 de xullo de 2008, a nova tarifa á que desexen acollerse. Unha vez transcorrido o prazo, sen que o cliente solicite as novas condicións do contrato, a compañía distribuidora aplicará automáticamente outras tarifas de acordo coa potencia que tivesen contratada”
É dicir, a partires do 1 de xullo de 2008 desaparece a Tarifa nocturna.
Con este Real Decreto, obrígase aos clientes que teñen esta tarifa, a contratar una nova potencia, superior á que tiñan no consumo das horas punta e a un incremento do prezo sobre o consumo que tiñan nas hotas punta, xa que pasan dun recargo do 3% a un 35%. En conxunto o incremento que poden padecer na factura eléctrica pode chegar ao 49%.
Na nova Orde de Tarifas Eléctricas existe a nova Tarifa de Discriminación Horaria, mais, para acollerse a esta nova tarifa, os usuarios da Tarifa Nocturna, deben asumir íntegramente os custes do cambio, que son cantidades importantes e que están estimadas entre 400 e 500 €uros por cliente. Uns 200 €uros se gastarán no cambio de limitadores de potencia e outros 200 ou 300 €uros, na adpatación dos sistemas de calefacción, que deberán cambiar as actuais resistencias por outras de menor potencia, ou ben, establecer dous circuitos de calefacción independentes entre sí.
Asemesmo, una vez realizadas as modificacións precisas, na nova Tarifa de Discriminación Horaria, haberá que pagar por un maior incremento da potencia contratada, que é una parte fixa da factura eléctrica. Isto terá un efecto negativo en Galiza , pois haberá que contratar una potencia que se emprega fundamentalmente no inverno (polos acumuladores eléctricos), e se continúa pagando logo na primavera e no verán, cando non se necesita tanta potencia, e isto coa Tarifa Nocturna non pasaba.
Como vemos, esta nova regulación das tarifas eléctricas, vai supor un importante gasto nas economías familiares, se temos en conta a media salarial e de pensións en Galiza. Asemade o Goberno do Estado non contempla, na nova regulación, ninguna medida de compensación, nin reparte cargas entre os usuarios e empresas distribuidoras que, en definitiva, serán as grandes beneficiadas.
Por este motivo, o grupo municipal do BNG solicita a aprobación polo Pleno da Corporación do seguinte
ACORDO
Instar á Xunta de Galicia a que demande do Ministerio de Industria, Turismo e Comercio, o mantemento dunha tarifa con características semellantes á nocturna e a gratuidade do cambio de limitadores, así como a creación de liñas de subvención para os custes de adaptación dos equipamentos das vivendas dos usuarios de Tarifa Nocturna que desexen acollerse á Tarifa con Descriminación Horaria.

Pontecesures a 25 de xaneiro de 2008